明日戰記認真評論

好少會諗住喺連登影視台寫野，但係近排明日戰記都好多人討論，有時間睇完就講一講

綜合睇返連登既討論，好多人都係圍繞住劇情、CG 同埋對白等等既問題，但係睇完之後我覺得問題完全唔喺呢啲地方。

劇情上明日戰記雖然比較大路，但大路既好處就係簡單易明，大家可以唔需要用太多腦去諗故事既走向，觀眾亦都唔需要太多腦力去理解，對於CG 打鬥片來講已經算係唔錯。
至於你話劇情多唔多犯駁位或者邏輯錯誤，咁我就唔多比意見喇，個個都對於邊度可以駁都有唔同既意見，我真係冇咁得閒。尤其係人地個幾鐘入面大部份時間都係打鬥緊，你做導演編劇果啲係咪會期望觀眾仲有呢個腦容量去諗個劇情有邊度可以反駁呢？打鬥動作片個劇情唔係用來解釋點解要打或者點樣打，而係令到啲人有得打，有得打先有野睇。人地入戲院係睇打唔係入來睇點解要打。所有對於打鬥動作劇既劇情真心進行研究既人老實講係無野搵野做，白廢心機。

老實講，我覺得呢套戲真係覺得唔好既地方反而係拍攝，場景既安排手法，仲有演員演技。仲大鑊其他所有方面。

尤其係一開場果度佢做獨白，佢已經輸左啦！一套戲用獨白做開頭九成九都係死於非命，因為開場要用一段文字來交代個背景，就代表你冇能力用文字以外既野來講解果啲要素，咁就已經可以預視到成個製作係幾咁冇實力。而後來果啲咩所謂戰爭，所謂毒素，係咪真係好重要？又唔撚係......

成個所謂既獨白鋪墊既只係一堆冇用既支線，本來講連年戰爭就可以拉返去講三個主角既兄弟情，但戲入面又冇講到之前戰爭係點樣，佢地做左啲咩感情咁好？Top gun 都係講返幾十年既兄弟情，同埋朋友個仔既衝突，洗唔洗用好多時間？幾個鏡頭其實就交代到點解古天樂同姜皓文既矛盾，同埋用而家呢場戰鬥點化解佢地既矛盾，但套野完全冇講。

劉嘉玲個角色就可有可無，求其搵邊個做都得。但係張家輝真係.......唔係因為係科幻片就可以唔交演技喎大佬。甚至乎係古天樂同劉青雲都一樣，講句對白做個動作都特別HEA 過其他戲，反而成套野最落力最知道咩係表演既係姜皓文.......我都明白演員尤其係香港人要對於大量既藍綠幕做戲係好唔習慣，上次三國無雙又係玩CG 古天樂啲表情都係特撚別KAM 就知根本佢地老一輩係好難憑幻想做戲，咁你唔好自己攞來搞丫......

仲有啲字幕成日出簡體字，又用哂書面語搞到廣東話食字食唔到或者好多對白好突兀咁，都已經係小問題。跟住來講個CG。

無論係飛機、機甲、機械人同蟲族，全部既缺點都係唔夠原創性，種類又唔係多，真係死症來。好似好多人笑緊既「一隻窮奇、一隻刑天、三隻機械人」咁，先唔講對白既問題。問題係就呢幾隻野打左成套戲.....最慘既地方係呢幾種機械人既設計，同埋件甲既設計真係路人到仆街。係古天樂話佢地諗左好耐我就信少少，如果唔係古天樂講，我就以為佢地係unreal engine 或者unity 求其買個model import 入面做動畫就算。仲有果啲蟲，同埋果堆花......你唔覺你打機成日見既咩？真係唔係import 個model 就算鳩數？

如果佢地真係有諗既話就仲大鑊！即係根本成個班底或者成個行業既藝術根底係有問題，諗唔到啲獨特既風格出來支撐自己個IP。仔細睇返佢地既rendering，光影細節都冇咩大問題，啲蟲個動作仲好流暢添！機械人又識格鬥技，整得幾好，但你冇個由外型設計上面吸引人留意你呢個IP 既能力，就真係好難做落去。呢樣仲重要過啲對白呀！

總體來講問題有，但要睇下你集中留意既係啲咩。如果你真係可以腦內忘記左啲對白同影帝影后既演技突然降級返返去演員訓練班，可以淨係集中睇CG 同打鬥既話，其實又真係打得幾爽既。

7/10

好似話臨上畫cut咗廿分鐘文戲

應該就係柒喺呢度

真係加返啲回憶比較好
例如係三個主角既兄弟情
同埋張家輝起天幕既辛酸史
補完返啲支線佢
如果真係要CUT，就CUT 鳩埋啲支線
咩父女情兄弟情全部CUT 哂佢
阿諾舒華咁衝鳩過去打Predator 係唔需要解釋

算啦, 古天樂拍左幾廿年戲, 其他野佢好多都唔識唔睇唔留意.
佢既科幻SIFI野仲係停留係十年之前, 埋到佢身邊既人又唔係真係好有料.
又成日一味要華人自己做番, 咁件野出左黎, 就係要觀眾降低要求啦.

唔知幾時會補返呢part，懷疑大陸唔比上

睇得出劇本係左礙右砌出黎
應該個故事改左好多次

件機甲可以學高達咁，王牌/指揮官機體有特別設計特別making

未必係故事改，而係拍完大陸上唔到先要不斷改，你是但一套戲中間有幾分鐘都怪啦

成套野好尷尬
一班老演員係度讀對白

佢個sci-fi 其實問題不大，穩打穩紮既
但執行起上來就好kam

真係
大家喺度笑光仔
其實光仔仲撚多戲過啲主角
起碼佢驚又驚過，勇又勇過

但真係好樣衰

初段讀白仲要用返矛盾戰爭既片段
同明日戰爭個風格明顯不同
個原因唔知係成本問題定點

非常同意開頭讀白係非常之差
古天樂讀到無感情
啲片段剪到好肉酸
非常出戲

我覺得套野最大問題係啲detail位做得唔好

一開始讀背景最柒，你是但叫黑仔喺大排檔食野吹自己啲戰績順便講埋都好啦
二嚟叫啲機械人做機械人啲科學term又唔夠扮嘢
跟住劉青雲堂堂自揮官，一枝公去救人，是但跟兩條𡃁再秒速俾啲怪秒殺都好吖
劉嘉玲去同張家輝攤牌又係冇𡃁跟住
啲機體裝甲雖然原創性不足，但係幾靚，同埋啲裝備武器設定都幾足，睇得爽
動作設計我直頭俾滿分，荷里活都未必做到咁正

我都係俾7/10

個世界觀諗得太大
細節位全錯

能力甲有咩功能唔知
啲槍好有心機
但都要有少量槍械知識先明
故事上已經有個新人
可以借佢既出現黎介紹啲架生
結果個新人用左係一條
完全無共鳴既感情線

粗口欠奉
正常醫院個時應該講唔少

應該係話個格局好似好大但個世界空空地，好似得B16區有人咁，其他地方發生咩事完全唔知

真
果對情侶搵返啲勁靚仔靚女既來溝返淡返主角幾個人既老人味會好睇好多

香港係未得鄭伊健同郭富城風雲入面對過藍幕做戲又做得好

謝霆鋒應該都試過OK

李昇仆街啦

唔講
喺戰鬥中用出來都得
但除左快左大力左跳高左之外
又真係冇乜撚用

有細路喺度呀
唔準講粗口

咁美國隊長打完針都只係快咗大力咗跳高咗

咁又唔係咁計既
Top Gun 講一座山都講左兩個鐘啦