TVB上位後生仔林正峰今日（10月4日）被媒體報道指他背着緋聞女友「A0女神」游嘉欣，跟劉溫馨單獨約會及慶生，捲入「偷食」疑雲。
林正峰特意在今日下午於IG撰文回應事件，強調自己單身並還「好兄弟」游嘉欣清白，同時解釋跟劉溫馨於飯聚後沒有任何聯絡。
林正峰於IG發帖文回應事件，並附上以問號作背景的相片，他寫道：
真係好大個問號，百思不得其解，好多人都問我其實係咩事，覆唔晒，容許我係到講講幾點我最想講嘅。
1. 八月份我生日的時候同很多友人都有約食生日飯，而其中有一位前輩提出約食生日飯，雖然平時甚少傾偈，但因為係曾經合作過嘅前輩，諗住都只係聚一聚所以就去食，食完飯之後我哋都無同大家有任何聯絡，所以對今次呢件事都百思不得其解。
2. 我要重申我無收過對方任何禮物，對方著得靚因為對方剛完成記招，外套也是對方自己的。
3. 我要為到受影響的好兄弟游嘉欣致歉，十萬個對不起，佢成日比人擺咗上枱。
4. 我真係單身，現在無意亦不會想發展任何戀情，只想寄情工作。
最後，我亦學懂世途險惡，以後會更加小心同留意。
