桌遊最理想緊係搵到一班棋友一齊玩，但係相信唔少人初初接觸桌遊，未必有勇氣上網約棋友面對面交流，又或者家人朋友對桌遊毫無興趣，唯有左手右手陪自己，又或者生活迫人，只有深夜有時間開棋自娛，依個時候一隻好既solo game 就派上用場。
但係既然係solo player，都好難搵到人交流，除非你無限金錢同空間，否則你可能都需要人介紹下有咩solo game 岩你玩。依個post 就係想集合solo player，講下你玩緊咩game，隻game 有咩好玩，等巴打們唔洗做盲頭烏蠅，買左D 唔岩玩既game 返黎，又要嘥時間放返出去。拋磚引玉，我自己都會介紹自己擁有/玩過既solo/有solo mode 既桌遊，但係一個玩既game 始終有限，所以歡迎巴打們都分享下你地鍾意既solo game。
Memorable mention: Marvel campaign同Arkham Horror 公海都有集中討論貼，唔再係度講啦，有興趣可以去返果兩個post。
Solo board game 單人桌遊討論 原來一個人都可以盡慶
藍藍的天空
77 回覆
26 Like
0 Dislike
第一隻要介紹既game 係solo game 既經典之作—Friday (星期五)
Friday 係一隻專為solo player 而設既輕策game，特點係夠細盒、玩法簡單，一場完整game 大約半個鐘多少少，就算出差都可以放埋入gip帶去玩。唔好睇佢盒仔細細，佢已經包含左deck-building 同 push-your-luck 兩大桌遊機制。玩家扮演魯賓遜，透過卡牌帶來既戰力同行動，係有限既生命力內，戰勝荒島上面各程挑戰，最後成功挑戰海盜就獲勝。
遊戲玩法好簡單，每次係兩張冒險牌簡一張挑戰，抽取對應數目既戰鬥牌，戰力總值大於或等於冒險值就成功，反之即失敗扣除差額生命值，成功挑戰後，冒險牌會變成玩家卡組，愈難挑戰既冒險牌，往往會成為愈強既戰力。遊戲就係咁重複進行，如果三個階段後玩家仲生存，咁就可以挑戰海盜，完成冒險。
遊戲好玩既地方在於取捨幾時要消耗生命值及牌庫。一般deck-building game 往往會盡量過濾牌庫，以抽取強力卡牌，但係Friday 入面，太快消耗牌庫反而會帶來弱勢，因為每一次牌庫被抽空，都會加入一張老化牌，老化牌會帶來負面效果，甚至完全取消戰鬥牌既戰力，所以玩家要決定幾時保存戰力，消耗生命值放棄戰鬥，幾時多抽幾張戰鬥牌，以獲得強力冒險牌。
另外，玩家即使輸掉該次冒險，玩家亦僧得到一點補償，可以選擇將一些帶有負面效果既戰鬥牌移除，所以特登戰敗以移除卡牌，亦係策略之一。
遊戲既缺點都好明顯，抽取冒險牌同戰鬥牌都係隨機，唔好彩上黎可以連抽幾張戰力0，而且每個階段都會增加戰鬥難度，前期如果已經失敗太多，做錯幾個決定，基本上已經可以放棄該局，作為入門game 黎講，Friday 難度無想像中咁低。
Friday 係一隻專為solo player 而設既輕策game，特點係夠細盒、玩法簡單，一場完整game 大約半個鐘多少少，就算出差都可以放埋入gip帶去玩。唔好睇佢盒仔細細，佢已經包含左deck-building 同 push-your-luck 兩大桌遊機制。玩家扮演魯賓遜，透過卡牌帶來既戰力同行動，係有限既生命力內，戰勝荒島上面各程挑戰，最後成功挑戰海盜就獲勝。
遊戲玩法好簡單，每次係兩張冒險牌簡一張挑戰，抽取對應數目既戰鬥牌，戰力總值大於或等於冒險值就成功，反之即失敗扣除差額生命值，成功挑戰後，冒險牌會變成玩家卡組，愈難挑戰既冒險牌，往往會成為愈強既戰力。遊戲就係咁重複進行，如果三個階段後玩家仲生存，咁就可以挑戰海盜，完成冒險。
遊戲好玩既地方在於取捨幾時要消耗生命值及牌庫。一般deck-building game 往往會盡量過濾牌庫，以抽取強力卡牌，但係Friday 入面，太快消耗牌庫反而會帶來弱勢，因為每一次牌庫被抽空，都會加入一張老化牌，老化牌會帶來負面效果，甚至完全取消戰鬥牌既戰力，所以玩家要決定幾時保存戰力，消耗生命值放棄戰鬥，幾時多抽幾張戰鬥牌，以獲得強力冒險牌。
另外，玩家即使輸掉該次冒險，玩家亦僧得到一點補償，可以選擇將一些帶有負面效果既戰鬥牌移除，所以特登戰敗以移除卡牌，亦係策略之一。
遊戲既缺點都好明顯，抽取冒險牌同戰鬥牌都係隨機，唔好彩上黎可以連抽幾張戰力0，而且每個階段都會增加戰鬥難度，前期如果已經失敗太多，做錯幾個決定，基本上已經可以放棄該局，作為入門game 黎講，Friday 難度無想像中咁低。
無諗過board game都可以solo
開眼界
，推
開眼界
，推lm
玩開多人 想見識下
岩我
一個人玩不如打機
其實依家愈黎愈多game 專登設計solo mode，打機同玩實體體驗始終有分別既，office對左成日mon，都想休息下
我都覺得solo game 似打機，既然會打機咁玩solo board game 有咩問題
用15分鐘整咖啡—Coffee roaster (咖啡烘焙師)
日本桌遊近年推陳出新，創作左好多小巧而有趣既桌遊，愈來愈受桌遊玩家重視，今次要介紹既桌遊，係日本廠Saashi & Saashi專為單人玩家設計既桌遊—Coffee roaster (咖啡烘焙師)。講起Saashi & Saashi，最知名既作品應該係電梯前同Let's make a bus route (或最新重製版—Get on board 請上車)，而Coffee roaster 係較早期既作品，不過仍然相當受單人玩家歡迎，如果你搵緊一隻好簡單、20分鐘左右完game、輕鬆唔洗太多思考既game，咁Coffee roaster 就好岩你。
遊戲玩法好簡單，主要係push-your-luck 既抽袋機制，玩家首先選擇一種咖啡豆，將對應既咖啡豆圓片、風味(flavor)圓片同其他有負面效果既圓片加入布袋，每回合從布袋抽取特定數目圓片，選擇是否發動風味圓片效果，最後升級(烘焙)咖啡豆圓片，玩家可以根據咖啡豆烘焙度，決定是否再進行多一回合，如果玩家停止烘焙，則抽取袋中最少10片圓片計算分數。
遊戲好玩既地方主要係玩家何時決定發動風味圓片效果同何時停止烘焙，因為風味圓片數量有限及部分效果係一次性，而且剩餘既風味圓片亦可能會在end-game帶來分數，聰明咁運用風味圓片就係左右分數多少既關鍵，另外，烘焙度愈高未必代表分數愈高，反而遊戲追求適當既烘焙度，而控制烘焙度既關鍵在於控制一爆同二爆(在特定回合會一次提升咖啡豆兩級)抽出咖啡豆既數目，考驗玩家運氣同控制袋中圓片既能力。
當然，如果你唔鍾意運氣game，依隻game 就唔岩你啦，從玩法都知，依隻遊戲會有好多magic moment，你係適當既回合，抽到適當既圓片，會為你帶來不少分數。同埋雖然遊戲有22種咖啡豆，但係差距主要係每回合數同圓片數目，令遊戲變化唔算好大。
日本桌遊近年推陳出新，創作左好多小巧而有趣既桌遊，愈來愈受桌遊玩家重視，今次要介紹既桌遊，係日本廠Saashi & Saashi專為單人玩家設計既桌遊—Coffee roaster (咖啡烘焙師)。講起Saashi & Saashi，最知名既作品應該係電梯前同Let's make a bus route (或最新重製版—Get on board 請上車)，而Coffee roaster 係較早期既作品，不過仍然相當受單人玩家歡迎，如果你搵緊一隻好簡單、20分鐘左右完game、輕鬆唔洗太多思考既game，咁Coffee roaster 就好岩你。
遊戲玩法好簡單，主要係push-your-luck 既抽袋機制，玩家首先選擇一種咖啡豆，將對應既咖啡豆圓片、風味(flavor)圓片同其他有負面效果既圓片加入布袋，每回合從布袋抽取特定數目圓片，選擇是否發動風味圓片效果，最後升級(烘焙)咖啡豆圓片，玩家可以根據咖啡豆烘焙度，決定是否再進行多一回合，如果玩家停止烘焙，則抽取袋中最少10片圓片計算分數。
遊戲好玩既地方主要係玩家何時決定發動風味圓片效果同何時停止烘焙，因為風味圓片數量有限及部分效果係一次性，而且剩餘既風味圓片亦可能會在end-game帶來分數，聰明咁運用風味圓片就係左右分數多少既關鍵，另外，烘焙度愈高未必代表分數愈高，反而遊戲追求適當既烘焙度，而控制烘焙度既關鍵在於控制一爆同二爆(在特定回合會一次提升咖啡豆兩級)抽出咖啡豆既數目，考驗玩家運氣同控制袋中圓片既能力。
當然，如果你唔鍾意運氣game，依隻game 就唔岩你啦，從玩法都知，依隻遊戲會有好多magic moment，你係適當既回合，抽到適當既圓片，會為你帶來不少分數。同埋雖然遊戲有22種咖啡豆，但係差距主要係每回合數同圓片數目，令遊戲變化唔算好大。
依隻有聽過但無試過，有時間可以介紹下
農家樂同火星
火星solo 不過不失，但無左搶地果種樂趣
所以我中意農家樂solo多d
全球排行第一BG嘅簡化版 (本身呢隻都好似排緊第3.）
單人RPG
一個個劇本咁樣打怪升level買裝備
每個劇本平均45-90分鐘 係setup有啲耐
都要10分鐘先set up哂
NPC會有 randomness去郁同攻擊
可以自己砌唔同招嘅deck去玩
有故仔
一個人玩可以慢慢諗用咩卡有一排成日喺tts度玩
農家樂solo係另一隻game
我麻麻地
我麻麻地
識玩tts 係另一個世界
免費有得玩經典單人game—Onirim(夢中迷情)
Onirim 係Z-man 2014年推出既作品，年代久遠既關係，實體版已經幾難買到，不過基本Apps版係Play store同Apps store都係免費。
Onirim係一隻簡單、快速既卡牌接龍遊戲，卡牌有4種顏色3種符號，每次打出卡牌必須同前一張符號不一樣，如果可以連續打出3張相同顏色既卡，就可以解鎖該顏色既「門」，成功解鎖8度「門」(每種顏色2度)就嬴得遊戲，相反如果耗盡牌庫就失敗。除左一般卡牌，遊戲仲有夢魘卡，抽到夢魘卡就必須選擇一種壞效果，掉棄手牌、掉棄牌庫頂5張牌、把「門」放回牌庫或掉棄一張鎖匙符號卡，而鎖匙符號卡係各種符號中最珍貴，除左可以抵擋夢魘卡，仲可以立即解鎖抽到的「門」或任意排序牌庫頂5張卡並掉棄1張，所以善用鎖匙符號卡就係勝負關鍵。
作為一隻免費遊戲，都無咩好批評，絕對適合搭車或者食完飯玩返鋪。
Onirim 係Z-man 2014年推出既作品，年代久遠既關係，實體版已經幾難買到，不過基本Apps版係Play store同Apps store都係免費。
Onirim係一隻簡單、快速既卡牌接龍遊戲，卡牌有4種顏色3種符號，每次打出卡牌必須同前一張符號不一樣，如果可以連續打出3張相同顏色既卡，就可以解鎖該顏色既「門」，成功解鎖8度「門」(每種顏色2度)就嬴得遊戲，相反如果耗盡牌庫就失敗。除左一般卡牌，遊戲仲有夢魘卡，抽到夢魘卡就必須選擇一種壞效果，掉棄手牌、掉棄牌庫頂5張牌、把「門」放回牌庫或掉棄一張鎖匙符號卡，而鎖匙符號卡係各種符號中最珍貴，除左可以抵擋夢魘卡，仲可以立即解鎖抽到的「門」或任意排序牌庫頂5張卡並掉棄1張，所以善用鎖匙符號卡就係勝負關鍵。
作為一隻免費遊戲，都無咩好批評，絕對適合搭車或者食完飯玩返鋪。
Board game玩法電子版同實體係2回事
呢隻又係有一輪搭車係咁玩
詭鎮奇談 MARVEL 卡牌版你都可以單機享受故仔