Plan咗個幾月
驚完個乜撚嘢kk完捉人
同屋企人決戰咗幾日先說服到
又畀啲入境防疫政策撚我
啲隔離酒店搞到鳩吓鳩口吓咁
Book撚咗宜家又唔洗隔離
呢啲全部都算已經過咗去
我話你聽 啲濕鳩KOL YouTuber先最撚痴線
條女本身已經有睇開
佢地講乜都當係聖經金句嘅程度
咁啱呢排佢地全部都去泰國
條女煲佢地啲片煲到上晒腦
Mark撚咗幾十間餐廳 幾千個打卡位
仲sd埋啲片我睇
當時我覺得一啲問題都冇
日日食唔同嘢 去唔同地方 應該幾正
但我忽略咗一點
條女好鍾意食甜品
話要食晒佢地介紹嗰啲甜品
頭一兩日食芒果糯米飯都幾好食
啲芒果真係幾正 好甜好香
第三日又係芒果米飯 又係幾甜
第四日都係芒果飯 都係甜
第五日都係芒飯 都係咁
第六日都係芒飯
第七日都係
點解嘅 點解我仲係食緊嘅
屌你點解全部YouTuber都係介紹芒飯嘅
點解佢地全部都話佢地介紹嗰間
係最撚好食嘅
點解我條女會信間間芒飯都唔同味嘅
點解每日去嗰間都會好好食嘅
點撚解嘅
今日第十日