信和老細都要搭地鐵過海

生不逢時嘅海洋公園Fullerton酒店終於開張。正所謂新屎坑，梗要去Staycation睇吓乜料。
上周六，撞正酒店老細之一嘅信和集團黃志祥兩父子喺Fullerton巡視業務，聽到黃志祥正鬧緊個酒店總經理，即刻豎起耳仔聽吓，黃志祥有點勞氣地話：「如果啲錢係你自己嘅，會唔會咁樣嘥啲嘢？」

成日聽到幫富豪打工或招呼富豪嘅私人銀行家呻，啲有錢佬點孤寒，其實富豪之所以係富豪，就係有佢條數計，即使對仔女都會勒住勒住㗎。

一個司機兩個崗位
好似黃永光鍾意玩吓法拉利，只不過係二手車，咪睇信和旗下嘅黃金海岸泊滿富豪遊艇，黃永光都只係最近先做艇主，慳慳地買艘50呎遊艇。

最精明係，怕司機車完老細上船後冇嘢做，索性叫埋個司機學揸船，咁又慳番唔使養住個船長，個司機又肯上進，去考埋個船牌，咁份工就更穩陣啦。

信和集團總部位於尖東，黃志祥放工後都係徒步坐港鐵過海，再叫司機喺金鐘接佢，避開條富貴隧道，一來一回慳150蚊隧道費，又唔使塞車，富豪嘅時間先至係錢嘛！

幾年前在星航的lounge撞過佢老哥坐飛機返老家星加坡，喺lounge食完一餐後，服務員又好識做打包份三文治俾佢攞上機，可能夜晚到達新加坡後，晚餐都唔使啦。

孤寒都可以出名
以往好多富豪都慳到出汁，已故嘅小甜甜更加係慳家女皇。以往記者會完後，小甜甜叮囑員工將剩低嘅西餅打包攞走唔好浪費，咁都好過中巴顔氏家族曾以隔夜西餅款待小股東嘅。

新地創辦人郭得勝都係慳家王，做成單刁喺福臨門慶功請員工食餐飯，自己都係叫碟窩蛋牛肉飯，咁在座員工唔通叫魚翅鮑魚咩？

佢胞弟郭得標喺福臨門咬咗半隻鮑魚後，投訴冇「溏心」，經理準備換過隻俾佢，佢即截住話「唔好嘥，等我食埋佢啦」，但條數又點計呢？唔通收佢兩隻鮑魚錢咩？

已故工廈大王楊耀松對「孤寒」則有另一番解讀，佢請食飯通常「冇骨落地」，農曆年又會去Las Vegas避年唔使派利是畀員工，坐飛機亦只係經濟艙，認為「孤寒都係出名的一種方式啊。」

現時喺柴灣、觀塘、長沙灣以佢命名嘅工業大廈，原來亦有數計，因為唔使俾錢賣廣告都有人識自己喇。

喺柴灣嘅「楊耀松工業大廈」有個小巴站頭，乘客落車都會嗌：「楊耀松有落！」釘咗近廿年嘅佢，真正名留千古，吹脹！

其實富豪孤寒，因為佢哋搵嘅錢有血有汗，通常「假富豪」、乜乜博士呀，先會周身名牌，米芝蓮食府及名人合照四圍share，所以孤寒財主先係「真富豪」呀！

醬：https://www.facebook.com/bossmindmedia

連登大把人日日渣車過海都唔肉痛啦信和老細駛唔駛咁小家

怕司機車完老細上船後冇嘢做，索性叫埋個司機學揸船，咁又慳番唔使養住個船長

認真見過個白頭佬放工時間搭地鐵去金鐘

連登仔：諗開源節流不如搵多d啦

有人咁同我講過

呢招喺富豪界應都幾common 以前跟過嗰幾個有遊艇嘅大老細都係用呢招

個個都揾多d咁d錢邊度黎諗下就可以揾多d呢個世界冇窮人啦

連登仔: 有錢人唔會旨在一千幾百萬，跌咗都無所謂

有錢人對頭馬左右手就鬆手，因為知道班人幫佢搵緊錢，但有d非必要野就同普通人差唔多，應洗得洗

信和最出名係奶共不遺餘力，蟈慶蛔歸列必掛滿旗

開唔到源，咪唯有節流囉。

靚仔嗰時去過某電路板廠打暑期工，要pack啲文件入紙皮箱，個老闆屌人做咩用膠紙封箱底

支人改不了奴性

有GUTS

篇野寫得幾搞笑
有無作者ig?

點止奶共…仲要撤底投共…

國安署轉移臨時總部　報道指將租用港島太平洋酒店原文網址: 國安署轉移臨時總部　報道指將租用港島太平洋酒店 | 香港01 https://www.hk01.com/sns/article/613573

記者實拍北角城市花園酒店被國安公署徵用 酒店運入逾四百箱物資
https://hk.epochtimes.com/news/2020-08-14/51826333

佢叫你四邊角互疊(唔知你明唔明)，有閪用咩啲文件咁重，一起就穿底啦，最後無撚理佢，反正做下打雜暑期工，佢夠膽屌我我屌撚死佢啦

試下搵多啲錢

唔好淨係儲錢，儲錢會輸通賬一定要投資，包贏

試下轉行

有連登冇窮人

柬埔寨