老豆中風入院。依家唔知點算好

老實 早d搵社署幫手 申請津貼入老人院
唔好比道德鎖住自己
遲下自己叫救命
聽我講 唔係撚你

中風後半年係黃金康復期
情況穩定後要日日拉筋，按摩
如果唔係好快手手腳腳會僵硬曬，
再拉返開就會好痛好辛苦

你做仔，幾日收唔到電話都唔識打去問？ 唔識Google? 你老豆瞓係病床，靠晒你都唔主動去了解？你仲讀緊書就仲情有可原。醫院ward 忙到仆街，你打過去，話要同主診醫生傾老豆病情，佢會叫你留電話。佢無打返俾既話就兩-三個鐘打一次去吹佢，記住唔好撚怕羞，驚影響護士做野。

其實依家武肺唔知比唔比針灸醫師入, 或者問吓東華嗰啲.
我屋企人之前腦出血, 好彩嘅係早發現同都恢復到, 因為療養院冇位, 同醫生傾完情況可以早出院.
之後即刻帶佢針, 針完第一次已經即刻可以拎到碗筷食野. 針咗3次就可以企同行到一陣, 之後keep 住自己練就ok.

咁又唔洗咁絕望
出院計劃係一定要有的
排院舍係其中一個出路樓主可以考慮，排定先無壞
但都要睇下佢復康情況有幾好／差
樓主都要同屋企人預備下:
出院之後去邊個屋企住? 依家呢個屋企環境適唔適合? 洗唔洗入住暫托院舍?
出院之後邊個照顧？洗唔洗請工人?
長遠會唔會考慮排院舍?
當然，好得番８／９成唔洗人照顧就最理想，都希望你爸爸復康良好

有小中風姐係黎緊會有次大中風

我屋企人 試過
佢唔知邊到搵到咩 牛黃丸食
之後 好快送院 住左幾個星期
又係口齒不清 手腳唔係好靈活
仲有一邊面癱 個陣都好擔心 活動能力會差好多
買左D 練手握力舊野 同埋 練手指既波
到出院 情況 好左D 開始講野叫聽到

跟住係屋頂休養左 3個月
完全好返晒 好似無事發生過咁

中風唔係個個都硬到手腳緊晒無自主郁既能力
如果佢患側手腳緊左的話家人係要學習做拉筋運動

無錯
所以我都勸樓主唔洗過份悲觀
都有不少case 上左年紀70歲中完一排恢復到8/9成好似無中過咁
復康過程都好睇佢個人，只能做好依家可以做既準備

安宮牛黃丸 之前屋企人中風都即日啪一粒

其實中風私家醫定公立好?
因為我屋企人之前中時入瑪麗, 個醫生都跟得好足.
講到明等公立檢查會好耐建議出去自費做mri, 做完report send 返比瑪麗, 之後主診醫生跟進.
同埋有一樣野係屋企人一中風, 即刻好多唔同部門嘅人會聯絡我, 例如社工呀, 病人支援組之類....仲我完全唔知點嘅時候就已經自主動幫我屋企人申請咗高額傷殘津貼之類. 睇落都算係幾多資源.

岩
人生係自己
唔好比兩老道德綁架
到時心理經濟有問題既係自己

照顧屋企人唔難，但時間長、鎖碎、又辛苦
病情又好難會好，唔會有完既一日
兩三個月都仲頂到
兩三年真係會身心收皮，到時睇醫生既係自己

你爸爸幾歲？

巴打你家人入咗瑪麗真係不幸中之大幸, 香港只係瑪麗有24小時中風中心, 醫生亦非常好

我媽媽是入了仁濟, 誤診了三日然後我地簽紙出院再去私家先發現中咗風

有錢嘅話點都係私家, 乜野快d (鬼唔知呀媽係女人咩), 不過豐儉由人, 私家真係乜都貴, 要睇家庭負擔

俾少少rehab既意見樓主
中風好睇你中腦入面邊個部位
就算大範圍有影響，只要位置唔係要害都可以good recovery
相反就算得一點中，中左d 神經線上落既要衝都可以坐唔到
要睇下佢呢幾日定局之後既情況如何，再決定有咩rehab plan
自己行到既，練多d 手力腳力平衡之外，定時食藥，量血壓，改善返生活習慣好重要，中風唔係一生人一次，我見過好多人（尤其是第一次中冇乜事既人）以為中風只係冇力三兩日，最後藥唔食，血壓唔度就中多一次，唔係次次都咁好彩，只要有一次中要害就一世。
要人扶行既，真係要家屬學好晒技巧，用咩助行器，點用點扶點行先好幫佢行，病人自己都要知道自己唔可以獨立行，中完風個邊少用，長久落黎d 骨真係好弱好脆，一跌親隨時斷手斷腳，好影響復康。
只可以扶住野坐同企既話，做好d 坐係度做既核心訓練都好重要，左右前後郁下patpat (scooting), 向前彎腰轉腰（trunk control), 踏下腳都已經係訓練。坐得穩先企得穩，企得穩先行得穩，慢慢黎唔洗急。
以上都係好簡略既意見，做以上任何野之前請確保自己同病人安全，有疑問請搵專業人士幫忙。
用心復康既話，單次中風既prognosis 一定會keep 住好，唔洗太擔心。

利申 物理治療師 目前都做緊中風病人復康

應該之後都要keep住食
係醫院應該做一輪物理治療先 如果仲未train得好可能會轉去啲復康醫院再train多輪
當然如果出得院 屋企人得閒都幫佢做下運動 繼續覆診

唔識可以講少句

搵定工人，準時帶去做物理治療

馮正輝醫生仁醫+1

唔該晒你 巴打

加油

加油呀巴打頂住

Lm