唔講政見，其實毛澤東有咩值得人吹奏？

錯過民主 係鄧小平 (89民運)

Umm 我用英文搵係寫40m喎。
不過其實好難幫唔係呢個世紀嘅事搵到實際數字，始終科技仲係落後。btw我唔同意黑死病入落成吉思汗條數

老毛有諗過要推民主咩
佢只係為佢自己權力同共產黨喺中國既統治

政治上好現實，
經濟上好唔現實

農業集體化嗰啲咪社會主義政策

但係佢都係無跟西方

佢都係跟蘇聯

國民黨畀美國禁運點全副美械

嗰時其實國民黨都係得好似兩個美械師

可以令幾億人集體瘋狂，親人朋友互相批鬥，洗腦人民崇拜自己如太陽。

為自己only

佢對共產黨都唔愛惜

唔係就唔會叫民眾批鬥幹部

中共嘅集體農莊比起蘇聯小巫見大巫

經佢文革破壞之後變返原始資本主義

佢跟中國帝王學
資治通鑑 水滸三國
你睇佢寫詩以帝王自況就知

你知唔知中共初期係共產國際派人黎中國做指揮同領導，結果喺對國民黨既抗爭之中節節敗退 差啲被完全消滅，到毛澤東上台帶領中共 憑佢出色既政治/軍事/領導能力將局勢完全扭轉 甚至反勝國民黨，你話毛澤東地位崇唔崇高喇? 共太祖喎

老毛對中共最大功勞係長征救返黨啫

共產黨既發展方向好多都係出自佢手，例如農村包圍城市/7分發展2分抗日1分應付

唔止啦，中共後期既發展方略全部出自佢手，例如農村包圍城市/7.2.1等，我唔否定毛係一個出色既軍事家政治家甚至哲學家，但一定唔係經濟學家，到中共建政 要搞經濟 咪搞左個大躍進 餓死幾百萬

佢夠古惑囉
敢對蘇聯陽奉陰違
其實史太林眞心想佢聯蔣抗日

知唔一定要做，佢係用共產主義嗰套獲得權力同信任，當共產主義成為咗人民對未來嘅希望同佢合法性嘅基礎之後，改變就即係玩火自焚。加上有啲咩人威脅到佢，佢都係以右派冠之，搞咁多嘢俾人知佢暗啞抵唔信共產主義，到時掀起另一番鬥爭咪仲大劑。反正佢做啲乜都係可以舒舒服服咁，點解仲要花心思推翻自己辛辛苦苦建立嘅意識形態先

同埋仲有一啲唔係咁主流嘅意見，就係當時60年代嘅三線建設，雖然倉卒而做得唔好，但其實係令之後經濟政策得以順利運作嘅基礎

其實鄧小平 唔係衰最後幾年搞左單 六四屠城出來
應該威望比毛澤東更大
佢改革開放 救左中國經濟

咁佢可以令到美國老願意幫佢講和都係一種本領，講就講美國想箝制國民黨所以扶植另外一個黨啫，但蔣介石無辦法令美國相信佢值得得到美國全力支持唔需要牽制，而毛澤東卻可以令美國認為值得扶植佢來箝制蔣介石，咁已經係佢勁過蔣介石嘅地方啦。

其實毛澤東最擅長嘅嘢就係捉摸同控制人心，即係佢嗰句「與人鬥其樂無窮」，你以為要洗腦四億人當佢神仙咁拜真係易嘅咩，更唔好講佢在世時其實仲有好多其他強人同佢爭權奪利，佢都有失過勢，所以先搞出文革來全民大亂鬥，等啲人互鬥就無得閒鬥佢，老實講有呢種才能嘅人無論政界定商界都會撈得好dim，只係佢有呢個才能但缺乏佐良心，於是就由可能成為中國版華盛頓變成中國嘅毛澤東。

但死亡人數同斯大林有得一拼

呢層真係
所以我會話政治權術上，佢好現實
經濟上佢真係信社會主義

商界又難啲
做生意套諗法同搞政治唔同

我會覺得，如果佢純粹想要權力，佢經濟上唔使去到咁盡

咁南越有美國支持都輸北越？咁南韓有美軍支持都贏唔到北韓？古巴當年有CIA訓練策劃推翻Castro既軍隊都輸？有支援就贏硬咩？請問當年佢有咩支援，教下我