[本地足球] 2022/23 港超聯、亞冠、亞協及香港隊討論區 (25)

我都有諗過係唔係因為N賓同名家係fd開
不過我又搵唔到source先唔亂講

好彩鍾踼傷嗰個唔係N賓個國家隊隊友
如果係嘅話N賓應該會發癲

曾至孝

證明喺成長期出國學吓啲意識真係勝過喺香港增加所謂比賽機會
比你踢酗23踢100場比人炒足100場，教練又冇料到，到頭來又學到啲咩呢

以前日本南韓都不停送人去外國低組別聯賽，先有今日嘅成績

個競爭氣氛都遠勝香港了
仲未計硬件軟件

香港個足球文化同水平 要成功點都係將最有潛力嘅送出國

上年會員啲劵仲可以用?

杜國樑而家上咗viutv

又幾型

同溜冰果個幾襯

佢靚仔過阿哥

兩個差好遠

呢種質素真係食女食到腳軟

重要啲中文鬼鬼地

可以

果位溜冰女係正既，之前真係港隊，雖然已經轉左做KOL

無咩點睇佢踢波 但身型係港超都幾好 實力係去到邊？

起碼好過深水埗u23全部唔計黃浩然嘅話

深水埗杜國榆呢 杜國樑勁d

憑8月28日(日)首周港超聯賽事中，作客理文所射入的「世界波」，而獲球迷投票選為Hanstti Soccer「8、9份最佳金球」的標準流浪前鋒祖連奴，周六(8日)在看台上為隊友出戰「菁英盃」分組賽打氣時，在會長莫耀強手中接過獎座和美食現金券。

因停賽關係只能在壁上觀的祖連奴，一邊細看手中的「戰利品」，一邊接受記者訪問時表示，當選令他更有動力去面對往後的比賽：「攞到呢個獎真係太好喇！令我對之後嘅比賽，有更大推動力，更加渴望入球，但最緊要都係幫助球隊贏波。」

祖連奴除獲得由Hanstti Soccer送出獎座，以及由Lockeroom Dining送出價值500元的美食現金券外，還自動躋身季尾的總選。
https://hk.on.cc/hk/bkn/cnt/sport/20221010/bkn-20221010123043346-1010_00882_001.html


原文網址：8、9月份「最佳金球」：標準流浪前鋒祖連奴 | on.cc東網 | 體波 https://hk.on.cc/hk/bkn/cnt/sport/20221010/bkn-20221010123043346-1010_00882_001.html

回巢和富大埔 鍾偉強：想畀多次機會自己
10月10日(一) 19:10

和富大埔今夏相隔兩季重返港超，這支曾於2018/19賽季捧起聯賽冠軍的地區球隊，今季吸納多位球隊奪冠功臣，其中就包括鍾偉強。近年經歷兩次大傷，再加上疫情影響，種種原因一度令「強仔」萌生退意，但經歷低潮的他，直言不甘心就此放棄職業生涯：「想畀多次機會自己，證明我仲可以踢到落去。」

「強仔」與足球最初的記憶，始於楓樹街遊樂場：「我10歲就開始喺呢個球場踢波，當時屋企住附近，自己拎住個波就走落場同人跟隊鬥波。奈何細個能力所限，唔足以令自己贏波，所以嗰陣時成日都好易忟憎。」石地場上，勝者為王敗者為寇，只有贏波才能留在場上繼續踢，嗜踢波如命的「強仔」，說自己從小就會因在乎場上的輸贏而發脾氣，「其實依家都仲會咁。」他笑言。如今場上火爆脾氣多少有所收斂，但「強仔」那顆求勝心亦始終如一：「依家去到職業層面，自己都仲好想贏，呢方面嘅心態由細到大都冇轉變。」

由夢想駿其出道，及後效力香港飛馬，「強仔」2018年加盟和富大埔，並於同年迎來職業生涯「收成期」，除了斬獲個人大港腳首個入球，幫助代表隊打入「東亞盃」決賽，更隨球會在聯賽高歌猛進，最終勇奪港超冠軍：「當時係自己出道第4年，前3年乜都冇，跟住就攞到聯賽冠軍，仲係自己有份參與其中，都幾夢幻；（奪冠）唔止對我，對當時球隊每個人都係好重要嘅里程碑。」2019/20賽季「強仔」轉投東方龍獅，成功延續捧盃運，惟他卻沒想到在這段日子裏，疫情和傷病竟成為自己的最大挑戰。2021年初港超因疫情陷入停擺，「強仔」訓練中膝部感到痛楚，經過檢查後證實半月板重傷。

手術後的他耐心等待康復，期間仍不忘拿着拐杖入場為球隊打氣：「最難頂係復原緊嘅過程，途中都有去睇比賽，自己嗰刻都好想落去踢，會諗自己點解坐咗喺觀眾席又幫唔到手。」幾經艱辛重返綠茵場，同樣位置的傷患，卻又在復出後不足一年再度復發，「唔會咁兒戲啩？」「強仔」當時心想。對運動員而言，經歷傷病猶如煎熬，更會將意志消磨，上季港超因疫情腰斬，更加令球市蒙上陰霾，「強仔」承認自己一度好「灰機」：「因為疫情，球市呢兩三年嘅環境唔係好好，加上自己又成家立室，會諗要繼續踢落去，定早啲出嚟攞其他工作經驗，自己都傷過兩年，都驚會唔會再整親，所以萌生過唔想繼續踢嘅念頭。」

在延續職業生涯和轉行另謀出路的抉擇面前，「強仔」最後還是選擇前者，他透露自己深受港隊今年的出色表現啟發之餘，更重要是不甘心就此放棄：「自己唔係冇能力去踢，只不過係因為受傷而灰咗，但眼見身邊嘅同行，好似之前『亞洲盃』外圍賽出線，見到胡晉銘同茹子楠佢哋進步得咁快，自己係唔係真係冇能力再踢呢？」「強仔」早前初為人父，人生踏入新階段，他說繼續堅持的另一原因，是希望待囡囡懂事後，仍能入場看見自己的比賽英姿。

今季重返大埔，「強仔」至今兩場聯賽都正選出戰，面對晉峰一役，更是他相隔超過1年後再次踢足90分鐘，然而比起這個小小的成就，好勝的「強仔」還是更介懷比賽最終結果：「比賽後嗰日成晚都好唔開心，話晒大埔今季第一次主場出擊就輸波。」大埔捧起港超冠軍已是3年前的事，曾經是「綠戰士」冠軍成員一分子的「強仔」，如今亦改穿起9號球衣，他坦言球隊現時陣容與當年分別頗大，自己都需要重新適應。對於今季目標，「強仔」除了期望能健健康康完成全季征途，亦希望能與大埔陣中的年輕隊友一起進步：「球隊有好多後生仔，我希望全部人可以一起成長，畀人睇到大埔雖然陣容好年輕，但仍有能力喺港超立足。」
https://hk.on.cc/hk/bkn/cnt/sport/20221010/bkn-20221010191037358-1010_00882_001.html