未婚夫怪我唔出一份錢⋯⋯

個個睇佢會覺得佢少爺仔，有啲錢，有車有樓，成熟乖仔。

但事實係，佢架車係問我「借」錢買，再自己供。
股票投資，問我「借」。
買樓，屋企人畀首期，佢自己供，點知中間要畀乜費乜費果陣，佢屋企人話現金周轉唔嚟，我借住先。
前前後後我畀左50萬有多比佢。

求左婚差不多一年，求完之後無聲氣，無計畫，隻戒指佢話自己用左4萬買（開頭話三萬幾，接近4萬，而家又改口話4萬有多，仲要張單話係兄弟度，整唔見咗）

琴晚同佢傾婚禮，佢話儲兩年錢，講講吓佢話好大壓力，你之後怪我幫手出一份錢，話我人工高過佢少少，仲話佢兄弟啲女朋友都會夾錢，話如果我幫手，佢咪儲到錢囉，儲到錢結婚，儲到錢還俾我⋯⋯



⋯⋯⋯⋯⋯⋯係我有問題？
因為我家庭背景，我好着緊錢，對錢好冇安全感。但我居然都不知不覺過左50萬比佢，而家因為我搵錢多少少，成為我嘅罪？ ？我銀行嗰啲存款要唔要拎埋出嚟同佢均分先係好嘅女朋友？
⋯⋯我幫手⋯⋯然後佢儲到錢⋯⋯然後結到婚⋯⋯然後玩到錢俾我？即係用我嘅錢，還錢俾我？用我嘅錢，同我結婚？


求屌醒

*佢之後怪我唔幫手出一份錢

你老豆老母生著你呢d仆街女真係家門不幸

唔好結囉

買車都要借錢再供

你地無夾份儲錢咩

層樓有無落你名？

受騙的那個比騙徒更混帳

一日未結婚都唔好借咁多
結左就話

未結都借到你50，你幾百萬開頭？

分啦 不過挨到結婚後入紙離婚
然後分佢層樓同一半身家
一炮賺返嚟

邊個搵到你都好好彩

無我名架

借咁多 傻左？

你要預咗結咗婚養埋佢

其實我琴晚嘅總結係話不如唔好結，因為我知要兩年內佢儲到錢係無可能，之後佢就發我脾氣，話我負面，我話我係講事實出嚟。

咁你又比

我已經想像到個畫面⋯⋯

類似『我唔做雞邊有錢養你丫』

咁你搵到錢嘛，唔好咁計較啦，都就嚟一家人

因為我有份住？呢啲係咪奴性？

未結都已經借左50萬
仲要睇得出你個未婚夫其實好唔成熟
求婚都只為求而求
早走早著吧

你條仔都幾廢
無錢又學人充大頭