私心選出世界十大最佳美食

FarmerNasus

25 回覆

5 Like 7 Dislike

FarmerNasus 2022-10-03 22:25:11

事先聲明，呢個post嘅choice完全係根據我個人經驗而揀，真係我有食過而作出評價，不過冇客觀性，係好controversial, 你可以當係個人推介去睇都ok。你亦都可以理性討論，或者屌尻我，話我食開屎都得，隨你喜歡，最緊要有討論，交流吓睇法😇
除此之外有啲我冇親身食過嘅都唔會有ranking，不過未來都會去試唔同新嘢，希望大家可以比啲recommendation我，增長一下見識，多謝各位巴絲🤙🏻

FarmerNasus 2022-10-03 23:03:54

No.10 泰國綠咖喱🇹🇭
咖喱有分好多種，而綠咖喱我認為佢嘅辣、香同濃，三者之間都好balance，當中加入嘅魚露同青檸有提鮮嘅作用，口味rich得嚟唔算肥膩。喺馬拉生活過嘅我食慣印度咖喱，但綠咖喱比我一種好唔同嘅感覺，覺得更好食。雖則瑪莎曼咖喱先係泰國咖喱之王，但我已經唔記得咗個味道，遲啲再試吓。喺香港我食過印象深刻嘅綠咖喱係喺APM food fiesta嘅Baan Phadthai, 好似真係經泰國人煮嘅，地道一啲，而嗰陣香味不得了，係有層次嘅，唔講咁多，廢事比人話打手

晚晚頭痕 2022-10-03 23:31:12

Live左

FarmerNasus 2022-10-04 00:03:07

No.9 俄羅斯蜂蜜蛋糕medovik🇷🇺
鐘意東歐文化嘅我當年去咗俄羅斯旅行，喺超市無意中見到一盒medovik, 身為蜜糖撚嘅我當然唔放過，果然一食愛上。個texture同蜜糖濃度係屌打日本同台灣嘅蜂蜜蛋糕，上網一search發現原來medovik歷史悠久，18世紀已經攞嚟取悅俄羅斯女皇，發展到今時今日味道更完善。千層酥嘅形狀，每層都夾住蜜糖同煉奶，但唔知點解唔過份地甜，感覺唔會太邪惡，而制作過程佢唔加水，淨係用適當嘅cream, 用cream滲透入面嘅餅乾皮，食落好香。我個人認為medovik唔叫蛋糕之王都可以叫蛋糕之后，佢可以將蜜糖嗰種味道最大化發揮出嚟。除咗俄羅斯，幾乎全東歐都有得食，去嗰度記得要試，而喺香港，你可以喺中環嘅東歐餐廳或者romanova bakery揾到佢，我食過就覺得未到最好食但捉到啲神粹，可以一試，同埋東歐餐廳成日捐錢比烏克蘭軍，得閒要去撐吓，Slava Ukraini

FarmerNasus 2022-10-04 00:05:32

打得有啲慢sor

FarmerNasus 2022-10-04 00:26:14

No.8 華南雙皮奶
如果你話中國嘢邊款我最印象深刻，我會答你雙皮奶。好食嘅雙皮奶喺香港已經絕咗種，但以前00年代嘅時候義順嘅雙皮奶真係好撚好食，好重奶味好滑，上層同下層個皮係有分別，係有層次，代表住老師傅老練嘅傳統手藝，係我每星期必食嘅嘢。不過而家已經冇香港人整到當年嗰隻味，壽終正寢，RIP

FarmerNasus 2022-10-04 00:29:44

冇人睇，打住咁多先

感冒尋回犬 2022-10-04 01:30:02

睇緊

80後收皮期 2022-10-04 01:34:11

屌你老母

韮囝 2022-10-04 01:58:02

Live 快啦

淘桀 2022-10-04 02:02:17

第一叉雞飯

三權分立係笑話 2022-10-04 03:45:22

繼續啦

FarmerNasus 2022-10-04 16:26:51

好撚多嘢做，不過更新吓先，sor9

FarmerNasus 2022-10-04 16:28:44

第一同雞有關，不過唔會有香港人識呢道菜

FarmerNasus 2022-10-04 16:59:46

No.7 土耳其庫納法kunefe🇹🇷
我應承大家係最後一道甜品

土耳其菜係世界三大名菜，其實好值得香港人更多關注，而我覺得kunefe係土耳其甜品入面最好食嘅。（from wiki)庫納法主要混有碎果仁或肉桂糖粉，cream或乳酪。芝士是放在兩層 kadayif 之間。喺煮熱咗嘅小銅板，送入非常熱的糖漿和奶油或核桃、開心果。kadayif係咩嚟？(from wiki)又叫碎屑小麥餅，是一種薄土耳其麵條，由麵粉和水製成，通過篩倒入熱金屬的烹飪盤入面，而麵條係好短嘅，簡單嚟講有啲似短身米粉。而kunefe個樣同潮州糖醋麵有啲似，但食落係好重蜂蜜糖漿，又比入面厚厚嘅芝士中和咗，加上開心果粉嘅點綴同埋烘焙，可以話係baklava嘅升級版（熱嘅真係好食好多），當你食落去嘅時候會feel到又邪惡又幸福，屌打紫薯拉絲好冇。我自己食嗰時就覺得好正係因為佢好甜但比芝士balance咗，同時升華咗個口感，而佢又好crispy ，炸嘢就係簡單暴力。嗰時我喺大風雪嘅伊斯坦堡嗌咗碟，feel到好warm嘅感覺，係其他甜品比唔到我嘅。喺香港大家可以google kunefe，應該揾到一啲土耳其餐廳會有，大家可以去試吓

FarmerNasus 2022-10-04 18:07:47

No. 6 西班牙燒乳豬Cochinillo asado🇪🇸
終於有肉上榜

我知，港式燒乳豬好好食，但我覺得西班牙燒乳豬更勝一籌

嗰時去咗segovia嘅Meson De Candido同埋馬德里嘅波丁餐廳（世界最古老餐廳）食乳豬，發現我比較鐘意食鬼佬燒豬多啲

原因有三，第一係皮，港式乳豬層皮好crispy ，但西式乳豬脆得嚟係煙韌，仲keep到做一塊豬皮，但港式嘅係純脆皮。第二係肉嘅味道比例，簡單嚟講唔知係咪香港入嗰啲乳豬唔撚點郁唔develop吓啲肌肉，同埋品種問題，令脂肪同皮嘅味道「功高蓋主」，蓋住本身瘦嘅肉嘅味道，而西式乳豬肉更厚，你會feel到好多肉香，真係食到重豬味同好多肉汁。第三係整法，西式會加入牛油、迷迭香、蒜蓉、葡萄酒同胡椒粉滲入豬肉，有flavor好多，相反港式最重味得炭香，dry咗啲。講到呢度你可能會問葡式呢，sorry我冇去Mealhada評價唔到

喺香港唔少地方都有西班牙燒乳豬，不過暫時未搵到一間真係好標青嘅，遲啲再搵吓