True Wireless真無線耳機討論 (66)

請問可唔可以分享用後感？係舒適、音質、delay方面

搵緊差唔多價位

要舒服就唔會係xm4

有咩推介

唔係好識講，唔好介意

我覺得AZ60係舒服過XM4，因為我耳仔比較細，戴得啱就穩陣嘅，起碼突然跑過馬路都唔洗就住驚會甩。

音質方面係正嘅，尤其是日系/女聲/jazz嗰種空靈感同空間感，聽結他同樂器聲都好聽（鍾意聽慢歌，靜靜地嗰種）。但如果你係聽開band/rock/鍾意好重bass嗰啲，mtw3可能會夾啲。

Delay方面暫時無遇到問題，平時搭巴士睇戲都無delay。打機我就唔太清楚喇。

建議你試機前預先download官方app。當你由無降噪然後直接開100%降噪，真係會有成個世界靜止嘅錯覺。不過喺街用就唔好太大期望，啲人喺側邊大聲講嘢都會聽到嘅。我平時開唔足100%，聽歌音量都唔大，可以聽到地鐵報站，巴士就間中先聽到，但用落暫時無投訴

多謝分享我都係佢同mtw3之間揀，2者的確舒服黎講好過, 降噪差過xm4，通話就唔係考慮因素

自己平時聽開日文歌間唔時歐美廣東歌，但真係冇分快定慢歌多，女定男聲多，但jazz真係少聽，如果雜食d係咪 mtw3好d
另外會唔會有人覺得az60個盒薄d易放入褲袋揀佢不過聽講佢除左落黎唔識自己停，同埋連機比較耐、有少少扣分，另外有人話用耐左會有怪聲？eg 搭車既時候？我睇YouTube 見有個人係每條review 片post 同樣comment 讚az60搞到我覺得會唔會d人吹出黎

搭車有卜卜聲用個app就解決到

有無人覺得Xm4無以前咁隔音

Xm4好靠耳棉 耳棉開始殘就會覺得弱

我都有聽廣東歌，唔揀mtw3主要係試聽完覺得個調音唔太適合，都係視乎你嘅聽感。AZ60有得自己再較EQ，但基本原廠設定都已經好聽。

AZ60個盒係薄啲，平時我都係擺褲袋，不過無我想像中咁細。平時都將個盒同手機放同一邊褲袋無得無線充電就唔係我考慮因素。

連機只係第一次耐啲，平時就咁開手機藍芽再攞耳機上耳就配對完聽得，時間我唔覺太耐。

搭車怪聲我唯一係有時搭巴士聽歌時會聽到啲類似落雨打車窗嘅聲（唔知係咪其他ching講嘅卜卜聲），但我覺得可接受嘅鐵就無事

想問下其實aptx 個game mode有冇得熄咗佢唔用

咁係咪az60會岩唔同歌多d?因為佢冇mtw3咁重調音，有需要可較eq,其實我自己試覺得mtw3 好似warm d，有少少糢，轉az60個陣就覺得幾清幾正，但可能我個陣咁岩聽女聲早知試埋男

另外az60差電會唔會慢？同埋除出黎冇自動停歌會唔會唔方便

你可以咁講嘅，都係嗰句，睇你聽落覺得邊種啱你多啲我就係鍾意佢夠清，唔同樂器同聲音都清楚唔會lur埋一舊，男聲例如張敬軒同林家謙嗰啲都正

叉電我無計數，平時都係返工同放工兩程車聽，每日2-3個鐘左右。基本上都係2-3日左右隨心叉暫時未試過想聽但無電嘅尷尬情況

除出嚟無自動停呢樣嘢我無覺得唔方便喎，不過我慣咗係喺手機停歌先，然後再入盒/熄藍芽。佢好處係你聽緊歌除低其中一邊都唔停，可以一邊留意環境聲一邊做嘢，又或者可以自訂功能係長撳停音樂專注聽環境聲，我覺得喺排隊等外賣/小巴等叫落車都好有用唔洗下下除低，再長撳返就聽返歌。另外頭先都試過，除出嚟入到盒都會自動停spotify。

利申：Android機

Thx 我其實都係用spotify only, 但iphone

有d人評價az60有少少鑑聽feel

日森買左隻 Ath-TWX9
今日第一日用 一開始冇問題
但係頭先再用嗰時就有連線問題

Pairing 淨係連到其中一隻耳機嗰度
上網睇左試過repair 都失敗
依家淨係得一邊成功連到
有冇巴打可以教吓我點做

試過幾次都係塞返入盒再抆出黎就無事

長按強制關機再開得唔得?

日馬啲comment都係話佢而家個軟件好唔穩定，特別係連線上，所以而家買多問題

大把人試勁多隻都唔買啦 唔啱聲點買

搭單問，喺格價網睇到個價差可以$200,係咪水/行貨分別？