考牌兩年月入2萬
該名網民分享自己正在行Scheme A兩年訓練，訓練後再報名考牌照，在考獲牌照就會是持有HKIE(香港工程師學會)的專業資格工程師牌。
在兩年期訓練中，月薪2萬，加上無雙糧、獎金等福利，網民認為收入實在太少，更怕兩年訓練後，人工會落後市價！
「人工20K，冇bonus冇雙糧，呢個人工係香港真係生存都有啲難。」
「完scheme A公司唔加番人工到市價，你地班高層就自己做番曬的野佢啦！」
「我真係唔會再信呢d行業趨勢，唔係有人點我機電工程長做長有，我就唔使做工程仲要做最燶嘅機電。」
（圖片來源：政府新聞處）
工程師人工追不上老師、護士 大家都有個「師」，工程師比老師人工差一截！
網民指工程師先要讀兩年訓練，有牌後才是真式執業，永遠落後同期入職做老師、護士的朋友兩年！兩年的「時差」，任職老師或護士已經有約3萬多月薪，工程師就停留在2萬月薪。
網民嘆當年DSE成績自己和朋友都差不多分數，現在就有這麼大的差距？
「我身邊好多frd 都做老師同護士，個個work life balance，人工又32k+」
「年年等跳point唔洗諗升職加薪。」
「明明個時dse大家都差唔多分，點解佢地依家可以有咁好既生活，我就要攞住20K生存都成問題。」
（圖片來源：政府新聞處）
機電前景最差？
有不少網民回應樓主分享，直言一般機電工程師大於5年年資人工可以有4萬，但礙於私人公司未必會有資源，最盡只有4萬人工的助理一職。
想人工更上一層樓，要數入到政府部門才有機會增長。
「BS （Building Services）有牌都唔值錢，頂盡都係最多40k俾個assistant manager位你玩吓，然後就没有然後了。想再多人工！？想升manager ?Sorry，部門冇budget都冇位。」
「所有機電仔一入行，就知道入唔到政府做就人工唔高，你仲有一條路就係做判頭自己做老細。」
「你諗下做個小學主任都6皮幾，好多人做到退休都無。」
（圖片來源：政府新聞處）
屋宇裝備工程師人工有幾高？
網民提到的BS（Building services engineer）屋宇裝備工程師，在求職網站中顯示平均薪金大約每月3萬，而多個政府部門都有招聘此職位，助理BS起薪點由$36,765起。
政府總薪級表
助理屋宇裝備工程師：總薪級表第18至27點（36,765港元 – 55,995港元）
屋宇裝備工程師：總薪級表第32至44點（70,465港元 – 110,170港元）
高級屋宇裝備工程師：總薪級表第45至49點（117,580港元 – 135,470港元）
由以上薪酬表可見，政府部門的BS人工的確不差，高級BS月入最少有11萬！ 以政府工一年跳2次point（即加薪兩次），網民曾提及做機電做到退休都未必有月薪6萬，政府工大約需要5-6年時間。入職政府部門與否，就由網民自己決定啦！
