扒房推介？

如題，假設預算每位一千左右

九龍灣

後街牛扒
Tony’s hell

比起食扒不如食自助餐啦
我知有間好抵食

井多小小？

$70有m字頭雪糕
想知再講

1000就文華啦

真光
德望

wolfgeng？

好想知，請以不少於五百字描述佢有咩咁好

邊樣好食？

Morton ?

Lunch 抵食

Ruth’s Chris/wooloomooloo

再講死全家

Sheraton Morton?

扒王之王算係抵食

食完加埋cheesecake 真係一流 😘

中環tengo 都正 ， t bone 😍

Grand Hyatt steakhouse

既然ching 咁想知咁我就講下啦

究竟七十蚊可以食到啲咩嘢呢

可能各位Ching 只係覺得夠出街食個飯加杯凍飲咁上下消費啦

但如果你咁諗就錯喇

今日就等我話你知70蚊係可以食到90分鐘嘅自助餐呀

仲送呢個m字頭雪糕

大家心諗有冇咁大隻蛤乸隨街跳呀

係呀

你咪有興趣呢

咁好啦我哋廢話唔多講喇即刻同大家介紹返

九龍灣國際展貿中心

簡稱九展

嘅商場四樓嘅一間餐廳

如果唔係開九展睇演唱會嘅朋友應該都唔會知佢嘅蹤影㗎啦

今日嘅時間就閒日嘅朝早十一點半左右啦

驟眼睇個場已經入

咗一半㗎啦

睇返門口先

咁就有啲每日嘅套餐啦

但我哋今日嘅主要目的呢就係

呢個70蚊嘅優惠自助午餐呀

佢哋朝早十一點開始到晏晝三點嘅

由你行入去開始計有90分鐘

但有一樣嘢要注意

提醒返大家

只係星期一至星期五先有呢樣嘅啫

星期六日同公眾假期就冇架

大家小心就唔好摸門釘呀

一入去呢就要買張飛先嘅

咁呢個模式就有啲似飯堂

張收據大家記得唔好掉住呀因為要拎嚟換呢個m字頭雪糕

呀唔係movenpick雪糕先啱

另外呢張飛就係攞嚟換嗰日嘅廚師精選嘅

每人仲有個口罩送㖭真係又食又拎呀

好啦咁出嚟睇下有咩飲先

有紙包嘅呢個陽光系列啦

呢邊呢就有啲唔同種類嘅汽水

如果你唔鍾意飲紙包或者罐裝嘅飲品

都冇問題呢邊仲有啲即沖嘅茶水

凍熱奶茶咖啡

檸茶

檸水

都應有盡有

咁都唔啱呀

仲有中湯西湯

畀你揀添

真係有選擇困難症呀

再嚟睇下有咩食先啦

一開頭想食清淡啲嘅朋友咁呢度都啱你㗎

有呢個豬骨粥

側邊呢仲有啲配料任你

自己配搭嘅

你想要西式嘅小食前菜

呢度都有

有呢個泰式嘅沙律

蘋果

呢個長方形嘅

澱粉質

自由配搭嘅沙律菜啦

有啲熱氣嘅春捲咖哩角

薯條

同炸薯角

同埋呢個蒜蓉包㖭

嗱！野飲前菜呢都介紹完啦

梗係唔少得

我哋嘅熱食主菜啦

打頭陣嘅呢就有呢個街頭風味嘅咖哩魚蛋同燒賣

跟住有呢個飽肚能力都好強嘅

餐肉炒飯同炒烏冬

跟住有呢個三色蒸水蛋

釀豆卜

蒜蓉焗茄子

當然我呢啲食肉獸都要有啲肉食啦

有呢個咕嚕炸魚

咖哩牛肉

洋蔥豬扒

燒雞髀

仲有呢個家常菜就薯仔炆雞翼

咁餐廳方面呢都好細心

怕大家食咁多重口味嘅嘢呢就唔多平衡

仲有大大盤白飯畀大家配搭下喎

或者你鍾意嘅可以整白飯壽司喇

最後就有呢兩款上湯嘅蔬菜

頭先咪講今日有廚師精選嘅

今日就係呢個西班牙

豬肉眼呀

大大塊嘅呢個豬肉眼包住條司華力腸

即刻喺你面前切呀幾鬼豪氣呀

服務方面先啦

場裏面嘅員工都算勤力快手

Keep住幫你主動收呢個吉嘅碟

同埋出面呢都會

Keep住有人去加返啲食物

咁就唔怕冇嘢食啦

講咗咁耐終於到食嘢嘅時間喇

第一輪呢就攞咗啲小食先啦咁有炸嘢

都係熱辣辣啱啱出爐夠脆

燒賣魚蛋呢啲都正常冇乜伏

第二次呢就出去攞呢啲主菜啦

洋蔥豬扒味道都幾夠

個燒雞呢我就

嫌佢乾柴咗少少啦

咕嚕魚

同埋個咖哩牛肉

正常

食得下嘅

之後就再出去攞咗呢一碟

個三色蒸水蛋我就略嫌佢鹹咗少少

炒腸粉同茄子我覺得幾好食

個豆卜呢就麻麻哋呀

跟住呢碟

除咗個

通粉硬咗少少之外呢

其他個檬粉呀

薯仔雞

炒飯

都正常

最後我見自己冇乜食菜呀
咁就罰自己兩樣菜都夾咗一棵

食落呢都偏鹹唔係清淡嗰種味道

食到呢度呢其實已經好飽好飽喇

但點都要留番個肚嚟食甜品啦

就拎齊佢四款一啖過嘅

甜品

正常


最後就梗係唔少得一人一盒嘅movenpick雪糕啦

食完出到嚟

人均消費77蚊

性價比嚟講我覺得都幾高

事關呢個價錢可以食到咁多款嘅嘢食

仲要自助任食

重要都有番咁上下質素我覺得

算係咁啦

唯一嘅缺點呢就係星期一至五硬性呢個

時間

十一點到三點

唔係成日都有機會食到啦

都難就到

如果方便嘅ching 不妨

試下啦

好似幾好，不過太平所以下次先

lunch常客，極抵