幼貓肚屙求教

幼貓五個月大，前排轉thrive 濕糧。 每日兩乾兩濕，大約持續左三四日，大便正常。 之後有人話肉絲糧無咁健康，試餵左少少canagan 濕包。 有日返屋企發現貓貓偷食左成包canagan，第二日就屙到七彩。 屙左一日之後加左益生菌比佢（夾埋屙左兩日），琴日停左一日無屙屎，今朝又嚟過。
呢兩日幫佢減糧到平時1/3。 本身想淨餵乾糧但係佢已經唔肯食，一定要食濕。 （thrive 肉絲幼貓+ orijen 乾糧）
請問佢係食滯未屙清，定係thrive 唔啱佢食呢？
我可以點對觀察係前者定後者？ 我屋企仲好wellness , canagan , animonda 幼貓配方。 應該轉左thrive 定再睇多幾日？

貓貓精神同平時差唔多，飲水都ok。

有可能係未痾清，之間都冇正常便便
不過orijen有d人話食完會痾

痾完要補充多d水分，雖然唔肯定thrive會唔會痾，但都唔好轉曬全乾好d
反而有冇諗過要試下全濕，睇吓係咪orijen嘅問題？

有屙既成份

1. 乾濕唔好一齊餵，佢哋會消化不良，你可以將啲乾糧浸林佢再壓爛佢

2. 唔好理邊隻糧好定唔好住，轉糧唔可以咁急轉的，永遠都係逐少開始溝俾佢慢慢轉，而家佢肯食邊隻你就餵住嗰隻先，直到佢冇屙一排身體好返你先至慢慢轉返一隻你覺得健康嘅俾佢，thrive其實唔錯的

3. 過多兩日都再係咁就帶佢睇醫生啦，一係你隻益生菌唔適合佢，一係佢可能有菌所以先會咁樣屙而唔係普通嘅軟便問題，貓仔咁屙法都有機會脫水的，keep住落去都係咁就帶佢睇一睇醫生啦

Thrive好多貓會易痾 太高蛋白
我隻貓當年bb keep住軟便 試左好多
最後食ziwipeak /K9罐即靚屎 後尾餵凍乾糧加水
貴係貴 不過調理翻腸胃大個dd就食乜都無事了

其實除咗病貓
根本真係需要高蛋白

唔係隻隻貓受到
試一排唔得就係唔夾

想問下濕糧想轉牌子係咪都要慢慢轉？

係 除非佢一食就已經又屙又嘔咁就當然即轉
但如果本身食得好地地你想轉嘅都最好慢慢溝住咁轉俾佢

最後同左佢睇醫生，開左止屙益生菌同埋轉左RC 腸胃糧，好左幾日。今日部自動餵食機唔小心較左10g orijen （本身放左落去）出嚟，比佢食左。 食完就屙水屎。 我諗應該係orijen 唔啱佢。

等佢食埋呢包RC腸胃糧或者再過多幾星期（上網睇重建貓貓腸胃細菌要約三星期） 會試轉instinct 貓糧。
似乎終於搵到原因。 太高蛋白再加埋我之前再另外比kitten 食嘅濕糧，可能太激佢搞唔掂。