出軌嘅原因其實只有一個

唔好試圖去搵出原因：
覺得只要你無做咩/你做左咩，佢就唔會出軌

通常另一半出軌後被人發現，都會有千萬種理由，可能關於你有咩不足，或呢段感情出現嘅問題
但顯然出軌唔會令一段關係嘅問題解決

選擇出軌只係令兩個人嘅信任崩壞
出軌點都係一件喺二人建立親密信任關係中
最錯亦無法挽回既事
絕對唔係一個令一段關係變得更好嘅設想

出軌原因只有一個
就係佢道德上有缺陷

（唔好拎其他人處理關係嘅方式嚟講，比如開放式關係都係基於兩個人嘅agreement，並非欺騙同背叛）

每段感情都係一段學習，只係為咗自己、為咗一個值得嘅人
但絕對唔洗為咗一個道德有問題嘅人去檢討自己、去改變自己
當你真正走出呢段傷痛、恨嘅時候，先再回望呢一課

當未走出出軌陰影嘅時候，
唔好再檢討、傷害自己，你能夠脫離呢段關係、呢個壞人已經做得好好

樓主俾人綠完有感而發？

仲有d出完軌扮哂醒悟左，話全部係自己既錯，呢種先噁心

啱啱經歷完，而家終於斷絕哂

當時來來回回原諒咗好多次
後來因為工作場合無辦法會不時見到第三者
而第三者本身有另一半，但佢好進取亦周圍聊人，不時想介入我同佢嘅關係，可能覺得少咗隻兵個心唔舒服

佢聲稱已經同第三者斷乾淨，心裡面只有我一個
我心裡有後遺症，見到呢個第三者容易焦慮想嘔，溝通過希望佢有最後一份溫柔，就算分開唔好俾我知佢搵返呢個人

當時每次鬧交另一半都不斷話知錯，會改過變好為咗我之類，後來都會發現佢有同第三者或其他人有嘢

直到最後一次分手，佢就同日搵返第三者，隔日又嚟搵返我講啲挽回淨係愛我之類嘅說話（當日我係未知佢咁雙面人），係我朋友同我講先知佢早一日已經即刻忍唔住搵返第三者

我聽到終於到咗底線，知道呢個人無藥可救
我斷哂佢所有聯絡，包括工作上、同圈子嘅朋友
同時自己亦為咗咁一直以來都好多自卑感同自我否定

開post係我有感而發，唔想咁沉淪下去
檢討同反省都唔係為咗呢個人，要為咗珍惜同愛自己嘅人
佢唔配架

我好明 出軌對對方既傷害係做咩都補救唔到
希望出軌者都仆街死

入嚟睇出軌原因 點知你第一句叫我唔好試圖去搵出原因 你搞到我好撚矛盾呀
Ps 未開始讀

係屌到厭左呀臭雞

法律同道德從來都係有錢有權既人用黎保障自己同控制底層既洗腦觀念
你依d比道德觀框死既人先有缺陷
調番轉個世界係教你男女關係就係為左出軌而存在既話到時專一就係精神病喇

我淨係相信
出軌只有零次同無數次

其實幾好 與其就咁反思自己點唔好先令佢偷食 不如認真放低好過 好多人都只會單向咁陷入去諗自己嘅不足無諗過呢個問題明明係雙向 唔係就自己一個人做好就得

認同
會出軌既人點都會出
被帽者唔好諗係咪自己做得唔好
所以先引致對方出軌

如果你真係唔好 對方就算係
都只係會分手而唔係出軌

所以樓主冇講錯 會出軌既人係道德有問題

我ex都講到自己「大徹大悟」咗不下十次
都係再犯錯

對毫無道德感/無良心嘅人嚟講
所謂悔過只係一個形式
佢哋係無咗個心嘅人，唔會真心反省改過

（今日佢俾另一個人知道咗佢事跡，又喺人面前扮情聖喺人面對悔過中）

希望大家可以認清真相
唔好再咁傻為咗唔值得嘅人去否定自己
一個值得嘅人自然會令你同佢一齊都快樂

乜撚
鐵路先會出軌

好撚想俾人出軌呀屌