首先呢套野係唔錯既 兵追賊 劇情緊湊 真人真事改編
但係純粹以劇集黎講
同Breaking Bad真係差一大截
主角 Pablo Escobar （睇完好撚憎佢本人
）呢個角色描寫真係無咩層次
（可能現實都係咁掛）一開波就講到佢好勁 由走私煙草到成立販毒集團
但佢個人物都係冇任何性格上嘅大轉變
（冇進步）一遇到問題就殺殺殺
淨係識得用呢啲威迫手段
仲妄想自己想做哥倫比亞總統
有啲位睇到直情覺得佢戇鳩
根本好多事如果佢識避免 佢就唔會搞到自己咁樣
可以好似卡利個班 靜靜雞搵錢陪老婆仔女
例如 喺監獄殺左幫佢賺錢個兩個拍檔（人地係無辜）
你話佢係‘’監獄‘’留得耐情緒不穩都講唔通
跟住之後仲想殺埋人地老婆
跟住搞到俾特種部隊追殺
走得甩仲想搵總統談判呢條友個自大程度 同佢嘅智商完全唔成正比
豬咁撚蠢 難為佢兄弟臨死之前唔出賣佢
有啲位真係睇到好撚火滾 好唔合情理
正常一個賺咁多錢既毒梟 咁龐大嘅組織
做嘢可唔可以有返啲冷靜少少既判斷
反觀卡利個邊就食腦好多 會同周圍其他集團打好關係
唔係一味用謀殺恐嚇威迫呢D高風險低回報既手段
我唔知套劇 同佢真人 有幾大出入
但係以劇集黎講 佢呢個角色其實可以寫得有層次D
佢個啲所謂動機 全部都係說服唔到觀眾
仲成日影住佢同佢老婆同屋企人
可能佢呢啲位想表達個種亂世中堅定既愛情
但係完全打動唔到人
佢老婆直頭係愚蠢地盲撐
有D位真係睇到嬲 覺得戇鳩
