阿爸係咪無尊重過我？定我要求太多？

小弟由中一起因為啲姑媽有鎖匙入屋，話要睇住阿媽教仔(姐係我)。
每次阿爸阿媽鬧交，阿爸又叫埋啲姑媽上嚟評理，4vs我阿媽一個，阿媽忍受唔到就離咗婚，
因為阿爸經濟能力好啲我就跟咗阿爸兩個人住1100呎屋。


6年過去，我已經因為鬧交俾人趕走咗2次，
我離家出走，姑媽甚至要我萻阿媽買俾我既衫(姐係中四著中一既衫)先可以走，
每次都係當無事返返去繼續住，但我對呢個家完全無歸屬感覺，
所有買俾我既嘢阿爸或者姑媽都可以隨時拎返走。
我阿爸養好多嘢，又貓又海水魚又鸚鵡，
其實我唔鍾意鸚鵡，每次都搞到成間屋周圍都係雀屎，
加上有貓就會踩到周圍都係，甚至係廚房。
我哋屋企3間1100呎，屋得2個工人，有段時期甚至係3間屋1個工人，根本唔會清潔得好乾淨。
而我只會幫手照顧貓貓，其他嘢我都唔點理，亦都少出廳，因為覺得廳污糟。

我最近愛上左樣爬蟲類動物，而佢哋需要23-25度既環境生存，
我同阿爸解釋過我間房要長開冷氣，又話冷氣既電費會自己俾返。
佢就堅持話要長開就唔好養，覺得我唔識珍惜。
我諗起佢出街會唔熄冷氣唔熄燈，水喉有時唔記得，
過咗8分鐘先熄係房睇電視，
要開住客廳果部80寸電視又唔覺得自己係唔珍惜？
2米缸養海水魚，養珊瑚，水冷過濾24小時又唔係浪費電源？
佢鍾意養鸚鵡，我尊重，
而我覺得佢完全無尊重過我想養既嘢，
我只係維持2條小生命既基本需要。

我有做research長開25度冷氣電費要幾多，
又已經解釋過都無用。
我阿爸唔覺得自己有問題，
屋企佢話點就點，我覺得佢好適合自己一個人住，
雖然屋企大，阿爸會俾零用錢，但我好壓抑，
好似同佢講嘢有陰影，
覺得好多嘢點解釋表達都改變唔到一個固執既人。

我應唔應該為咗呢件事，搬去公屋同媽咪婆婆姨媽住。
我係咪要求太多？有得住就唔好有任何阿爸唔鍾意或浪費佢錢既嗜好？或者大家用咩perspective睇令我可以睇開？

又工人又1100呎都孤9寒

Kill them

Just kill them

家庭問題一律建議脱離關係

家人唔夾 有能力就自己搬走 拖幾耐都唔會改變到

冇本事搬出去咪忍下先

一睇就知你廢….

明知家庭係咁 仲要搵野黎搞..


拿拿臨讀好書 走啦


當自己係寄養家庭咪算 仲投入做乜鳩呀

又貓又海水魚又鸚鵡

唔打交好野

明知你老豆咁撚煩就咪搞咁多野
除非你自己有本事搬出去

冇話錯你
你反省下啦
唔gur咪搬，仲喺度問咩要求太多乜鬼perspective咁小學雞

人既尊重係響一個團體做過某D有價值既事黎贏番黎

咁長期開冷氣係危險，間屋係佢，有能力就自己搬出去。

有飽飯食有屋你住仲想點
你有能力咪自立門戶 唔使睇人面色
養隊女團喺屋企俾你玩都冇人管你

第一 你食人地住人地 憑咩出聲 死廢柴
第二 咁既事先諗住搬去阿媽到唔諗住自己搬出黎 你真係好撚仆街自私 成條寄生蟲一撚樣

垃圾屋企，唔好攪咁多野，早讀完書早走早著。佢連你老母都當係生仔機器用完即棄。

雖然支持你有原則就企硬搬走
但你自己考慮下，你住慣大屋有錢人生活
突然去住公屋都一定會有好多拗叫
亦唔好覺得你阿媽嗰邊老奉係會俾你想點就點

其實你一路有得揀，但你一直都番去屋企，唔獨立出黎，講到自己被逼番去咁，其實你已經prove唔到自己值得被尊重啦

我有做research長開25度冷氣電費要幾多，

不如你講左幾多先

群腳仔 出黎自己搵錢再講啦

問爸爸