好重要嘅親人離世，有好重要嘅問題想問吓

睇左好耐你既帖，我爸爸都剛過身。好奇一問，醫院比你由早上7點陪伴到下午5點咁耐？

我自己搵個殯儀agent搞後事，熟人介紹。第一日坐底傾已經去簡哂棺木、場地、祭品、計埋回魂日子，教埋我地做七點樣拜祭。

你話個位大粒野佢係咪親自幫你打點哂呢啲野？定係佢再介紹人比你？

回魂日如果佢唔識，都可以去衣紙鋪問，仲要叫人教點樣拜。我有份list同埋拜祭用品點擺既圖。有需要可以share比你

首先回覆你嘅好奇一問，醫院早上7:35打電話俾我叫我過去，咁其實我媽媽喺醫院住咗三個月有多但係都轉過幾次醫院嘅，咁我就日日都過去搵佢送飯俾佢所以其實嗰啲醫護人員都認得我，咁我去到嘅時候佢就比我入去裏面坐，咁因為我媽媽喺獨立房，咁佢到俾我坐到2:00，因為佢要轉間咁點都要走㗎喇，要再問吓一間同事，咁我去到兩點嘅時候咁個姑娘非常好啦咁同我講你媽媽抹咗身之後我俾你再入嚟，咁其實我幫我媽媽執緊個樣嘅時候，即係幫佢抹臉清緊啲黑頭嘅時候我就留意到佢呼吸已經冇乜，咁我又即刻叫醫護入嚟啦，咁醫護人員就同我講你媽媽都應該走緊㗎喇，咁就叫晒所有人黎(都係四個人俾我哋一齊見)，咁醫生就4:45左右先到，咁其實講個時間佢一路比我留喺我媽媽身邊，直至到醫生嚟咗講咗正式嘅死亡時間咁就叫我哋出返去等一陣，15分鐘之後我媽媽就推出嚟去安息區，咁其實好多嘢做都係人情，我都好感謝醫院嘅姑娘照顧左我媽媽咁多個月。

我一陣就出去世界殯儀館嗰度再同佢傾。

如果可以你唔介意嘅share俾我呀，麻煩咗你了。