但佢簽咗租約3個月後就自己搬走咗
留低佢啲相架同部分傢俬
因為間房吉太耐佢就想完約之後成間租出去
但交樓時就要求我抹乾淨晒所有傢俬電器地腳線
咁一開始我諗住好嚟好去
都叫咗幾個朋友交吉嗰日一齊同我夾手夾腳搞得靚靚仔仔俾佢
地吸完塵拖完 櫃抹晒 玻璃抹埋 露台之前打完風都清潔埋
交吉時佢唔肯俾返啲按金我 話再睇下有咩損壞先 有咩電話講
到我走咗交低鎖匙佢咁講
我本身都諗住俾咗算 但佢不斷話係幫緊我清潔
已經做到好靚仔俾佢
仲執啲細位嚟嘈跟住佢就話地腳線有蝨 係咁意喺網上面搵大約幾錢除蝨就諗住扣我錢
我之前根本冇見到有蝨 佢話我唔講就係我責任需要我負責返
但我好懷疑係佢淘寶嘅掛牆相架吽蝨 咁我好難幫佢日日拎開留意埋
講完搵小額錢債無端端掉條新數俾我 仲要話佢同佢bf負責清潔 計返佢哋每人280一個鐘
佢知我係半工半讀嘅學生 一定冇咁多資本同佢鬥
所以扣起晒我所有按金 博我冇錢交新樓嗰度嘅按金就由佢剝削我
但我決定借錢都同佢打 唔介意損失更多
唔想咁樣俾人恰
Sorry for1999
今日去搵小額錢債了
