1. 物流問題，曬客人時間
2. 將送漏貨嘅責任推比個客
3. 貨不對版
4. 物流問題，再次令客人白行一趟，浪費時間，而且流程有問題
5. 屈個客人網上㨂所以有色差
6. 比瑕疵品客人
7. 又甩底⋯
8. 唔重視貨品質素，瑕疵品都好小事，唔專業。
示意圖指環係白金，其餘係黑金。
如果你都仲想買mary 5ive或者其他小店嘅中價首飾，不妨睇埋落去。或者中過伏都可以黎圍爐警世⋯
—————————————————————————
首先講下Mary5ive間舖嘅優點，就係一開頭有禮貌同款式靚。當初我係急住買隻介指慶祝同影相，係網上見個款式好靚，而且網上冇咩負評，8月6號就立刻去紅磡門市睇。
但由於介指size唔啱同我偏好淺色啲。當時職員攞出3種唔同色嘅海藍寶，而佢當時都表明係做到最淺色果隻色嘅，即係最右果隻嘅色(冇錯，由於厚度問題，最右係淺過最左嘅)。
係猶豫訂貨定去其他門市買之際，職員願意借出demo同度手指寬度嘅工具，所以諗住唔好咁婆媽，決定訂造隻淺色啲嘅戒指，就full pay咗⋯⋯⋯
8月8日，係whatsapp度確認咗款式顏色同大小，等18-22日就可以收貨，到呢度都未出現問題⋯
9月3號，職員打電話通知可以攞貨，之後我亦係whatsapp確認咗星期三下午三點去尖沙咀門市攞。
第一次去尖沙咀門市，位置對我黎講都幾唔方便。點知去到，職員同我講未送到，仲話如果我搭的士去紅磡攞，可以向佢公司claim番錢。我果陣呆咗呆，但行到出商場就決定擇日再攞，因為明明係公司嘅錯，有咩理由要個客走黎走去？
第一個錯：物流問題，曬客人時間
之後收到whatsapp通知，佢地表示未送到係因為冇約實時間。我當堂成頭問題，尋日先約5點咖喎，咁都要推個波比我？
第二個錯：將送漏貨嘅責任推比個客
當刻雖然覺得好錯愕，不過見佢即晚都肯過黎，咁就決定等下，留多陣係尖沙咀。值得一提係佢地提供咗小禮物為送漏貨一事致歉。
咁大概7點幾，我第二次去尖沙咀門市攞戒指。打開個盒，驚覺啲海藍寶嘅顏色深咗幾個色階，唔係我原來expected嘅，咁當時我就要求重做。但無論當時職員定之後whatsapp聯絡嘅職員，都唔肯承認做錯色係佢地問題，佢地只係不停游說我收貨，話啲石之所以睇落深色，係因為隻戒指深色⋯尖沙咀門市職員都表示呢隻可能係工廠入面最淺果隻色黎⋯
第三個錯：貨不對版
由於當日已經好攰，所以我第二日先同紅磡職員聯絡。再次，佢係冇承認過錯誤，但又話可以做淺色啲。咁我就唔明喇，既然你地冇配錯色，咁係咪根本做唔到我想要嘅combination呢？
同職員通電話後，佢再三承諾係做到。同時我都表達咗佢地冇check貨就叫客人黎、同埋浪費時間嘅不滿，咁我都比多咗次機會比佢地。今次大概要等1-2個星期。
講番個小禮物，係一條款式過時嘅假石頸鏈⋯真心，冇人會戴佢出街⋯感覺係賣唔出嘅貨。我之後亦將呢條毫無誠意嘅致歉禮退番。
之後，職員有係whatsapp同我確認顏色。咁呢度就發現原本戒指顏色唔啱根本同戒指深色無關，只係佢地冇用到淺色嘅石⋯求其是但做比個客⋯
9月16當晚，佢地話攞得，咁我就17號去攞，約咗5點。第三次去尖沙咀門市，但去到尖沙咀門市，職員又話未送到。佢即時打比另一個職員，電話入面嘅人表示件貨根本未做好，只係混淆咗我同另一個客人電話，先變咗通知我上黎。咁就搞笑喇，乜叫客人上黎唔駛對單先咖咩？
第四個錯：物流問題，再次令客人白行一趟，浪費時間，而且流程有問題。
由於兩次大熱天時食白果，咁我亦唔想再比mary5ive玩，所以我就決定退款，無奈佢地多次拒絕放我呢條水魚走⋯佢地仲話之前有色差係因為網上圖片有色差，但明明我係親身上去㨂色⋯
第五個錯：屈個客人網上㨂所以有色差
9月19日，尖沙咀門市叫我去攞貨，並且有影相證明戒指到咗。但我就係相入面發現戒指有明顯嘅瑕疵，但當時職員話嘅燈光問題。
第五個錯：即係客人發現有問題，都唔會再check，求其答。
9月21日，我第四次上尖沙咀門市，發現戒指上多次有個凹痕同小洞。職員表示因為佢地冇重做戒指，只係撬開再換寶石，然後又再承諾我18-22日內重新做一隻比我。再次，我要求退款，職員答應當晚8點/翌日1點半會有職員打比我再商量。
第六個錯：比瑕疵品客人
Mary 5ive 紅磡門市職員影嘅相
Mary 5ive 尖沙咀門市職員影嘅相
我自己去尖沙咀門市驗貨
9月22日，咁理所當然，上述兩個時間都冇人打黎，於是我再問尖沙咀門市佢地打算點。到4點終於可以同mary5ive傾，職員再次表示唔會退款，並承諾10日內重新再做，上述兩個時段都因為要同工廠傾所以打唔到/通知我。
第七個錯：又甩底⋯
值得一提係呢個職員態度好差，多次強調戒指唔同色係好小事，公司已經幫我轉咗色，好似皇恩浩蕩咁。佢覺得戒指上面果啲只係好少嘅瑕疵。佢亦都話顏色之所以唔同係因為疫情下好難同個廠溝通⋯總之咩都好小事，似乎佢公司根本唔care啲客人⋯
我有問究竟唔退款係有咩考量呢？佢話因為件貨已經做咗，但佢啱啱先講話會重新做過隻戒指⋯
第八個錯：唔重視貨品質素，瑕疵品都好小事，唔專業。
我都表示唔再曬時間，你地唔退款係你地嘅決定，我亦會向相關途徑投訴。
去到今日，我未收到件貨，而本身隻戒指係慶祝用，如今日子都過埋，而且買得咁唔開心，隻戒指都冇咗佢意義。我希望早啲po出黎可以懸崖勒馬，反正間公司做唔好件貨未必關玩唔玩我事，而係佢地公司無論行政定態度都好有問題，能力不達。
希望睇完呢篇野，而你又唔中意浪費時間/比人屈/貨不對版，咁可以打消買mary5ive嘅念頭。同埋，就算買其他小店，就算有係 香港婚展會 擺過攤，都未必有質素保證。千祈唔好咁白痴咁比全訂。
最後我地黎重温一下呢隻戒指嘅成長史。之後有更新再update。
，不過會唔會價錢問題。
