，仲有少少親情溫暖咁樣。間中都有啲小遊戲玩吓，但係個劇本完全打動唔到我。最後事關因為阿嫲死咗，留低咗一封遺書……內容大概係一碗好味嘅豬油撈飯是如何製成的
！首先要去街市買豬肉，千祈唔好去檔口嗰個豬肉佬A度買，要去特定嘅豬肉佬B買佢啲豬肉，因為嗰個豬肉佬B為人老實唔會呃秤！仲要記得唔好買豬腩肉要買豬上鏢肉，買返去記住煲定一煲熱水，將啲豬肉出水之後切丁！然後加啲水，大火炒，啲水蒸發晒之後就會出現豬油！
成封遺書有¾都係記錄整豬油撈飯嘅過程，當時主持人要求我哋熄晒啲燈，留返幾支蠟燭，比一個沉浸嘅時間大家。當同枱其他女仔喊到不斷抽泣
，嗰個氣氛好傷感嘅時候。我就當住六個人面前讀出我嫲嫲嘅遺書，望住三條喊緊嘅女，讀出豬油撈飯製作嘅過程！
對唔撚住！我真係忍唔撚住！
我真係笑到抽搐啊！
同枱有個大隻佬，見到我同個friend笑到抽搐！
竟然開始燥底叫我哋收聲，點撚樣收聲啊？乜撚嘢劇本嚟㗎？乜撚嘢人寫遺書，喂寫一個咁詳盡嘅豬油撈飯食譜？係咪癡撚咗線？
咁多位巴打，究竟我笑有冇問題？呢個世界會唔會有人寫遺書，整個食譜上去，我真係好想知…
樓主係氣氛破壞者
