點知就係上個星期五，我仲睇緊腎仔既時候，個老闆就WhatsApp 左個msg黎話我跟開既教練因為同佢地公司意見不合所以被終止合作，而客人預先預約左既堂會取消直至有新教練再聯絡。
咁買堂時講明係果位教練跟進到尾，而家個教練因為你地內部意見不合被終止合作關客人咩事？佢仲要不斷重申個教練有幾多問題同埋係個教練自己應承我地而唔係佢，不斷咁去迴避退錢或者搵番原先教練番黎教既問題。但其實簽約時佢就係隔離聽住同附和，都可以而家一句都唔認。
而家既情況就係我要買蘋果，但你突然冇蘋果供應，就想比個橙我。咁我當然唔接受叫佢退錢啦。點知佢就話我當初唔係買指定教練package 所以唔會退款，但買堂時佢從來冇講過有呢個隱藏價錢
問佢點解唔講仲話當時出於好意唔同你講然後過左半日，佢就搵左一位「教練」黎聯絡我啦，話會接手我前教練上堂，而我亦係教練口中得知呢位「教練」係未有牌既，所以我都好有禮貌咁問佢有冇牌，佢竟然答要問番客服
原來教練有冇牌自己唔答得
再過多陣果位老細又衝出黎話果位唔係教練，係客服人員（咁既小店竟然都有客服
）只係聯絡我哋話會幫我地跟進
但其實佢而家都有教緊客，所以自己睇路喇。
