【長文慎入】移民英國一年，真係唔後悔咩？

移民英國一周年，之前一篇分享對於收支平衡既擔心，今次講下心態上既調整。

第一，天氣方面，我開頭以為自己唔怕凍應該會好易適應，但黎左一年，發覺始終未算，見人地十度淨係著短袖背心，我真係唔得。識我既人都知我係中意夏天，勁討厭冬天既人，加上係中意上山下海，陽光與海灘既人，而英國有半年時間都算係冬天，絶對唔易過。我特登揀wales 主要中意佢有山行有海灘，可惜世事就唔係想像咁美好，9月天氣就已經得10度，去咩行山海灘呢？冬天真係好漫長，尤其十一月開始較慢一個鐘，4點就天黑都算，最慘係冬天會基本上日日落雨，隔個星期就打風，成日橫風橫雨，莫講話去玩，出街都未必想。之前9月頭滯留係西班牙旅行，感覺好舒服，日日好好太陽，一返到英國就變左另一個世界，我終於明白點解咁多英國人中意去西班牙。

第二，食物方面，真係好少選擇。開頭黎，見到超市好大好興奮，但其實食物選擇唔多，肉類的確平過香港，質素唔錯，但海鮮、蔬菜、生果好少選擇，超市雖然係好大，啱買既野唔多。出街食仲攞命，Cardiff 依度既餐廳仲少選擇。其實我已經算中意食西餐，開始黎到覺得好新鮮，都想試吓唔同嘅餐廳。可惜食黎食去，都係fish and fries , burger 之類，頂籠rib、steak 好悶，連有paster嘅餐廳都唔多，有時都會食下泰國野日本野，但依度真係得好少選擇。

第三就係要接受依度既人處事態度。有時候打去customer service hotline ，等好耐不特止，有時仲傾得唔like ，會cut 你線，甚至鬧翻你轉頭，香港係無可能發生。另外送貨，遲到無通知好正常，完全無到都好正常，啲人做嘢真係好無交帶，唯有再追多幾次。約GP 睇醫生，難過登天，成日無得比你睇，有時要將個病情講得嚴重啲，或者唯有自己買藥食算啦。住得耐慢慢就要接受，呢度啲人嘅處事手法，有時係會好得人驚，完全唔可以用香港果套，感覺氣餒係好正常。

黎到一年，心理調整好重要。我地要接受好多野唔係想像中咁美好，我絕對唔會報喜不報憂。開頭黎到當然覺得好新鮮，啲屋好靚，啲公園好大，但之後就會覺得無乜特別，個個英國城市都差唔多。之前會成日揸車去附近城市玩，依家都少左。新鮮感無左，就要好好調整心理，用唔同方法去適應生活遇到既落差問題。另外多啲搵朋友傾訴下都好，睇下有咩大家都遇到既問題同解決方法。

最後，你問我會唔會後悔過黎，我會話一定唔會。因為英國有既最重要係自由既空氣，小朋友讀書最開心既，唔需要好似香港咁大壓力，當然無所謂紅色思想洗腦已經好好。而鄰里關係亦係香港比唔到，大家會互相幫助，互相分享美食，係開心既。而依度既居住環境當然比香港好好多，香港啲屋豆腐潤咁細，真係好侷促，周圍高樓大廈，依度就另一個世界。點都好，大家努力啦，要係度生活絕對唔容易。

（轉貼）

好多嘢都要打電話無得用電郵或web form問，遇著個重口音聽撚死你

回流死全家

連有paster嘅餐廳都唔多

Scousers已經唔係易聽得明，見唔少人仲要去Wales或Scotland，不敢想像有幾難明。其實幾勇下，又或者事前冇考慮清楚

Cardiff

Bath去Bristol都合理，去London 有冇link

關人撚事咩。

最近搵到份正常工
唔洗再做warehouse, 但自己開會不停miss重點，聽唔到人地講乜點算

呢個成日遇到 啊差口音我都明但係有啲捲舌音超重好似冇break冇stress嘅真係1999

日照時間爽果時 9點都未天黑 日日風和日麗
四季好明顯

食野 鬼佬野樣樣上下
但食材新鮮平 呢邊生活輕鬆可以自己煮
唔洗搞d野都可以幾好食
出街比錢可以試下意大利野 香港比成千 呢度廿幾鎊就得

服務到您自己做返對客就感受到尊嚴
夠鐘放工 話唔OT就唔OT
太多做唔晒就做唔晒 明天請早

間屋大左自由左環境友善左
個人健康左
無咩好後悔

又要移民又要嫌三嫌四
麻鳩煩香港人

當日為左咩離開香港？
你會為左呢三點返去日日比加超解決？

我同同事食飯講起呢件事 佢話佢成世係英國都仲係覺得自己聽唔明好多人講嘢

成班人開會
只聽關自己事既野
其他當廢UP

d鬼仔真係好癲，仲著緊短褲