[Switch] Splatoon 3 [25]任記live圓滿結束/復辦甲子園

斯普拉遁 3 Direct 2022.8.10









https://youtu.be/_wQ-Kfx8J9c



徵大量華人~ 絕無可疑！非西港地區或園區 高薪、愉快的打工環境。 最重要是可以和我一起工作

----------------------------------

《斯普拉遁3》（日語：スプラトゥーン3，英語：Splatoon 3）預定於2022年9月9日全球發售。

系列最新作首次中文化！
在大自然中！在大都會中！
更加豐富的占地對戰！

《斯普拉遁3》是以稱之為「蠻頹鎮」，俗稱「混雜鎮」的地方為舞台背景。自古以來就是進化後的魷魚和章魚等海洋生物居住的地方。這裡混雜了不同時代的建築，形成了自己獨特的文化。在這裡「占地對戰」似乎仍是相當盛行。分成 4 對 4 兩隊以塗抹面積一決勝負的基本規則依舊不變。不過，據說也有新的主要武器和特殊武器，其趨勢可是有很大的變化。

此外，在單人遊玩的「英雄模式」中將以 “哺乳類的回歸” 為這次的主題。這個世界，除了兩隻貓以外，哺乳類應該都已經從地上消失了才對。這句話究竟是什麼意思呢？

《斯普拉遁 3》（Splatoon 3）占地對戰遊玩影片





https://youtu.be/T_r7VdfIRZg




香港官方網站：
https://www.nintendo.com.hk/switch/av5ja/
斯普拉遁 3 Nintendo HK官方頻道
https://m.youtube.com/playlist?list=PLTYTU2rFOuKI_509GctXGfNlXdgmh4NkW
日本官方網站：
https://www.nintendo.co.jp/switch/av5ja/
魷魚研究所（日文）：
https://www.nintendo.co.jp/switch/av5ja/report/index.html
日本官方Twitter：
https://twitter.com/splatoonjp
舊作(Splatoon 2) 遊戲介紹 / 攻略 / 心得 https://lihkg.com/thread/1939523

版本、語言、常見Q&A 簡短解答

遊戲語言：全區有齊中英日(跟機設定)
普通對戰冇分區
Fes分區自己喺game入面任set

Q：買咩版好？
A：日港歐美版全部完全一樣, 唔會買錯

Q：買日版有冇中文？
A：有, 顯示語言跟主機系統, 你可以自己改

Q：揀區揀咩區？
A：日本/港區都得, 日後亦可以改, 放心揀

Q：建唔建議用體感(陀螺儀)玩？
A：必用

Q：單機最多幾多人玩？有冇分割合作/對戰？
A：最多1人, 無分割畫面玩法

Q：手掣用Joy-Con定Pro-Con好？有冇第三廠推薦？
A：100%推薦Pro-Con

Q：桿同體感感度建議set幾多？
A：因人而異, 要自己慢慢加減Tune

Q：啱啱改完名想再改點做？
A：要等30日

Q：App商城買咗嘢, game入面點拎
A：Lobby門口右面揾海膽仔

Q：乜app？
A：《Nintendo Switch Online》

Q：三跑即係咩？
A： Salmon Run, 又稱打工/三文魚, 遊戲唯一組隊出擊打怪模式, 有限定裝備同各種報酬

Q：Card去邊度玩？
A：Lobby門前→轉右經過海膽仔入巷→出巷轉右行到盡頭空地→同肥魚對話

Q：雜貨鋪啲野有咩用？
A：裝飾locker，屬收集要素，無實際用途

Q：咁locker喺邊度？
A：Lobby扭蛋機後面有道實色玻璃門, 其實可以入去

Q：裝點得一個窿, 點開？
A：今集有兩個方法：
1. Game內店舖買返同一件裝, 如下圖：

2. Lobby門口搵海膽仔開。需要消費海螺。海螺入手途徑今集暫時只有祭典活動單一方法，雜貨店賣嗰個只係locker飾物

Q：經海膽仔order / app買既裝可否用於升級？
A：唔得，升級只限上題兩種方法。海膽仔只會問你想唔想取代舊裝

Q：裝升滿咗再升會發生咩事？
A：會出技能碎片，並唔會取代舊有技能

Q：有冇地方可以睇到amiibo有咩裝？
A：https://game8.jp/splatoon3/479876

Q：返生點飛去隊友位置？
A：按X開地圖→右杆/體感將準心瞄准想跳去既隊友→再按A
或者望下UI隊友對應的鍵→揀方向再按A

見成日都有人問配裝問題分享少少
首先記住唔係1套裝走天涯，要配合反地圖模式個人風格去配，以下講下大方向，但要落幾多要自己一個一個試啦



By 唔好嘈！巴打

晒左10碎 好灰
第1格用10碎升 第2格自然升竟然錯左
諗左好耐先明 個seed冇錯
只係Slot 6-8係觀星出
實際未打出黎
咁喺實際係Slot 5 但seed係Slot 8既情況下升裝 搞到升錯左


咁正常係咪觀完星 都要再升到Slot 8先開始升裝
有冇辦法返轉頭拎返slot 5時既seed

再黎三跑技巧整理一下

上次講嘅小技巧係適用於啲Wave 1 22粒以下，大約傳奇40以下嘅難道。

點解我地會用W1幾多粒強黎做難道標準因為難道係同W1入蛋數有關。

W1 16-20粒 大約 100%-150% <--- 基本上係可以用二代三跑打法carry
W1 21-25粒 大約 150%-199% <--- 大約係二代三跑嘅MAX，如果熟練二代打法，即係上次講嘅，基本可以打得穩。
W1 26-27粒 大約 200%-266% <--- 當你升到傳奇200左右，就開始要打呢個數。二代打法基本上已經唔適用。
W1 28-29粒 大約 267%-332% <--- 基本要集中精神，打少個都會崩盤嘅難道。
W1 30粒 就係 MAX 333% <--- 挑戰打大佬

小技巧：入場之後望下W1幾多粒蛋，同隊友拎咩武

當你知道自己打到幾多分，入場望下個分大約知道隊友咩環境，呢個咩難道，從而去就返個打法。
舉個例：你明明打到傳奇100，但係入場見到W1 20粒。咁就要小心，一係殺唔切怪，一係就多岸狗。或者特別關未必識玩。

今日講下打到24粒以上嘅意識。
我地先望下難度表。


21-25粒：難度 150%-199%
基本上，21粒-25粒每round都係出9wave，細boss；基本上由局頭要打到局尾。
而21-25當中嘅分別就係出細怪嘅數量同密度。
如果啱啱升到上傳奇打21/22粒嘅，唔清細怪或者保命打怪，都仲可能勉強過到。
23-25粒，差唔多24粒就係臨界點，好多時都係打到細怪，就被大怪圍死。清到大怪就被魚仔打死。更有可能清得切，但係就唔夠蛋

我地望返難度表，去到局尾16秒同4秒都仲會出細boss唔同上一個難度16秒就無曬細boss。
最大分別係要臨尾係籃邊摶入蛋，係要求勁高技述。原因係佢仲緊出怪，突然4個返曬籃邊，啲細boss細魚好快就攻入籃邊，到時又唔夠蛋又唔夠打，好易被魚圍死。

好彩嘅係，呢個難度每wave出細boss嘅間隔係12秒，即係怪仲未會堆得太快。
建議一：每wave清完之後都入一下蛋
24粒，你每wave入一粒，9wave四個人已經有36粒，足以夠你地過，所以唔好戀戰，記得打完入一粒。
如果隊友係岸邊戀戰，安全情況下，幫佢清魚仔，快快手用A掣扔蛋入中場，自己拎一粒就走。咁就可以穩保兩粒。

建議二：減少用A掣入蛋
入蛋=扔咗粒三角炸，觀察到好多人好順手行到籃邊附近都用A入
我想講呢啲動作要戒都行到返去，仲要曬油射蛋。射之前望下，其他地方係唔係有怪仔行緊埋黎，用啲油去扔個三角炸或者射魚仔ROI更高。

建議三：打魚仔，打魚仔，打魚仔
雖然基本上二代打法係呢個難度都仲適用但係呢代最惡嘅係細魚們如果仲諗住用神走位，去保命。咁距離滅團不遠了。
記得如果有時間就清細魚，唔好見到唔理諗住走。

另外，呢代啲魚仔攻速快咗。舉起手就判定打咗你，盡量留返少少距離殺。

26-27粒：難度200-266%

難度會升一級，每10秒出一次boss，有10wave，應該第9wave之後，就會每wave出一隻。如果清得快，臨尾大約有15秒時間入蛋。
呢個難度如果有一個豬隊基本=打少個如果你自覺控制未熟練，爛aim，平時清怪都唔順，就要小心。

或者你突然升咗上去，見到26粒都要小心。因為二代打法基本上都係唔適用，如果抱住二代打法，會打得好辛苦。

黃金十秒
三文魚頭十秒，第一波攻勢。基本上係最安全最快就快快手清咗佢，當然佢出鯊魚就無理由岸邊殺。隊友齊齊運蛋，起碼可以入到5-6粒保底。
之後，怪就會四方八面咁攻過黎。

一定要望住個時間，因為你得十秒，如果手唔夠快，隊友唔夠醒。就千祈唔好做貪心嘅小狗拎兩粒就好回家。

肥仔，鯊魚，UFO

岸肥，岸邊扔地震波嘅肥仔。如果有勁武，可以係二樓遠距離打嘅就遠打。打完通常有兩個結果，淨係打死岸肥，三粒；好撚多岸好多怪，成地蛋。
前者容易處理，太忙棄咗佢就可以。後者，通常都feel到，如果係屋企附近有岸肥波，然後打打下屋企好得閒，咁9成9都出事。
如果，有好多岸肥，又好忙，殺到一地蛋。要幫手快快手入機走，唔好戀戰。如果有兩個人，一齊入通常係被怪圍之前可以入到半。但係入強嗰時就要望住，邊啲可以引返屋企打，唔好係到製造危機。屋企打少兩個其實會入唔切籃，所以入曬強入機就好走，但係唔入又會有機會輸少少。

最尾30秒左右，唔夠蛋，出岸肥就唔好打了。行出少少，清咗屋企啲怪先。其實清完岸肥嘅威脅性=0。

鯊魚呢個難度係第二戰線（潮漲範圍）已經可以清。呢個難度好缺油，所以有油就可以打咗先。但似打完就唔好用A入強了。

UFO麻煩怪，會出細魚，又會擋子彈，有機會就快快手打咗佢。如果佢下面有車有葉瘤，自己又比怪圍，撞埋去攬炒其實係個唔錯嘅選擇。如果你係隊友，見到要醒目幫下手打埋佢。

雨雲，導彈，塔

呢三寶會另戰況變得混亂，因為佢會迫大家改走位，然後炒車。所以見到唔好留，炸死曬佢地。
塔：打完拎一粒，或者唔拎就好走。手長可以係第二戰線清到嘅要有自覺優先清，如果拎手快武嘅都可以去，但係見到隊友打緊就唔好咁傻仔跳落去打了。
雨雲：其實佢地企死個幾個位，聽到聲或者望到已經可以埋定位打。但係如果太忙，可以利用佢嘅特性引走粒波。如果無時間，點都要打爆佢！！
導彈：全清呢導追尾能力勁咗，留係度增加炒車機率，由其局尾齊齊入籃邊入蛋嗰時。

今日先講到呢度，下次繼續。

洗衣機壽命仲有幾耐

Lm

夾左係q&a中間
自推一下

如果你講嘅係啱, 你第3幅圖第2粒細唔係應該出第一張圖slot6果粒?

咁講可能你未明
Slot 6-8係觀星出
咁下次升出嘅一定係先出番 slot 6-8, 除非你飲咗飲品券
出哂先去番圖2啲技

你邏輯岩 但我因為飲左野 所以slot6既結果改左
我以為我飲左野既結果係圖2
但圖2既結果係飲左野既slot 9既
但我件裝仲係slot5洗完裝升slot6

明白
咁你個問題答案應該係無直接方法
你只可以去番 slot 1-5 嘅結果度逐個睇番邊個頭3個係你 slot 6-8

至於你依家個 seed
你可以入番slot 1-5 再加依家新嘅 slot6 搵

第一次玩連咗2次線打on99咁比人殺
唔想害人
新手應該點玩

請問點睇武器熟練度？

對戰俾人殺好正常
輕鬆玩下油地同埋單機mode練下基本操作先

個個新手時期都係俾人屠殺
打多啲 訓練啲意識同操作

app 武器

好啦 唔該你
睇黎個網冇for人去觀星

App主頁→武器

唔駛理 過左故事mode識基本操作就ok
c rank /佔地 d人唔會期望d隊友有幾勁

原來app先睇到
唔該曬咁多位巴打

新手害人係正常, 即管害多啲
Anyway首先打油地上lv10之後轉打挑戰
唔駛諗太多, 知道規則之後狂打練機控就ok
一兩個月後就可能係你比人害

5星