我今年三十歲,是否一定要結婚?//《將要》(2)
偏偏喜歡你
202
回覆
158 Like
0 Dislike
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
513453
2022-09-30 09:21:51
究竟我改咩名好
2022-09-30 11:38:17
忙咗好多無上水 竟然已經差唔多結局
支持支持
冇心點上
2022-09-30 17:32:13
繼續G持
噢噢
2022-09-30 21:38:55
「你啲語氣太冷靜,好似唔關你事咁。我都知道可以搵到個更啱嘅。」陳之漢歎氣。
難聽過粗口
座右銘
2022-10-01 01:14:28
偏偏喜歡你
2022-10-01 02:46:29
盧冰關門。
她坐在床頭,看窗外月亮,拿起電話,聯絡一個人:
「我可唔可以見你?」
「可以,邊度?」
「天台。」
「五分鐘後。」
盧冰攤坐床上,睜眼、合眼,仿佛就推動時間,她終於站起,行樓梯上天台。她知道往後人生不會再走這一段路,但無甚不捨。
一推門,已見林奇峰的背微微前傾,像身體萎縮。
他扭頭見她:「好耐冇見。」
「嗯。」二人默契地隨即移開目光,如除夕倒數那夜看月亮。
半晌,他問:「做咩搵我?」
「我想同你講聲,我要走啦。」她開口,這確實是其此行目的。
「去邊?」他反應不來。
「返屋企囉,唔通出國咩?要隔離呀。」
「吓……點解無啦啦返屋企,Professor Chan趕你走咩?」他仍有氣。
盧冰交代:「唔係啊,我哋好和平,我話唔結婚,咁都無謂繼續住人哋地方。」
「你唔結婚?咁突然?」
他驚訝與驚喜交集,怕她有失落,又喜愛人不用躺在他人懷裡。
「點解你哋兩個都係呢個反應,真係好出奇咩?」她不解。
林奇峰傻笑。她曾用過要與他人成婚的理由,疏遠過他,他當然覺得她似命定終生,不會輕易放棄。他因此受傷,以為自己真比不上陳之漢。
「點解唔結啊?」
「唔啱咪唔結囉,大家都唔開心,無謂。」
搞完一大輪,分開的原因無非是「唔啱」,聽來簡陋,卻是她想像到的最街理由。
「但係之前唔係講到好確定?定晒期又諗晒未來咁。有契機?」
「可能呢啲嘢,定晒期就唔係好,好似冇乜愛情嘅感覺,我突然發現自己唔係咁,我唔想咁。」盧冰訕訕:「要講契機,冇嘅,就係,我哋com唔掂結婚之後嘅家庭崗位啩,我想做嘢,大家期望唔同。」
「咁複雜,原來真係會因為呢啲咁現實嘅原因,而唔結婚。」
「我哋最初都係因為現實原因,先至諗結婚。」
她以後都不會了。
「你之後打算點啊?」
「工會自己返,搵吓freelance同part-time先,有全職就做全職。」
「感情呢?」他最關心。
「唔諗住啦。」她沒有撒謊。
林奇峰想捉住錯過的機會;「我追你,可唔可以?」
「唔好啦,你會遇到堅定選擇你嘅人——毫不猶豫,全心全意,佢會對你傾巢而出,你值得咁樣嘅感情。」盧冰沒有忘記自己不夠真心的殘缺。
「我唔需要咁樣,只係想要我鍾意嘅人。」
「我哋有好多距離。」
「八年?都係嗰句,我高過你,何止8 cm?」
年齡是世俗的,不能輕易定義一個人,他無法理解社會上的諸多標籤,只想愛所愛、恨所恨。
偏偏喜歡你
2022-10-01 02:47:01
盧冰坦然:「唔止年齡,我仲記掛以前嘅愛人。而大你呢八年間,唔止係一個數字,時間會令人變化,我哋唔係同步緊。」
「咁點解Professor Chan大你十幾年又可以?」
「因為佢唔愛我。」
林奇峰呆一呆,盧冰又補充:
「如果我哋投入,又被平凡生活傷害,我寧願唔要。不過,你唔好誤會,唔止係呢啲原因,啱啱都話,我仲未放低以前死咗嘅男朋友,成日都會諗起佢,好似覺得,佢係無可取代。」
「人要向前望。如果你掛住佢一世,係咪就要拒絕晒所有嘅幸福?」他不解。
「我明白你為我好。」她頓了頓,說:「但係,我覺得而家唔係可以走出嚟嘅時候。」
「你要用幾耐?」
「邊個知呢,都隔咗三年,但係嗰度係六、七年感情。」
他沉默,和她相處的近幾個月,思考總是很慢。
這種感情磨蝕了他許多自信,不斷被捨棄、拋低,看著她來來去去,她可以回家了,而他無法忘記,如果沒有她,他連家都不會回。
愛,那樣可怕。
林奇峰勸說:「咁你真係ready,再同其他人發展,唔好做自己後悔嘅決定。」
「嗯,今次我都學咗好多嘢。」
「如果之後你ready,我可唔可以有呢個機會?」他再問。
「唔可以。」盧冰馬上回答。
「點解你冇一次係應承我呢……就算之前喺我哋最好嘅時候,你都依然只係話一陣,同時之間都唔係得我。我真係只係想問,你係咪少少都唔鍾意我?」
其實他知道不是,但他只能這樣問,為了讓她答「不是」。
至少,他能得到一點點肯定。
「唔係,唔係少少都唔,但又唔係多到可以好勇敢咁應承。」她坦誠。
「我鍾意你。」
盧冰沒有應,她就當自己在聽之前已經聽過的表白,不算驚喜。但是,她忽然發覺,眼前她一直當作小孩的男生,已經比初見時憔悴了許多。他本不用拉下臉這樣跟她表明心意,這種事,本應在情投意合時用來確立關係,而非悲壯地說,認定此生不再相見。
對他,自然是也有喜歡,她有點心痛,卻不至於失態,完全能控制好情緒。
「我真係好鍾意你。」他又說。
盧冰點點頭。
她無以為報。這已不是第一次,她被他的赤誠震撼,過分血淋淋,而她側目,自覺配不上他的獻祭。
「Sorry,我唔係逼緊你,都明白其實我哋冇咩機會一齊,我只係想講畀你聽。」見她不應,他洩氣。
「唔好Sorry,你從來都冇做錯。」
要談過錯,更錯的是她。她原應更加成熟,在發現二人互生情愫時馬上抽離,在靠得更近肉帛相見前回復理智,在決意離去後更耐性地無撫受傷的他。但她沒有,任由一切荒謬發生。
「我唔想喺唔再見之前,唔講多次自己點諗。同你一齊,好難,我知道。」
「多謝你願意同我講。」
「我之後會如你之前一直咁講,會搵個同我差唔多年紀嘅女仔,然後足夠成熟咁去照顧佢,唔會令佢失望。我會規劃好同佢接住落嚟嘅人生,唔會未諗好、未定性就話娶佢。我會希望可以畀到好多幸福佢,令佢唔使擔驚受怕,可以安安穩穩咁生活。」腦袋構想此畫面時,他的女主角卻是盧冰。
「好、好。」
盧冰聽出,林奇峰在強忍哽咽,但是越說越明顯,根本掩蓋不住。
「仲有,我希望可以同佢一齊同步咁成長,我哋會經歷爭執,但會床頭打交床尾和。我哋會分享對唔同事嘅睇法,但唔會輕易批判對方。我哋知道自己係對方人生嘅其中一部分,唔會被捨棄,好有安全感……」
「係。」她靜靜聽著。
「我哋……但嗰個人唔係你,唔可以係你……點解啊,點解唔可以係你?」
她想了很多句回答:
「你會遇到更適合/更值得嘅人。」如以往重複。
「你而家未放得低,好正常。」十分冷漠。
「係我冇呢個福氣。」但又太有感情。
最終,盧冰選擇摸了摸他的頭髮,他緊緊擁抱她,手沒有遊離肩膀位置;她差點透不過氣,但不動聲色,她只能給他一個沒有形體距離的擁抱,都已經不能有心的靠近。
「最後一次啦。」他說。
「嗯。」
「我明白㗎。」
「你大個仔,會越嚟越叻。」她由衷。
「我哋可唔可以做朋友?」他目前仍無法接受,她會在他的生命中消失,一如其他過客。
「大家都純粹地當大家係朋友嘅話,就可以啊。」
二人沉默。
「月亮好靚。」他說,見她不應,又重複:「今晚嘅月色好靚。」
她不再說星星閃耀、夜霧潤澤、晚風溫柔;風景依然是那些風景,月亮卻不知人心長期幻變。
「要努力撈更大更圓嘅月亮,我覺得今晚都唔算好靚。」
他失笑:「唔容易,但你咁講,我一定會做到。」
她點點頭。
中佬三九
2022-10-01 02:47:59
Live!
偏偏喜歡你
2022-10-01 02:50:55
二人又沉默。
再好聊的人都招架不住關係轉換,漸想漸多,失去言語,於是無聲勝有聲,勝在減少傷害、減少疲累的推斷。他沒有想過,和她,也會變成這樣,還未在一起經歷柴米油鹽的損耗,已經無神。
他心空洞,拼命思索話題,又覺得沒有必要,為了什麼而和她說話呢?能夠待在月光下一同看天,不就是他原先暢想的未來麼。
如果談真誠,他只有一句話想說:我愛你。可是,怕她受驚,又怕她毫不驚慌。
他也思索得痛苦,並沒有所嚮往之輕鬆愉快感,不再歡笑:
然後,林奇峰想起舊時對話,說:
「喂,如果你殺咗人,我可以幫你毁屍滅跡。」
盧冰立即回應:「我會忍住我嘅衝動,令你唔需要斷送下半生。」
「唉,你冇殺人,尤似殺人。」
「每年都有復活節,將會有更好嘅喺未來。」
他越說越無力,她在否定他的感情、總覺得於他未來有更好——所謂最合適,然而她從不知道,此刻他只渴求她,無關好不好、真不真心。
她怎樣想是她的事,而他愛她這事,她卻不承認,只著他將目光放在未來、未來,但明天也未到。她擺出大人模樣,低看他的接受能力。他有些失望,又覺得再講無謂。她已傷害了他許多次,心甘命抵。
偏僱,光是站在她旁邊,便感受到她的光,明月、亮星皆無法比擬。
「你好吸引我。」他感歎。
「因為你有一對擅長發掘人嘅眼睛。」
向來,盧冰都知道林奇峰欣賞她,那不是她的光芒,而是他雙眼的清澈。所以,她篤定,他會遇到更適合的女子。世上不缺光,最缺採光人。
「我不嬲都鍾意姐姐。」
他無奈,知道和她這世或到此為止,他會盡量接受。一時之間,他是放不下。
他明白她太清楚這一點,她卻仍盡量勸勉他另結新歡,這種好心教他更難過,尤如輕看他的深情。
可是,路要向前走,他知道這是盧冰的祈願。
「姐姐正㗎,不過要你一樣有心先得啦。」
她知道正在熱情喜歡的人,難以一時半刻抽離,因眼裡暫時看不到新歡;將來,他會牽手另一個女子的手,也會在黑夜中細細廝磨,偶然想起她,只會淡淡一笑,心中泛起漣漪,片刻又波平浪靜。
無論如何,她都感謝他,讓她被愛,使她反思自己的價值。
二人閒聊,回應得很慢,但越說越偏離,終於,相視而笑。她說要下樓了,他不再攔截,只是在她額頭上輕輕地親了一口,再分別回房。
偏偏喜歡你
2022-10-01 02:51:07
快,仲有
拼命無恙
2022-10-01 02:52:58
有文!
中佬三九
2022-10-01 02:53:00
繼續live! 等你
偏偏喜歡你
2022-10-01 03:01:36
睇晒大家嘅留言
之後慢慢覆返
多謝仲睇緊嘅所有人!
(連鼠多謝combo!)
Bookworm
2022-10-01 03:06:10
臨訓前一睇
有文好開心
但見到sad ending走向又好失落
陳健安條𡃁
2022-10-01 03:15:49
live
繼續心痛牙峰
鐵拳無敵鍾培生
2022-10-01 04:01:12
未完?
工不應求
2022-10-01 04:35:13
咁早有文
廢中光頭坦
2022-10-01 04:54:55
果然好似之前喺另一個故睇到嘅其中一句咁講,關係係一切煩惱嘅根源
513453
2022-10-01 05:44:58
心痛峰峰x2
秘密旅行
2022-10-01 08:32:48
牙峰
人人人
2022-10-01 08:59:23
live
全部都係雞尾酒
2022-10-01 09:39:20
牙峰真係值得更好
513453
2022-10-01 10:44:54
想要努力的孫女
2022-10-01 11:33:39
好慘
盧冰特登唔回應阿峰既月色真美
白雪公主不多
2022-10-01 13:54:19
巴打介唔介意講多少少
第 1 頁
第 2 頁
第 3 頁
第 4 頁
第 5 頁
第 6 頁
第 7 頁
第 8 頁
第 9 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞