嚴選十大中世紀最強兵種

最強肯定習家軍

野蠻人係比人入侵

維京第一

印度金輪兵

lm

波斯戰象

狂猴

支那呢?

無啦？

今晚繼續

贈興

好了今日繼續寫多三個

7. 法蘭克遊俠（Frankish Paladin）

出現時間：約公元900年-1600年

準確來講，法蘭克遊俠經歷許多年嘅演變，包括由封建騎士，再成為為錢嘅職業重騎兵（雇傭兵）。名字主要起源於跟隨加洛林王朝鐵鎚查理曼征戰嘅12位騎士，Paladin亦可以翻譯做聖騎士，係代表基督教世界抵擋柏柏人入侵嘅重要力量。

從11世紀開始，騎士由本來嘅職業戰士，開始隨着封建制度逐漸變成貴族。裝備依然比較簡陋，並唔係我哋尋常認識中嘅板甲，而大部份仲用緊鎖子甲。由於馬鐙傳入歐洲，騎士嘅靈活性同衝鋒嘅打擊力再進一步提高，令佢地變成左主導歐洲戰場嘅其中一種主要兵種。

大概15世紀，亦係百年戰爭中後期，為咗確保充足嘅兵源，同埋戰場上維持打擊能力，法蘭克開始以雇傭兵嘅模式去組織職業戰士來代替衰落嘅封建制度，於是開始有Gendarme（類似重騎兵嘅雇傭兵）嘅出現。

去到16世紀，呢種雇傭重騎兵發展到巔峰，幾乎以板甲武裝晒成個人同隻馬，而法國則擁有全歐洲最大規模嘅重騎兵團隊。不過隨着火藥武器越來越強，並且經歷例如帕維亞戰役之後，重騎兵亦都逐漸捨棄裝甲變成輕騎兵了。

————————————

話說好耐之前，喺講故台寫過個故事《你穿越到世紀帝國的世界那些事》

補Link: https://lihkg.com/thread/2673762/

咁而家樓豬終於的起心肝整隻遊戲了！

想追個遊戲進度呢度：
IG: https://www.instagram.com/back_to_empire/
FB: https://www.facebook.com/backtoempire

6. 日本武士（Samurai）

出現時間：約公元1100年-1600年

日本武士亦叫做「侍」，歐洲有騎士精神，而佢哋則遵從武士道精神。同歐洲封建制度相似，佢哋係日本大名旗下嘅封臣同埋戰士。

武士最鼎盛嘅時期係鎌倉幕府時期，即1185年至1333年之間，其後逐漸因為日本經歷和平同火藥武器嘅出現，喺明治維新之後開始消失。

喺大約8至9世紀，武士嘅特色武器太刀同盔甲已經開始出現，最初只係一啲氏族農民同鄉紳組成，結果漸漸發展到成為一個由軍人主導嘅政治團體，經歷喺幾次叛亂之後，更加成為日本政權核心。

日本武士刀隨着呢個階層發展，亦獲得左長足嘅進步，由初時只係一種鋒利而易碎嘅劍，至14世紀開始發展成舉世聞名嘅武器，甚至被出口到印度。

————————————

話說好耐之前，喺講故台寫過個故事《你穿越到世紀帝國的世界那些事》

補Link: https://lihkg.com/thread/2673762/

咁而家樓豬終於的起心肝整隻遊戲了！

想追個遊戲進度呢度：
IG: https://www.instagram.com/back_to_empire/
FB: https://www.facebook.com/backtoempire

Aoe死忠玩家支持

5. 馬穆魯克（Mameluke）

出現時間：約公元800年-1800年

雖然馬穆魯克同歐洲騎士一樣，大多數同屬於超重裝騎兵，但係出身就有巨大嘅唔同，騎士係封建貴族，但係馬穆魯克係成為職業士兵之前就身為奴隸，係一種用錢就可以買來性命嘅戰鬥員。

起初中東嘅哈里發（類似國王）睇中左呢班人冇任何政治背景，唔似其他士兵咁，隸屬於各大家族或者貴族階層，可以培養成為職業軍人，並且因為出身低微，有好高嘅忠誠度，因此馬穆魯克亦經常成為雇傭兵。

馬穆魯克傳統來講通常唔係騎駱駝，而係同普通嘅騎兵一樣騎乘戰馬，佢哋部份擅長騎射，另一部份就會擔當超重裝騎兵衝鋒嘅責任。通常會裝備具中東色彩嘅彎刀作為武器，而唔係長劍。佢曾經抵擋多次十字軍東征，甚至蒙古金帳汗國嘅進攻。

雖然出身比較低微，但係隨着阿拉伯世界王朝嘅解體，佢哋逐步成為強大嘅軍事集團，並且建立左屬於自己嘅王朝，可以話有少少似幕府時期嘅日本武士。

————————————

話說好耐之前，喺講故台寫過個故事《你穿越到世紀帝國的世界那些事》

補Link: https://lihkg.com/thread/2673762/

咁而家樓豬終於的起心肝整隻遊戲了！

想追個遊戲進度呢度：
IG: https://www.instagram.com/back_to_empire/
FB: https://www.facebook.com/backtoempire