但係唔記得咗第二日改咗返工時間6:30都係去唔到，直接俾咗個Account屋企人去幫我拎，因為要直接喺個app度禁返個制已提取訂單。屋企人去到已經嗰個職員搞咗好耐都搵唔到個訂單號碼，最後俾晒啲confirmation email同埋訂單截圖個職員睇，佢先至話原來尋日20號figure已經冇晒貨，尋日已經電話同面對面通知咗訂單客人。咁第一個問題就嚟啦，我20號完全一個電話都收唔到，去紅館問職員嗰陣，都完全冇人同我講過話Figure冇貨。咁好啦冇貨都冇計，屋企人俾咗個電話職員佢同我講可以揀25號來紅館拎或者26號順豐寄貨，咁我想快啲拎到貨，就揀咗25號親自去紅館拎。咁職員寫咗張提貨單寫咗我個訂單號碼俾我屋企人同圈左25號去紅館拎貨。
咁25號諗住終於可以拎到隻figure啦，拎住左張提貨單去搵counter職員拎貨，佢check咗好耐都搵唔到張訂單，另外一個職員又問我拎confirmation email同開App個版面俾佢睇，一睇email，原來23號無啦啦取消咗張訂單，同個app都係一樣。一樣個問題，又係從來都冇人通知過我，果下終於忍唔住爆咗個女仔職員，佢都已經係咁講sorry，同埋佢應承我一有貨會即刻reserve返俾我, 見到佢哋做嘢安排咁亂都已經半信半疑啦，就問佢咁我可以點樣聯絡番你地呀，佢淨係肯話係Facebook dm佢地就可以同拎左我郵寄地址話一定會寄返比我。
咁返到去就即刻開個Facebook dm佢地去投訴安排混亂同睇下個安排係點，個客服仲好意思喺25號問我，記唔記得20號邊一位職員答我可以第二日去拎，之後就好似機械人錄音機咁重複又重複咁答我抱歉抱歉同抱歉。
我都知自己衰on9唔check email但真係一封email就可以無啦啦取消我咁難先搶到既訂單？仲要唔係即日取消係兩日之後既事…. 到今時今日都仲係隻機械人應緊我機真係好心累
想知有冇機會追返
真心想要隻figure，出面比人炒到2000幾想買都買唔返….
