四小龍昇悅居好唔好住？

個感覺比較舊但日常生活應該夠曬

一定要用鐵路過
如果用地面過，塞死都未到

西鐵而家去九龍東緊係鑽石山轉啦
去九龍塘而家紅磡落一條電梯轉就得

我高中低層都睇過
低層望出去內園真係壓迫感大既
不過中層開始已經望到天空+泳池景 已經好咗

算係咁啦
不過我買貴左

願聞其詳

好咗嘅意思，其實都係由極差變做好少少，用圖片說話，之前post嘅圖，都係由中高層望出去

都係嗰句，價錢反映買家畀屋苑嘅價值，位置好交通方便係昇悅居嘅優點，但亦要有心理準備缺點就係缺點，唔能夠話買高啲就冇

昇係算平實喎
裝修最誇張係泓景台

有時間可以去深水埗運動場個邊望返過去
會見到成個內園, 係暗到

無必要貶低四小龍價值，亦無必要將問題講到唔係問題，盲目唱好，咁同AA有乜分別呢

講吓每期優點缺點，每期座向有乜優缺，先可以有正確嘅選擇，全部問題不是問題，咁開個四小龍業主AA圍爐區仲好。

ching住4小定個邊aa?
4小個商場級數如同堆80-90年代屋村商場
新少少2000年打後領展商場都屌打，你都可以搵到位讚

四小樓下有5個商場 (四小+海麗邨） 主要買日用品 又有AEON 又有超市 餐廳 便利店

你想購物娛樂既話行去對面D2 place一期二期 都只係過2條馬路 2分鐘都唔洗就去到

嫌無luxury brand 既話可以係荔枝角站搭去旺角/葵芳 10分鐘都唔洗就去到

唔明你地點解講到樓下商場係缺點咁 樓下一定要海港城 朗豪坊先住得人？ 就係因為佢樓下既商場係滿足住戶既衣食住行 先無咁多外來人入黎購物 達成佢成個四小龍區基本上完全唔會點塞車 揸車去海港城都只係10分鐘既事

總結 我覺得四小係啱有小朋友既家庭 如果你係後生仔女日日都會去娛樂購物既話 應該去買沙田市中心/旺角/尖沙咀等等地區

講漏咗既係 黎緊海達邨隔離既康樂文化大樓就黎開放 會有一系統既配套 - 圖書館/體育館/街市/PTI 等設施

另一方面四小行去深水埗運動場都只係5分鐘路程 可以用埋長沙灣西區（近荔枝角方向）既配套

荔枝角區工廈活化既進度我無咁多資料係手 大家可以自己去感受下 我個人覺得都算多娛樂/餐廳 可以接受

如果大家只係keep 住攞四小內園樓景黎攻擊 依個post 就無意思啦 大家都知九龍市區既樓係起得好密 無可否認呢個係四小既缺點

唔好意思踩親奧海城條尾令你要衝出黎
奧海城商場係好大好靚
可能你冇小朋友唔知
樓下補習社興趣班對家庭客有用過名牌店

你講咩領展商場屌打其實冇意思
屌打點係邊？
事實上四小商場日常生活民生鋪頭係應有盡有
四小定位係上車盤，唔係豪宅
你話咩商場舊廁所臭之類
似你要夾硬搵位踩多d

唔好勞氣師兄，絶無貶低四小龍嘅意思，只係想提出問題交流吓。

你令我反思一個問題，究竟人係住喺配套定家裏面？如果有一個完美配套但住得唔舒適嘅家，與一個住得舒適但冇乜配套嘅家，又會點選擇？

我嘅睇法係只要樓下有鐵，有陽光空氣流通，有gym room或室內運動場，有適量餐廳，只有依幾樣就已經足夠，依家網購咁方便，足不出戶想買乜就買乜

另外，係咪應該將個討論重點放在邊期邊個座向較好？如果加多些少，買望外圍又值唔值得？同價錢其他區有冇更好嘅選擇？

你放呢兩張相 個focus 都仲係放係內園樓景 咁無咩值得討論落去 景觀呢樣野依個睇買家接唔接受

事實上三小龍入面有接近一半單位都係向著內園 雖然有唔少單位係向外 但因為對高速公路會有嘈音問題 只可以講內園樓景 & 嘈音依兩樣野 每個睇過荔枝角區樓盤既人都會清楚 都無得隱瞞 同時反映咗係樓價 最終只係睇買家接唔接受到 如果接受唔到只可以出更高既價錢買優質盤或者轉買其他地區

順帶一提 就算係沙田第一城/黃埔花園 等等大型屋苑都會有內園樓景呢個問題

上年高位接左碧海望返三小方向, 原全唔覺有壓迫感

咁應該放咩相呢？離遠空地景又唔得，高空周邊景又唔得，係咪應該放冇屋苑出現嘅相先可以😔

碧海藍天會唔會好啲？今次唔放相，費事又係度嘈

剛剛留言，估唔到有相同睇法

唔緊要，咁唔討論周邊配套 只討論屋苑之間既比較，以下係我既睇法

三小得三個座向 (1) 向公速公路；(2) 內園；(3) 向碧海
(3) 係開揚+靜，但相對貴過（1) &(2)

樓宇質素：昇=碧>泓=宇 (肉眼觀察/喉管設計）

單位間隔：宇單位比較細 其他屋苑都算標準size

會所：昇>泓=宇>碧

衛生：昇全明廁，另外3個屋苑大約有一半單位係黑廁

交通：昇=宇>泓>碧

衣食住行：應該打和

養狗：宇仔唔養得狗，其他OK

如果買三房的話，四小邊個屋苑好d？

奧海比較適合去行街多過住 當奧海二期，朝早想買個早餐，可以有乜揀，同埋要行幾遠

同埋果堆倒模式大牌子店，睇一排都悶啦，就算住elements, 全部名牌子，行半年一年咪一樣睇到悶唔想行

生活配套實在過呢啲大鋪好多，煮飯冇米，落樓下枱上去都行少幾分鐘la

講食野，自問無條件日日食outback 牛角 穴 five guys, 有間譚仔 千之味喺隔離我夠皮了

四小要行街，渣車碌去奧海，elements, 荃灣都係十分鐘車程，荃灣線去油尖晒葵芳荃灣又方便，大把地方可以去行啦

我係窮撚，四小貼地啲啱住好多

聽人管理差，咪搞

簡單而直接，俾個like先，我覺得應該要置頂👍🏻