剝完智慧齒一問

想知橫生冇生出黎，比牙肉遮住
做唔做手術剥左兩個下面既智慧齒好？
純粹預防性，怕日後年紀大出事先剥比較難康復

問牙醫啦
應該會叫你每年check一次
冇咩特別就唔好搞佢
手術始終有風險

佢又叫返我自己做決定
好處：預防性，後生處理左康復比較快
壞處：好近神經，可能會有後遺症

想知有冇人同我差唔多，唔痛冇外露都去剥左佢？

倒及牙?

有兩批醫療意見

一批話冇事唔好搞 我幾叻都好手術始終係有風險

一批話冇事都要搞咗先 始終打橫生之後有機會頂到神經線或者會蛀 未有事搞好啲

下文呢?

認真答你
遲早都要剝
下顎兩隻智慧齒只要係唔夠位生
都會令後面會生水囊
啲肉會爛 會侵蝕神經線
主要你令到下唇下巴冇知覺

到真係發炎
痛嗰陣係非常痛
早剝早剝享受

所以及早搵口腔專科牙醫剝咗佢啦

我而家都31歲
下顎兩隻智慧齒仲會繼續生落去咩? 唔會去到某個位置就停?

所以我目前既情況就係下顎兩隻智慧齒打橫生, 冇外露出黎, 照左X ray之後兩隻智慧齒同前面既牙冇碰撞既, 但就係比較接近神經線
醫生有講過如果下顎兩隻智慧齒同前面既牙雖然比牙肉遮住, 但始終唔係密封, 之後有機會有食物跌落去, 清潔唔到可能會搞到發炎爛牙等等
但係做手術咁接近神經線都有風險係到, 所以就好矛盾, 唔知點好

剩係切牙冠得唔得？

我之前嗰隻就唔係橫生
都係有牙肉蓋住半隻

牙後面半圓陰形就係水囊
意味住有機會擴大侵蝕後面神經管 傷及神經


醫生同我講個手術風險所影響到嘅神經只係
較大機會下巴下唇冇知覺
較少就面脥少部分冇感覺
但點都影響唔到口腔同面部活動神經

查實風險講就咁講
正常咁做手術嘅話
都唔會出事

做完手術24-48小時後識得痛就應該冇事條神經

所以唔做嘅話蝕條神經都係救唔返
都係早啲做啦趁唔痛

記得係搵口頜專科牙醫
通常都係中環或者尖沙咀有
你預剝一隻要$15000-17000左右

費用包覆診*

鄧神醫3分鐘搞掂

呢隻智慧齒跟咗我成十年 已經蛀咗
我相信你嗰隻都會咁 仲可能發炎

唔好搵佢 好多人畀佢整傷神經
之前有諗過搵佢 但呢啲搏唔過
專科醫生識嘅嘢多好多

正常我嗰隻剝咗成個鐘

淨係記得剝完有個窿
等一排先慢慢埋口
牙血好似幾日先止到
食咗幾日粥水
利申 一次剝哂4隻

你個case搵佢睇
肯定係3分鐘出返黎果隻

3分鐘出嚟 但好大機會被佢整到神經
同埋佢一定唔會話到畀我知水囊嘅嘢

不過佢係專幫人做橫生
直生佢會彈你比第個甩

仲有就係剝牙後 係唔使sip棉花之類
因為一早打咗凝血劑 唔會流到血
只係要戒口 食藥 唔掂得水喉水

咁又點 唔代表佢安全
3分鐘信唔過
一定勁撚粗暴咁剝
神經係一世 搵專科好過

我兩隻下橫生都有sip棉花
不過佢叫我有血要吞
唔好吐出黎

照左x ray未?

我個case係下面打橫生，有一個角生左出牙肉，牙醫話你唔理佢佢會頂到前面隻牙都死埋，或者因為你清潔唔到而發炎，安排左下個月剝，而家都好驚，照xray睇好近神經線，之後再照ct 先發覺原來仲有2mm左右先到神經，個牙醫話已經算幾好，只要唔係隻牙腳纏住神經就好，再難搞既要book手術室做，大約12000蚊

你個隻唔係橫生, 咁係有外露出黎?
咁你係痛定係點樣先去剝智慧齒?

你係冇外露出黎既牙底部蛀咗?
居然冇外露都蛀咗

我係政府醫院睇, 照左x ray係冇外露, 冇碰撞到, 唔知有冇你既問題
但我都排左期先, 因為排好耐, 呢段時間就諗下剝唔剝好
唔知政府醫院技術點