7大洲5大洋定7大洲4大洋

80後，我學前者。岩岩睇個女本教科書係7大洲4大洋，無左南冰洋。係幾時轉嘅?

你話9大行星變8大行星我都理解知幾時轉，海洋呢個無乜人講。

正評係5大
負評係4大

南極不嬲大陸嚟喎
你講北冰洋呀？

雖然都知你係假睇
不過係七大洋五大洲
奧運旗五隻色咪代表緊五大洲
唱K小魚仙都七個公主

七大洲即亞洲、歐洲、北美洲、南美洲 、非洲、大洋洲、南極洲。
五大洋即太平洋、大西洋、印度洋、北冰洋和南冰洋。

南冰洋同其他大洋不同的一點在於，其最大的邊界——北部邊界，並不是鄰接著陸地，而是同大西洋、印度洋、太平洋相連。這讓人質疑為何地理學家要將南冰洋單獨區分開來，而不將其視作是其它三大洋的南部延伸。其中一個原因是，南冰洋的海水特性同其他三大洋並不相同。由於存在南冰洋洋流，南冰洋的海水運動速度相對較快，例如在紐西蘭南部的海水特性就同南美洲南部海水更為相近，而非其附近太平洋的海水。

南極洲都無國家
所以奧運五環無計南極同combine咗南北美洲
衝出嚟柒
仲有你點數到七大洋

認真回你，雖然南冰洋呢個名由來以久，但學術界一直有爭議，所以不被廣泛承認，故此大多數教科書都係講7大洲4大洋

而係舊年。國家地理學會正式承認南冰洋係第5大洋，但教科書改唔改就唔知啦

其實係真係有南冰洋，呢個名由18世紀已經出現咗，只係一直有爭議，你google下都知

國際海道測量組織喺2000年已經認為南冰洋係獨立大洋，而國家地理學會亦喺舊年承認南冰洋地位，但分界線仲有爭議

七大洋係古代叫法，實際講緊海域，有好多版本
如果係唱k小魚仙版本，就係將太平洋大西洋斬開南北

南極洲溶咗變南冰洋