其實蛋白質係一啲細小唔同種類嘅氨基酸(amino acid)組成，人體內的蛋白質主要是由20種胺基酸所構成，包括11種必要氨基酸(eaa)同9種非必要氨基酸(neaas)
而eaa係必須要靠食物獲取，人體唔識自己製造，而且依入邊有三種氨基酸係對肌肉生長特別重要(leucine, isoleucine, valine), 呢三隻亦都係大家可能成日聽過嘅bcaa
其實大部份動物蛋白質(包括 whey)都其實包括左eaa, 基本上你食肉蛋奶whey就唔使擔心蛋白質嘅質素。植物蛋白質就可能爭少少，要比較花心機安排更加多食物來源先可以填補到
咁究竟廠商係點樣係不知不覺間偷你啲protein?
聰明嘅你哋可能已經諗到，就係喺入邊加啲非必要氨基酸或者過量嘅bcaa，一啲又平又冇多餘效果嘅野入去，唔知唔覺呃咗你哋啲感情。
出嚟嘅效果就係可能佢包裝寫30g protein,但真實令到你有效果嘅其實可能係21,2g protein
呢個就係所謂嘅amino spiking
咁可能你會問:唔好玩啦，而家啲消費者委員會咁撚黐線，又有lab report, 佢哋邊敢呀，一定俾人告到甩褲？
依個就係佢哋巧妙嘅地方。大家喺包裝上邊見到嘅蛋白質含量其實只係會計入面氮嘅含量，而且任何氨基酸都會有氮，如果攞去做測試其實係可以全部都address為protein, 所以佢哋計埋呢啲垃圾氨基酸都係完全合理合情合法。
咁我哋依啲小市民點樣同啲大廠商鬥？
今次教大家一個弱智都可以明嘅方法，可以確保大家買嘅protein係有質素！
咁其實近年消費者其實都醒咗好多，spiking既情況其實已經越來越少，所以其實大家買番啲大牌子，包裝成分清晰既基本上都有保障！
我知大家已經想屌我，咁樣唔撚洗我講啦，有邊個唔知？
所以我再教大家一個容易但又有保證嘅方法。
首先大家要識得睇包裝，通常包裝都有三樣嘢
-Supplement fact(會講一個劑量幾多熱量，protein, carbs, fat, 其他少量嘅微量營養）
-amino profile(會列出所有氨基酸嘅含量)
-ingredients (簡單列出有咩成份)
上面supplement fact下面Ingredients
基本上最好買嘅包裝要有齊以上三樣先好買！
第二大家要睇嘅就係成份！
如果佢真係貨真價實冇spiking, 你係應該唔會見到佢有其他氨基酸特登寫落去，因為雖然protein數字有得走盞，但如果佢哋要合法都一定要寫埋佢額外加咗啲咩落去！
如果大家見到佢成份係特登寫咗某一兩隻氨基酸落去，咩ine 呀,L咩呀，咁樣其實好大機會係spiking
安全例子(會寫whey protein, 之後可能都係啲甜味劑，抗凝野)
中伏例子
希望大家有得着，買多對自己真係有益嘅supplement
最後唔好唔記得，淨係食係冇用，一定要操同掙扎！
等大家留意吓廠商呢啲手段都好
