其實工程係咪咁多個專業行業黎講最差

細細個讀書個陣睇新聞見到做工程好風光好專業 話做工程師月入可達十萬 年少無知既我大學揀咗工程相關既學科黎讀 滿心期待大個咗可以出人頭地

點知到大學畢業個陣發覺起薪兩萬都冇 身邊朋友讀醫療護士老師既起薪全部過三萬 不過我同自己講唔緊要 只要我努力快d考到個牌 人工就可以追上佢地 依家入乾收銀學下野先

做多三四年野 眼見自己人工同身邊朋友差距愈黎愈大 即使係起薪點唔高既專業 好似會計it咁 人工加幅都好大 平均做咗幾年人工都過三皮 更遑論其他醫療護士老師 仲係做緊乾收銀考緊牌既我仲係兩萬頭個到掙扎緊 最灰既係就算咁辛苦考到牌公司都比唔到三皮既人工（跳去其他公司可能好少少）仲要睇到唔少前輩做咗好多年好叻人工都係四皮到

其實點解大家都係專業行業 但工程相關既專業待遇可以比其他專業差咁多？每日工時已經唔短成日要OT 返到屋企仲要溫書要準備考試 甚至乎我會不禁反問究竟工程係咪真係一個專業？

諗返起當年真係比人呃咗 出依個po 並非想同其他行業比較 而係希望依家讀緊工程既大學生或者其他人入行前真係要三思想轉行黎工程既其實點解唔諗下其他行業唔好比某d報導既片面之詞呃咗 工程真係比狗做

會計呢
一樣咁慘

全部都係屎 你唔係做大firm冇牌 一樣係做狗 香港行行都係咁

利申 工程 audit都做過

做工程不如去當差好過

big4會計做5年5-6皮喎

做狗唔緊要想做隻比較有錢既狗除咗當差

問自己係唔係人中龍 唔係就移民去外國做hea做 過埋一半世就算

工程做政府仲快

做到一早做咗啦

比你啲白痴做咪岩

我做第二年main con已經過三皮

係咪做緊地盤吸塵機

十皮係要Chatered啵⋯

Btw, 咁多個專業行業有邊個好似保險理財做狗咁底薪又無、consultant fee香港又唔興、行業形象又差

唔係
我頂唔住咁chur轉埋行

唔做地盤轉左咩呀，work life balance

應該係社會所有工，入左政府架構就會好好pay

私人工一律食屎

有邊行係好做

根本係政府overpay又舒服
私人工又閪敗仆街

醫療科收分高過engine咁多
engine最多同老師個d比咋

最差一定做lab. 之後先係工程

做工程，升得慢，人工低，咪同我講人比人比死人

工程收分比較闊 對比醫療科普遍的確比較低
但有其他工程相關既科例如建築同測量收分其實都好高 但待遇都係比醫療科差好多 總感覺個科只要關工程建築事待遇就好差

小弟認為做工程待遇差係因為賤價bid job依個行業風氣問題無論乾收銀定判頭都係鬥平接job 最後公司冇咩盈利亦都比唔起更高既人工請人