突然有一晚wtsapp 搵我同波友借錢, 話銀行被封。 因為第一次見面佢形象都幾好, 同埋有講話佢同佢屋企人關係唔好, 所以有借到比佢。 而且佢之前有話準備出黎教波, 自己同波友有可能跟佢學, 冇諗到會係咁 (諗番起都on9, 做左阿偉個fd) 。 今次點都係on9, 唯有係當買個教訓。希望各位巴打如果打波遇到佢就小心D 啦。 已知唔止一位苦主
睇番自己真係好後先起疑心, 你地唔好好似我咁
有佢身份證相/ 住址證明 (唔知堅定流) / 同佢拍片揸住兩野自證嘅片
以下節錄下佢講嘅故事 (有部分內容係錄音同電話講)
一開波係話自己銀行比人凍結左, 然後呀婆入左醫院, 需要幾千蚊應急, 話幾日後會還, 唔會呃, 要呃都唔呃咁少。
之後就話要book 下場, 應下急, 都合理啦, 照比左。 當下真心諗住幫住佢應急先。
第二日就話呀婆要打針, 仲差D錢
有問佢呀婆入左邊間私家, 話港怡。 因為見佢再問, 就想拎D 單睇, 如果佢真係證明用左係醫院都會繼續比, 但問極都話冇, 一時話唔知抌左未, 一時就話唔會過去, 一時就話個ex 都係度, 個ex 條仔都係度 ???? 有問點解冇大人/ ex 屋企人負責, 佢就話佢攬左上身, ex 唔知佢係問人借。 當下開始覺得奶奶地.... 過左陣佢就send 左張公立醫院相黎問咁樣得唔得
之後先知話唔係佢親生呀婆, 係個ex 呀婆, 但由細睇到佢大, 而佢ex 同佢 ex 而家條仔係幼幼黎, 冇錢 (未經証實)
同女朋友傾完都覺得奶左野, 但又驚佢如果真係銀行比人封就好小人之心, 冇係呢度追問
但之後問親佢攞咩單都會起鋼, 已經退到係問佢拎book 場D 比錢record, 但都係用唔同藉口推左.
問佢點解唔問財仔借, 佢話佢TU 差, 當下連僅存希望都冇埋
有係咁話去銀行整, 話佢銀行係有錢, 自己都唔好意思
最後話自己中左招啱啱先變番一條線, 已經聽到冇感覺
結論: 我預D錢攞唔番, 希望唔好再有苦主, 多謝睇到呢度。 佢講上面既事時候語氣好肯定, 講到似層層, 似係慣犯。 希望你地可以share 去多D 羽毛球group 等人提防下。唔好比呢D人利用到你嘅善良
最後雖然機會渺茫, 但都希望出完post 後佢即還錢, 原來真係比銀行封ac, 變做大型網絡炒車事件
謝謝大家 , 同要謝謝女朋友包容我的on9 
