避諱：喺古代帝制極權社會，有樣極權專制獨裁社會既產物，叫做「避諱」

【前言】

喺古代帝制極權社會，嗱，即係二千幾年前去到百幾年前左右啦，好似係，總之就唔關而家事。有樣極權專制獨裁社會既產物，叫做「避諱」。

即係：「要避開觸犯忌諱的東西」。

「忌諱的東西」有好多，視乎被觸犯者既玻璃心有幾脆弱啦，有啲就連幸福都怕，碰到棉花也會受傷。

而家就唔洗多講啦，我們最幸福，咩都講得。

至於喺「極權專制獨裁」既古代，通常係避一樣野——「皇帝個名」

1. 秦始皇


[1] 我地由第一個皇帝林峯個老豆，秦莊襄王講起。

[2] 秦莊襄王，姓嬴，名子楚。

[3] 秦始皇：「你班仆街以後都唔準講我老豆個名。以後個『楚』字唔用得！」

[4] 以上為設計對白。

[5] 嗱，皇帝話個「楚」字唔用得，但係當時明明就有大大個「楚國」存在緊……後世既我地當然知道秦始皇既解決方法係滅左「楚國」啦。但係喺必須要用個「楚」字，而又唔用得個「楚」字既時候，

就唯有用個意思相同或相近既字改左佢。例如

丞相綰等言：「諸侯初破，燕、齊、荊地遠，不為置王，毋以填之。請立諸子，唯上幸許。 《史記．卷六．秦始皇本紀第六》

[6] 用返人類語言解釋：丞相王綰話：「滅六國後，燕國、齊國、荊國遠離秦國，難以直接管治，所以應該分封皇子做燕王、齊王、荊王，管治哩啲地方。」

[7] You see ~ 秦始皇時代，「荊」即係「楚」。講緊相同地方。

[8] 根據劉殿爵教授既論文，「避諱」似乎要到秦始皇時代先出現。睇黎秦始皇係孝順仔。

[9] 又，《史記》話，秦始皇，姓嬴，名政。咁你可能會覺得，個「政」字就實要避啦。《史記索隱》：「秦諱正，謂之端。」

[10] 用人類語言解釋上一句：「秦代唔講『正』，佢地叫『正』做『端』。」

[11] 因為「端」=「正」，意思相近。

【壽桃按】
我屌哂你地班 9upper 古人老母呀。秦始皇，姓嬴，名政。咁避個『政』字得啦。點解要避個『正』字先？

[11] 以上既疑惑我中學時已經有。但當然我不求甚解，無嘗試搵過答案。而喺我畢業幾年後，寫哩篇文既當下，我發現偉大的劉殿爵教授喺1988年已經研究過。

秦諱初探 — — 兼就諱字論古書中之重文
http://www.cuhk.edu.hk/ics/journal/articles/v28p217.pdf

[12] 當中第228 頁有一句，簡直就晴天霹靂：秦始皇究竟是否名「政」，文獻不足，無法斷定

哩句簡直推翻哂我既常識，好傷心。諗返細個睇尋秦記，一定係林峯呃我。

[13] 好彩現代有好多出土文物。班契弟古人寫既野信唔過，所以都係掘二千年既野出黎睇過先。

1975年12月湖北省雲夢縣掘到一批秦代竹簡，記錄當時的法律及公文，一手資料信得過。



入面避「楚」同「正」既例子有：

廿三年，興，攻荊。（避楚）
是以聖王作為法度，以矯端民心。（避正）

咁大約就證明到當時真係「以荊避楚」以及「以端避正」。

[14] 好囉好囉，等我省略哂其他複雜野，例如

A. 避諱係皇帝在生時避 定係 皇帝死左先避 定係 某一年皇帝宣佈完要避諱先開始避
B. 秦始皇究竟係嬴政，抑或嬴正
C. 《史記》有啲秦人傳記，無避秦諱

直接飛去總結，秦始皇既時候（起碼）有兩隻字係要避諱。就係「楚」同「正」。

相比起而家，真係幾咁幸福呢。

[15] 講左咁耐，「避諱」除左增加麻煩之外，仲有咩用呢？喺通俗角度黎講，我認為，有一個人要多謝「避諱」哩樣野。

避諱之二（一座山一個男人和一堆尼姑）

[1] 首先我地講恆山。以下引自維基：

地理上的恆山山脈本來並非一座山，而是泛指河北西部到山西渾源的的太行山脈。

傳說舜北巡到恆山時，感慨其雄奇險峻，遂封為北嶽，位列五嶽之一。

《爾雅．釋山》記載：「泰山為東嶽，華山為西嶽，霍山為南嶽，恆山為北嶽，嵩山為中嶽」，五嶽的大體指向在先秦時期就已經確立。


恆山雁門關。圖源 Andy ho

[2] 但，個題目已經fail 左。恆山唔係一座山，而係一條蜿蜒既山脈。

[3] 但但，如果寫「一條山脈一個男人和一堆尼姑」，好奇怪嘛。

[4] 講起恆山，就諗起笑傲江湖恆山派，然後就係恆山派尼姑，然後就係小師妹儀琳。除此之外，你仲諗唔諗到其他關於恆山既野？我就無啦。


何美鈿

[5] 上文提要。以前有樣野叫做「避諱」。簡單講，即係唔可以寫「皇帝」個名，如果事必要寫，就要諗辦法避左佢。例如秦始皇老豆叫子楚，當時既秦國人唔可以響秦王個朵，所以就唔用得個「楚」字，咁就唯有用個相同/相近意思既字代替。

因此，秦國人會用個「荊」字代替個「楚」字。因為「荊」同「楚」都喺泛指相同地方：湖南、湖北、安徽、浙江一帶。

[6] 之但係，秦朝好快（14年）就滅亡，中國由漢朝統治。

咁，漢高祖劉邦仲會唔會避你秦朝既諱？梗係唔會啦。佢日日楚楚楚楚楚楚楚楚楚楚你老尾都得呀。

[7] 去返正題。眾所鳩知，恆山自古以來就已經是中國領土的一部分，係神聖不可侵犯既中國領土。自古以來恆山就係叫恆山，直至——漢文帝劉恆即位。

[8] 由於唔可以響皇帝個朵既關係，漢代人以後唔可以用個「恆」字。

遺憾地，漢朝國祚比秦朝長得多，廿八個皇帝，四百幾年。漢文帝劉恆係第三個皇帝，佢之後四百幾年，大家都唔用得「恆」字。受影響機構包括：

恆山
恆安邨
恆香月餅
中國恆大
恆生指數
恆河咖哩屋

[9] 以上既「恆」字全部要改。改做咩？改做「常」字。因為「恆」「常」意思接近嘛。所以呢，以下全部變成：

常山
常安邨
常香月餅
中國常大
常生指數
常河咖哩屋

「中國常大」係咪好政治正確？「常香月餅」係咪好想送畀偉大既特首呢？

[10] 「恆」字改做「常」字，個人認為，等於幫所有野downgrade 咁。唔信既你碌上去再睇多次？

不過，佢係例外

[11] 假設有人唔識佢，我建議你打鋪三國無雙/ 三國志等等暗恥遊戲。

趙雲，字子龍，是中國三國時期的蜀漢武將，生於常山真定（今河北省正定縣），身高八尺（約185cm），姿顏雄偉。初從公孫瓚，後歸劉備、劉禪。歷任牙門將軍，偏將軍、領桂陽太守，翊軍將軍，領中護軍、征南將軍，封永昌亭侯，鎮東將軍。箕谷失利後自請貶為鎮軍將軍。故後追諡曰順平侯，是為永昌亭順平侯。



由左至右：三國無雙、火鳳燎原、見龍卸甲

[12] 趙雲，係恆山變成常山七百幾年間（西漢至南北朝北周），常山唯一名人。喺哩方面，佢絕對要多謝羅貫中同暗恥。

三國演義第四十一回：劉玄德攜民渡江，趙子龍單騎救主
趙雲聽了，連忙追尋。只見一個人家，被火燒壞土牆，糜夫人抱著阿斗，坐於牆下枯井之傍啼哭。雲急下馬伏地而拜。

夫人曰：「妾得見將軍，阿斗有命矣。望將軍可憐他父親飄蕩半世，只有這點骨血。將軍可護持此子，教他得見父面，妾死無恨！」

雲曰：「夫人受難，雲之罪也。不必多言，請夫人上馬。雲自步行死戰，保夫人透出重圍。」糜夫人曰：「不可。將軍豈可無馬？此子全賴將軍保護。妾已重傷，死何足惜！望將軍速抱此子前去，勿以妾為累也。」雲曰：「喊聲將近，追兵已至，請夫人速速上馬。」糜夫人曰：「妾身委實難去，休得兩誤。」乃將阿斗遞與趙雲曰：「此子性命全在將軍身上！」

趙雲三回五次，請夫人上馬，夫人只不肯上馬。四邊喊聲又起。雲厲聲曰：「夫人不聽吾言，追軍若至，為之奈何？」糜夫人乃棄阿斗於地，翻身投入枯井中而死。趙雲見夫人已死，恐曹軍盜屍，便將土牆推倒，掩蓋枯井。掩訖，解開勒甲，放下掩心鏡，將阿斗抱護在懷，綽槍上馬。

早有一將，引一隊步軍至，乃曹洪部將晏明也，持三尖兩刃刀來戰趙雲。不三合，被趙雲一槍刺倒，殺散眾軍，衝開一條路。正走間，前面又一枝軍馬攔路。當先一員大將，旗號分明，大書「河間張郃」。雲更不答話，挺槍便戰。約十餘合，雲不敢戀戰，奪路而走。背後張郃追來，雲加鞭而行，不想趷躂一聲，連馬和人，顛入土坑之內。張郃挺槍來刺，忽然一道紅光，從土坑中衝起：那匹馬平空一躍，跳出坑外。

後人有詩曰：

紅光罩體困龍飛，征馬衝開長板圍。四十二年真命主，將軍因得顯神威。

張郃見了，大驚而退。趙雲縱馬正走，背後忽有二將大叫：「趙雲休走！」前面又有二將，使兩般軍器，截住去路：後面趕的是馬延、張顗，前面阻的是焦觸、張南，都是袁紹手下降將。趙雲力戰四將，曹軍一齊擁至。雲乃拔青釭劍亂砍。手起處，衣甲透過，血如湧泉。殺退眾軍將，直透重圍。

卻說曹操在景山頂上，望見一將，所到之處，威不可當，急問左右是誰。曹洪飛馬下山大叫曰：「軍中戰將可留姓名！」雲應聲曰：「吾乃常山趙子龍也！」曹洪回報曹操。操曰：「真虎將也！吾當生致之。」遂令飛馬傳報各處：「如趙雲到，不許放冷箭，只要捉活的。」因此趙雲得脫此難。此亦阿斗之福所致也。

這一場殺，趙雲懷抱後主，直透重圍，砍倒大旗兩面，奪槊三條；前後槍刺劍砍，殺死曹營名將五十餘員。

後人有詩曰：

血染征袍透甲紅，當陽誰敢與爭鋒！古來衝陣扶危主，只有常山趙子龍。

[13] 試諗下，如果講成：「我乃恆山趙子龍也！」

係咪即刻廢左呢？換個字，成件事觀感即刻唔同哂。都話左趙雲要多謝劉恆。


[14]自從漢代將恆山改做常山之後，常山哩個名大約用左七百幾年，直至南北朝末期既北周。

(i)點解漢朝完左之後，魏晉唔改返做恆山？因為用左幾百年用慣左嘛，合理推論。

(ii)點解北周又要改返做恆山？因為行政規劃變左，斷估順手改埋。恆山郡 →常山郡 →恆州。

[15] 後來，仲有兩個皇帝叫阿恆。

唐穆宗李恆，唐朝第15代皇帝，在位4年。
宋真宗趙恆，北宋的第3位皇帝，在位25年。

RIP 恆山。皇帝用埋哩啲公廁名真係好煩。

抄定原創㗎

地球上我暫時未搵到第二個人用粵語寫古文

寫得好好 支持

G持

唔錯

支持，好睇

娘子，有神快拜

同果班SJW弱智左膠差唔多

支持