柬埔寨金邊5天遊記

當年俾共產黨搞完，依家又係俾共產黨搞推btw

2018年

搞唔掂喎師兄

有無叫雞？

Day 2

呀唔記得提，我呢個旅行係1月份去，
去東南亞季節好重要，無論馬來西亞、泰國、柬埔寨、越南都好，年尾都係大雨季，千祈唔好去，最少都要12月先去得
最好旅遊季節係年頭，呢個時候乾啲但未太熱

第二朝訓醒，一開波就直踩赤柬S21集中營
S21本身係金邊市內一間學校，赤柬期間改建成為集中營，班房變哂牢房或者酷刑室，入面死過無數人，以下係當年《蘋果》對S21嘅描述：

吐斯廉博物館（Tuol Sleng Genocide Museum）前身是高中，在赤柬統治的1975到1979年間，被改建成第21號安全監獄（S-21），也是當時最血腥的殺人集中營。
信奉共產主義的赤柬，奪取政權後就將城市居民強制撤離到鄉下勞改，而不是勞工或農民階級的知識份子、醫生、教師或前政府的軍人等，被視為「敵人」，必須被改造成「新人民」或清算。當時S-21就是專門審問「政治犯」的監獄。
根據統計，1975到1979年間，至少有17000到20000人被抓進S-21，起初是「新人民」、外國人、反動份子，後期連赤柬官員都被抓進去。囚犯不分男女老幼，包含嬰兒，都被拷問或虐殺。
當年赤柬拷問無所不用其極，受害者被帶到拷問室拷打、施以電刑、水刑、甚至性侵，要他們承認無中生有的罪，還得提供「共犯」。「他們審訊我，給我上電刑」、「我曾在那裏待了一個月，只上了兩次廁所。」S-21少數的倖存者萬納（Vann Nath）曾這樣描述獄中生涯。
即使過了40年，走進S-21仍能感受當時的血腥肅殺。拷問室地板上仍有乾掉的血漬，鐵床上還留有當時銬着囚犯的腳鐐，連在囚室外、原本是學生運動用的單槓，也成為嚴刑逼供的工具。囚犯被吊在上面拷問到昏厥，再被塞入旁邊的屎尿缸嗆醒。

由於酒店距離集中營唔係好遠，我選擇咗行過去，唔坐tuk tuk，順便睇下市面情況
係我記憶中入面，幾年前嘅金邊係一個有活力嘅城市，市容係好落後、好擠迫，好多問題，但感受到個城市係進步緊，大家係有希望嘅
當時金邊亦未變到好似日後所講「中國殖民地」一樣，市面見到嘅遊客冇乜係支那樣，去金邊嘅人一般分兩類，一係睇集中營萬人坑、一係同其他東南亞國家一樣夜蒲享受平物價。




大約20分鐘之後行到集中營，入去之前要先買飛，冇記錯連埋導賞錄音機好似大約4至6蚊美金，大部買飛嘅人都係鬼佬或者鬼婆，我諗嚟得睇集中營、共產黨嘅人，應該都冇乜大陸人


可能係因為知道集中營歷史，入面氣氛會令人覺得陰森，加上買咗導賞錄音機，每去到一個checkpoint，佢就會係你聲邊介紹當年呢個地方發生過咩酷刑，都幾心up


喺集中營行咗應該大約一兩個鐘，懷住沉重嘅心情離開


離開集中營之後隨便係附近閒逛一下，見到有間地踎麵檔，入去求其食個午餐，
呢個牛丸牛肉河係係金邊咁多日最平民嘅一餐，但好好味，同埋坐係個類似鐵皮嘅環境入面同當地市民一齊食麵個感覺好奇妙

見到有企街

我再早少少
張圖偷的

其實幾多野睇

Day 2(下)

去完集中營之後，又食完晏，返咗酒店抖一抖涼下冷氣住市中心的好處就係成日可以返酒店
hea左一陣四點幾再出發，參觀就快收工嘅Central market(當地叫Phsar Thmei，Phsar呢個字詞源我估係Bazaar，世界語言流通真係博大精深)


Central Market係法屬印度支那時期設計，中間一個圓拱形建築，四邊再延伸出去，東南西北各一條走廊咁，中間賣乾貨為主，出面都有啲檔口賣濕貨
我因為個細背囊爛咗，焗住要買過個，用唔知15定20蚊美金買咗個柒背囊，店主一定超級開心，呢個錢係當地係好多，不過我個人唔鍾意講價，覺得你開個價，我接受到就買、接受唔到就唔會買，就算你降價我都唔會幫返你買



途中經過一間小學，撞正放學時間，啲小學雞係條街鳩玩，都有小販賣下零食
好典型的落後國家景象，但都仲係覺得呢個國家係走出左傷痛，有佢嘅活力，最少班細路仔都係有書讀，唔使係街邊乞錢，one dollar one dollar咁
題外話我自己覺得每一個地方未來希望都係細路仔，見到香港教育咁樣，大家都帶住仔女走，真係百般滋味


金邊一路沿住河邊有個好大規模嘅餐飲酒吧區，夜晚就有大量遊客嚟食嘢，
我呢晚去左兩間酒吧搵食，第一間坐室外，幾舒服


杯啤酒係柬埔寨自家品牌Angkor(吳哥)，最平，一杯通常1蚊美金就有，不過味道就麻麻地，志在啤啤佢有酒落肚
食物中等啦，係個湯幾好味，整體都係隔離檯個鬼妹吸引啲


每一個鬼佬鍾意去嘅東南亞地方，都一定有色情產業
金邊都唔例外，夜晚酒吧區好多位置都會有女人(應該係)企街，拉客，好多唔正經場所



順帶一提，始終金邊治安唔係太好，夜晚出完街，九點幾十點幾，我都一定搭tuk tuk返酒店，起碼直送酒店門口，安全好多
酒吧區有海量tuk tuk兜搭遊客，做得遊客預左唔會收費平，大約7蚊美金左右，其實好短車程，但錢同命仔，我揀命仔

第二日完

當件比中共撚完依家仲要群埋去

見到都唔想去

有冇去naga賭錢

立即有洗底文不過睇完都係唔想去

而家個首相極親中
冇架喇 呢個國家極腐敗
早年都仲有希望 反對派一路挑戰緊 社會好似有跡象改革
跟住17至18年玩大規模DQ、殺反對黨、捉哂人去坐監，國會變一黨專政，同香港一鳩樣
政治上冇哂制衡，社會一定極端腐敗

落後國家有落後國家魅力嘅
我本身鍾意東南亞不過而家真係覺得金邊去唔過

沒黃賭毒呢三味我都唔好

Lm

早幾年去過 siem reap
Angkor 係幾值得去
不過而家真係咪攪
呢d 地方 去到俾人溶左都無人知

Lm

Day 3


起身數吓買畀朋友嘅手信，其實都幾柒不過都係鳩買 算啦有心已經好好


第三日比較晏起身，主要行程係參觀皇宮，其實小悶，不過之前一日去完集中營，呢日想輕鬆啲周圍食買玩就算
順帶一提雖然去金邊係為睇赤柬，但我反而冇去市外個萬人坑，一來驚自己太沉重接受唔到，二來要坐tuk tuk去，其實有啲唔好意思好似想睇佢地上一代親戚被殺的場地咁，畢竟當年赤柬死左好多人，今時今日嘅金邊市民，或者總有一個親戚當年遇害


下午茶食左個米紙春卷，個形狀好引人聯想


晚餐係無事先做功課之下，意外去左金邊河邊嘅外國記者會(FCC)度食，事後先知原來嗰度幾出名
環境係Chill嘅，坐係吧檯、嘆住食物對住出面條河同條街嘅人
其實感覺少少似中環，不過東南亞就係勝在平，可能係中環要唔少錢先有嘅享受，係金邊只需要唔使10蚊美金就可以擁有，而10蚊美金對當年人嚟講已經係好多錢
其實我哋都只係相對幸運，先可以出生係香港呢個地方，享受到豐裕物貨同相對嘅自由，當然生活於2020年後嘅香港，又係另一種小不幸


飲飽食醉之後行過隔離見到有夜市，金邊夜市並唔係日日都開，每個星期只係開幾日，入面類似香港以前嘅跳蚤市場、大笪地，有野食有野買有人表演咁，好多人買完食物就坐係地下食


傳說中東南亞好多國家都有蟲食，但想食正常食物都選擇好多嘅，當然東南亞仲要露天市集，食物衛生就你諗你喇

呢一日比較hea

睇完我都想過去做野！

金邊S-21集中營 絕對恐怖過K.K.園區
原本學校嚟 比紅色高棉改咗做集中營
啲房…唔可以叫房 得一度牆隔開 左右勁窄 加地面一條渠

當年我係先去邏粒 再去金邊 及 西哈努市

民風純樸架但好窮

而家西哈努掂啦 一帶一路富起來了

2018年前去，洗咩底啫

啱啱睇返少少背景資料，換個人名、換個地名，實在太似曾相識
原來不經不覺，「柬埔寨」已降落在我們頭上

「鄉選」後，救國黨士氣大振，誓言翌年國會大選要獲得6成席次。但不久後，社群網站上出現一些幾年前救國黨內部會議、庚索卡等重要幹部與美國民主倡議團體、他國在野黨交流的錄影和照片，其中還包括與當時仍在野的民進黨。雖然談話內容不外是選舉策略、相互交流，但政府發言人嚴厲譴責「外國勢力不要干預柬國內政」。庚索卡2017年9月因此被以叛國罪嫌逮捕、關押迄今。內政部也向最高法院控告救國黨涉及叛國罪。高等法院11月16日以「與美國合謀意圖推翻政府」，判決解散救國黨，118名現任國會議員、地方、議員和重要黨幹部更被褫奪公權5年，現有職務即刻分配給其他政黨。

此舉引來聯合國、歐盟、美國、瑞典、澳洲等國批評與譴責，宣佈暫停外援。國內自由派媒體也大肆批評最高法院不獨立，柬埔寨民主倒退。但洪森政府不為所動，轉而以查稅來對付。

質量俱優的獨立英文報紙《柬埔寨日報》（Cambodia Daily）首當其衝，被國稅局要求補稅630萬美元。《柬埔寨日報》批評政府用「漏洞百出和無中生有的資訊」，核定天文數字的稅款，别有用心，他們只能無奈決定停刊。

洪森政府也為提高投票率使出各種方法，先是要求企業給予3天有薪假，讓員工返鄉投票，並一再「提醒」選民，是人民黨帶領柬埔寨走出內戰後的困境，接著還為恫嚇反對黨不要輕易發起街抗議，在選前數日於金邊街上出動4千多名荷槍實彈軍警舉行鎮暴演習，還警告說，散佈或支持指頭清白運動的訊息，將被處以1,700～2,500美元的罰款（成衣廠工人基本月薪是170美元！）選前一天，洪森公開說，選民若不去投票，「就是受到叛國者的搧惑，就是摧毀民主」。

我當年去之前睇網上資訊
都有話金邊經常有槍擊案、治安亦唔好
去落後國家旅行一定要好小心安全
寧願睇少咗嘢 因為命得一條