屋企個浴缸同洗手盤去水慢左
於是家姐搵左通渠佬上黎搞，傾好左$500 一次
點知上到黎係咁改價錢
通渠佬就話因爲個浴缸同洗手盤分開兩次收費
(乜有浴缸唔係同洗手盤分開咩？)
咁家姐都ok，諗住之前傾得唔清楚
跟住整整下又唔對路
話要用咩高壓機整，原價一萬蚊，而家就平比家姐 $8000，
唔整今晚涼都沖唔到（但明明本身一直沖到）
講到咁已經知伏味濃，
家姐就拒絕然後比返一開始既人工佢($1000)
咁好啦
一個係廳收錢寫收據，一個就匿係廁所執手尾
送完佢地走之後就出事
發現今朝新換既廁紙得返半卷
本身浴缸只係去水慢，而家完全去唔到水
最後用廁所泵係浴缸泵咗成堆廁紙出嚟
然後順手撩埋本身d淤塞物出黎，通晒
利申冇用過高壓機
