毛國界就係垃圾

好耐之前我記得自己都係連登講過呢件事，但人大咗又有更多體會，除咗怪佢，其實我自己都有錯，希望大家係自己隻寵物病咗嘅時候唔好亂心神，好好選擇，唔係就會好似我咁成世後悔。

話說大概8年前我養咗人生第一隻寵物銀狐倉鼠，喺佢2歲幾嘅時候突然甩毛，我上網搵過見毛國界都幾多人讚就帶佢去睇馬醫生。

當時馬生同我講話佢係真箘入侵，仲要好pro咁熄燈用支uv燈照畀我睇，叫我每日都幫佢揸藥，一個月覆診一次。

食完第一個月藥嘅時候其實係完全無幫助，仲要腫咗一粒嘢。我已經懷疑佢唔係生真箘而係生腫瘤，但馬生好堅持咁話佢係太痕自己咬自己做成嘅。

再過一個月臨近新年，都係完全睇唔到成果，我已經急到仆街，最後大概新年過咗1個禮拜左右，佢突然朝早嘔水攤係度抖氣，我即刻請假打電話去毛國界，姑娘話馬生放假唔係度，得另一個後生醫生，一去到就同我講sorry，原來之前斷錯症，隻鼠係生cancer。
個下我成個人係崩潰，因為原本仲有少少奢望醫到，依家唔單止無望，而且做咗幾個月on9仔。

而且我最on9嘅係，呢個moment啲姑娘sell我同佢打針，話早啲脫離苦海，我居然仲應承咗，但係倉鼠因為太細隻，打針係要打心臟，事後見到條屍體我仲痛苦。

呢件事咁多年嚟我都不停回想，唔開心嘅時候更加成日後悔，自己點解咁蠢唔識諗多啲應該點去解決。

我自己係有錯，當第一個月無任何成果嘅時候點解唔去睇多幾個獸醫，點解要逼隻鼠揸啲佢唔鍾意嘅垃圾藥，當佢都咁辛苦嘅時候點解自把自為仲要加多一針。

但係我想同馬生/一眾無料獸醫講，雖然我唔肯定你係唔係專登斷錯症呃藥費診金，係唔係覺得區區一隻倉鼠死唔死都無所謂，可能你都唔記得咗我呢個客；但係對我嚟講隻寵物就係陪伴我人生好重要嘅一部分，你嘅貪念/無能係會造成一個人成世嘅痛苦。

如果有得揀，我寧願畀多一倍錢都唔會去你間垃圾診所。

樓主既遭遇我深感同情, 我都有同樣情況, 完全同意毛國界動物診所呢間野只係一間見錢開眼而唔係為左拯動物生命

我都好想打好大篇文講我既經歷..可能1999因為好亂..


我自己養開天竺鼠..(我地叫開天竺鼠做豬豬 Guinea pig 嘛)
差唔多6年前有一隻..只係2歲幾左右..一般養得好6,7歲無問題......
有一日突然唔多郁無精神又唔食野又唔飲水..
咁上網知道呢間專醫細小動物
去到唔係馬醫生檢查完再照xray ..得出係天竺鼠常見既胃扭曲...因為飲食問題.. 無講生命危在誔夕, 只係話盡力醫, 叫我第二日一早拎過去診所留院一日..期間會不停打針打皮下水
隻豬其實已經好辛苦, 我好擔心佢, 咁第二日一早就拎過去留院, 夜晚6點拎番走..
因為太耐我唔太記得, 我淨係知留院其間, 醫護不停打針..(皮下水)..其實豬豬已經好辛苦,我好記得好記得,仲要不停打針增加佢既痛苦..

我下午返下接佢走個陣..好似比人糟質完, 全身濕哂..好痛苦, 一開度門見到佢好驚, 望到我即刻走去我度,.
留院一門, 醫生居然同我講救唔到, 叫我試下去大圍個間珍禽異獸睇夜診..可能過唔到今晚..
卒之我拎返屋企. 陪佢過埋最後既一晚, 佢最後係我手上面走左..
未走之前一直見佢都好痛苦, 走個一刻雖然我好傷心, 但對佢無形係一個解脫,

後尾我知道, 天竺鼠係食物鏈最低層既動物, 天生細膽為左求生只會逃跑避開捕獵, 所以自己有唔舒服都唔會表露出黎, 死忍, 直至忍唔住先會比你知佢身體有事, 所以發現佢唔舒服個陣好多時已經係末期
但呢間診所明知係末期, 都叫你做一大堆其實已經無意義既診療服務, 價錢唔平嫁喎, 直至醫到佢死為止....講真醫唔返仲要比一大筆錢, 仲要增加小動物痛苦..外國做獸醫好多都好有愛心, 呢間野完全無良心.為左錢只會為臨走既動物不停做檢查打針..目的只係為錢

.仲有第二單..仲明顯係屈錢..

都奇怪係咪得我一個人對佢有意見

我唔知佢醫貓狗係咪叻過醫倉鼠呢啲小型動物，亦都明倉鼠有病係好難醫，但呢間嘢畀我嘅感覺真係淨睇錢

後來過咗幾年我養龍貓bb，一開始有少少軟便問題同輕咗好多，驚驚地即刻帶佢去天后個鬼佬獸醫，佢一睇完首先做嘅嘢係叫我唔洗擔心，同我講如果佢有keep住食嘢就好小事，連藥都唔洗食，如果真係好驚嘅就開啲草粉畀佢補充下營養。呢個獸醫畀我感覺就係會重視主人感受，知道隻寵物無事第一個念頭唔係劏我一筆，而係安撫我先。

香港一定有唔少有心嘅獸醫嘅，係我咁撚黑仔第一個就撞到條撚屌

推，睇到眼濕濕
樓主都唔好再太自責了

但係呢間野好多鼠友推介bor

我最近隻豬（天竺鼠）唔點食嘢拎去睇馬醫生
佢話淨係抑鬱冇事（因為最近佢個好buddy走咗）
睇完諗緊洗唔洗搵多間睇多次

倉鼠Cancer要幾錢醫？

我隻鼠前後洗咗八千幾 ， 唔係毛國界睇

一開始隻腳拐下拐下但冇外傷，懷疑骨折就去睇醫生，照x ray （2個角度）+ 消炎藥， 呢度千幾蚊， 當時醫生睇x ray 見到白色一撻都話可能係腫瘤， 但我決定唔化驗住，睇下食藥有冇效先，冇效先再進行下一步，診所就幫我地剃咗啲毛觀察佢腫個位

一星期後覆診， 消炎藥冇用， 隻腳腫得好快（腫多咗～1.7倍）醫生建議唔好化驗， 腫得咁快應該都係惡性腫瘤，我就立即同佢排手術， 呢度計一隻藥錢+半場手術及術前檢測訂金就~三千五

手術順利俾埋尾數加術後止痛藥&抗生素，大約四千術後一星期覆診就可以停哂啲藥唔洗再覆診咁就齋收診金三百