無還卡數比收數公司追

明明渣打有得轉數快出泥十萬 點解你會搞成咁

係

好似要開佢張信用卡先！？

直接打去HKMA投訴

本+息還晒，亦通知咗銀行要求停止收數行動，而家銀行唔理，繼續叫收數公司不停打嚟追收手續費

第三季最後幾日先接到HKMA轉介，你估佢驚定你驚

抵撚死 唔識還錢學咩人借錢
連minpay都唔還 神仙都幫唔到你

話還咗

咁點呀

借人錢連min pay都唔打算還 比人交條數去收數先迫住還 完全無責任心

首先要睇下Ching果8萬卡數點樣黎，淨係用黎買野定有攞過現金，如果攞過現金啲息就每日跳利息兩個月唔還就好和味，Ching個款唔似係兩個月唔還，應該係之前有還過但連min pay都唔夠嘅感覺，手續費果度T&C有寫明聯絡唔到會交比合法嘅收數公司跟，快啲打返銀行問下仲差幾多好過啦

就係有樓豬依啲人, 我地先有得繼續玩

樓主，下次還錢之前，企硬同銀行講，淨係接受銀行報出嘅數嚟還，最好叫佢出張statement，邊日還，還幾多，佢9成會叫你同收數傾，你同佢講你錄咗音，如果唔接受你還錢，會向金管局投訴，叫佢問清楚佢上司，唔答覆就一蚊都唔還。

1. 銀行報俾你嘅數唔會有收數費，而且實際年利率唔可以超過60%
2. 你肯還錢收數公司唔會對你進行實際滋擾，最多打下電話，寄下信俾你，你大可以叫佢打去同銀行聽你電話個職員聯絡，一句多餘嘢都唔使講。
3. 銀行唔能夠唔接受你還錢，佢唔接受或拖延，你金管局投訴100%可以成立，銀行驚過你，投訴信連錄音檔send去銀行，記得cc埋俾金管局。
4. 投訴信入面記得補多句，已通知你住所管理處，不接受訪客，如果佢上門，你就可以拍片屌7佢，最好屌到個上門入屋，可以即時報警。
5. 銀行唔會告你唔還收數費，上到法庭，個官判你還錢都好，係唔會接受還款金額實際年利率大過60%，包含所有手續費、收數費。
6. 銀行會同你講你當初條款入面有講你遲還而產生追收費用，一律由你負責，走唔甩，你叫佢同個官講，睇吓邊間銀行條款大於香港法律。
7. 收數公司受顧銀行，銀行出糧俾收數公司，你找晒應該找嘅數，收數公司都係問銀行拎人工，同你無關係。

對住收數唔使軟，隔住電話講就兇狠，實際對面都係一條死毒撚，你肯還錢道理就係你度，大大聲屌佢老母都仲得！

利申：十幾年幫身邊朋友對付收數公司經驗，有朋友做收數。

想知更多再講

學到野 想了解更多
當然自己冇借錢習慣
只係有親戚借過幾球最後老破唔還
但佢借既係二三線既財仔
請問佢老破完係咪可以重新出發新人生
還是都係有排被人搞? 目前佢仍然老破中

老破都要還錢wo

懷疑樓主講漏野
爭卡數就算係還minpay如果係每個月準時還根本唔會有銀行追
佢地仲會當你金蛋咁款
試過每月還minpay多少少維持左成年
以為信貸評級一定爛
有次爭緊卡數去借錢，銀行查評級
點知都係B咁上下，借錢息口仲要好靚
職員對我真係好聲好氣，日日打嚟問借唔借錢又好多優惠
我個陣都係爭五六萬卡數同樓主差不多

巴打 可否講多少少

麻煩師兄，講解下

首先要知道佢借嘅錢，係唔係show係tu入面，如果係會show tu，破產後係唔可以追嘅，因為破產後債務人只可以還錢俾破產管理局，唔可以直接還俾債權人。

破產後，破產管理局一般會俾個解除破產令，但都有權加監，最多加四年，加嘅原因一般都係話破產期內表現唔好，俾人捉到大吃大喝搭的士、奢華生活，當然呢啲都有計拆啦。

破完產，債權人係可以繼續追嘅，但係一般行內都知道，老破嘅人未來會還錢機會係非常非常低，會還一早還，破完產都無錢仲點還？所以唔會花時間心機去追你，但係要留意，行內好多會同你講，唔想搞你，但都要同公司交代，叫債仔俾少少誠意入一兩百都好，呢度千祈唔好入數！因為根據法例，欠債人超過六年無還錢，債權人就等於放棄追收，無權再向債仔跟據法例追收，簡單啲講，佢連告債仔破產都唔得，所以告你又唔得，追你又唔還，不如跟下啲新case，嚇下啲細路仔同師奶。

如果佢借嘅錢，tu上面無嘅，即係借te數，破產中都係可以唔使還，要還都還俾破產管理局，但係有機率仍會俾人淋下花，送下信貼街招咁囉，佢唔會理你破咗未，追你數都唔會響排頭，免得你投訴。不過最多玩個零月左右，之後可以幾日打一次電話俾你，慢慢就十幾日一次，之後幾個月一次⋯收數都係打份工，返工打下call咁。

近幾年財務牌出太多，同時都收緊好多，一多投訴就唔續排，所以都唔會因小失大。

都好肯定minpay都無還

唔係喎，樓主有講無還兩個月minpay