各位聽日放榜嘅巴絲，我知道大家依一刻嘅心情好緊張，而且你哋應該仲plan 緊聽日萬一唔夠分入ugc 有咩後備方案之類，八大有幾好相信就唔洗我講，今日我唔係要介紹八大神科比大家，喺呢度，我誠意向各位推薦能仁大學。
1.師生關係
喺全香港，我敢講，能仁大學絕對係唯一一間大學連校長都會同埋你一齊去玩ocamp 的。師生在玩ocamp 嘅過程中，一齊用條j fick 人、一齊奶腳，建立出深厚嘅感情，呢份體驗、呢位回憶，肯定只有能仁大學可以帶比你。
(相關圖片)
2.寧靜校舍
相信大家都知道，依家八大每一間都收好多中國學生，一行入八大嘅校舍，陣陣嘅書卷味淹沒喺一句又一句嘅普通話之中，而且，八大嘅學生人數眾多，但好多間校舍都唔算大，例如城大，真係迫到呀媽都唔認得，反觀能大，15/16年學生人數僅65,唔好話普通話，平時係校園你聽倒人聲都難。
3.優越地理位置
能仁大學位處香港嘅黃金地段：西九龍深水埗荔枝角道，毗鄰深水埗地鐵站，交通方便而且處於香港正中心。喺能大校舍嘅周邊，你唔難發現一啲正在工作嘅南洋藍領工人會經常望住能大校舍發出艷羨嘅目光(就好似港女見到大隻洋賜咁) 。喺以基層為主嘅深水埗鬧市中巍然矗立嘅能仁校舍，彷彿將整個深水埗嘅級數提升。話能仁之於深水埗，就如同金閣寺之於京都一樣亦不為過。
4.師生人數
根據資料，15/16學年能大學生人數65,教師人數則為76. 老師嘅人數甚至仲比學生多出11個，喺咁樣嘅師生比例下，學生喺有問題嘅時候就可以即時得到老師嘅回應同協助，大大有利學習，分分鐘degree 讀能大，master 去劍橋。
5.學費資助
依家讀大學或者大專嘅巴絲，相信大多數都有問政府借grant 讀書，對於仲未投入社會工作嘅我地黎講，每一年嘅學費實在係天文數字，但係相信大家最近都有留意，林奠話3322考生讀各自資學士學位都可獲3皮資助，而當中亦包括能大，相信3萬一年嘅資助無疑對經濟條件一般嘅巴絲黎講係好重要嘅考慮。
能大唷！！
