鄧紫棋（G.E.M.）與台灣歌手林宥嘉被指撻着三年，現年21歲的G.E.M.素來避談兩人的進展，適逢個唱即將開鑼，她昨日卻拋出處女論，表示經常「拒絕」林宥嘉，對於是否曾歷魚水之歡，竟面紅紅地說：「唔講，費事又話我拋隻豬出嚟！」暗示自己玉潔冰清。
提到藝人高皓正表示反對婚前性行為，同為基督徒的G.E.M.說：「有睇佢嘅言論，都支持婚後性行為，因為似婚後拆禮物咁，開心啲！」問她可曾試過婚前性行為？她即暗示仍保處子之身：「唔好再講呢啲，唔係啲網民又話我拋隻豬出嚟，總之我支持婚後先啦！」問她林宥嘉是否把持得住？她即大笑說：「點知佢，唔關我事！」又自爆經常拒絕對方：「我一定拒絕，仲成日拒絕添！」當自知又開口夾着脷時，她尷尬得頻呼救命。
