[淺倉唯] Super Hero Time 討論區 Revice 48 , 暴太郎戰隊 24

先唔講其他角色，george條線我真係覺得無問題，甚至寫得好，但就因為擺咁撚後先做搞到成件事好撚shit影響晒成個進度

細個咁中意老豆，個老豆就掛住研究唔理自己，之後想努力證明自己比老豆係一個更好嘅人，但心入面都仲係嚮慕緊老豆，當老豆未講完就行先一步，一個咁自負嘅細路仔發癲都理解到。可能個演員真係好有heart做同做得好好，令我覺得今集都幾好

好少為咗套水平以下嘅作品咁樣兜希望最後兩集叫收得好啲唔該，話晒都50周年。。。

咁佢幾時扮黑臉觀眾都會估到架啦....中間已經講明VICE就係忠心耿耿
佢下定決心要扮黑臉都係因為望住一輝嚴重到由早幾集唔記得屋企開澡堂-->唔記得老豆老母-->再去到今集連細佬妹都唔記得埋，已經無曬家庭既記憶了

仲有好多人都記錯左一輝個契約，佢變身時失去既只係家庭相關既記憶
所以佢記得youtuber同記得博士門田佢地係好正常架

咁暴太郎戰隊最大特色就係黑超啊嘛

然後外傳又令套野扣哂分

應該唔會有人覺得個兩套外傳好睇掛

01呢套野既劇情已經超越左屎同爛，後期每一集都可以俾人罵到pk，理解唔到點解仲有人為01劇情護航

Revice都只係無聊，但01係會教壞人嫁

Revice淨係阿唯話會去自首個下已經超越左01啦

或人又無完全反轉豬肚憎曬Humagear，唔覺幾雙標同埋信仰崩潰
佢目標一直都係滅，其他HG都係跟左滅變左MAGIA打過黎佢先還手
連佢本身最憎既1000%都係揸爆腰帶唔比佢阻住自己ONLY

令和3套要比較老實講點都係revice最唔掂
saber係唔掂 但佢個故事結構比較簡單
冇好似01人機矛盾revice惡魔人矛盾呢d爭議主題
同埋saber最尾有力挽狂瀾

呢套去到火山龍前結構其實幾好
有令人憎惡嘅敵役魷魚佬
有牛島家呢個伏線
有豪仔呢個有可憐背景先走上歪路嘅敵役

最大問題都係出喺魷魚佬"死"後
巨嬰同女王條線同埋大二自己諗埋一邊仲有牛家一家搞到成個結構崩塌左
明明女王呢個角色比魷魚佬/基夫背叛之後有好多空間可以塑造
寫佢比人背叛左之後想自我了解 跟住比五十嵐家收留去澡堂
比冇人冇物嘅佢感受家庭溫暖 最後搵到人生新嘅意義叫一輝幫佢解除契約去贖罪
將後期佢同豪仔嘅對話搬去中段唯b塑造回去突顯佢贖罪嘅決心

overdemon應該比豪仔變先 變嘅原因可能就係聽完唯b決心之後一齊贖罪
牛島家可以早d提及佢地嘅背景 大概比三四集塞可能幾個鏡頭帶一帶佢地嘅過去
然後先整一集牛島老豆死左令牛島光爆發變一次overdemon

大二諗歪嘅導火線可以寫好d
例如一輝佢地以為自己可以抗衡到基夫
但基夫唔單止輾壓佢地仲要令到老豆老母都受埋傷
貫徹返大二都有為家庭著想嘅人設
令到觀眾覺得佢都係為左家人先向基夫下跪
諗歪嘅集數都唔需要拖咁長
final form出比到大二睇人類方已經有力量抵抗基夫令到佢回復信心已經好夠

博士比老豆塞惡魔唔應該寫去劇場版
應該要喺主線就早d留低伏線
去到中後段就應該要暗示佢喺度研究緊唔靠惡魔就可以變身嘅driver
之後比juuga參戰打基夫嘅戰鬥
一齊打完基夫先話要清除埋用惡魔力量嘅拉打

睇返依家嘅revice最大問題都係角色行動嘅動機合理性出左問題唔夠說服力
唯b洗白 大二諗歪 牛島光變overdemon其實都冇問題
但引致呢d劇情嘅角色動機完全唔夠 鋪排又冇 又冇說服力

冰龍已經講過想整唔靠惡魔既型態
之後門田因為demons driver副作用質問狩崎果陣佢都有提過想整最好最正既rider
甚至聖翼同風雷本身整出黎都會令惡魔消失(只係一輝vice超越到變左共存)
狩崎條線最大問題係表現唔到啲心路歷程
結果居然係cast blog由演員自己解釋返

然後中後期赤石基夫篇最大問題係由描寫極少既牛島家aka Weekend組擔大旗
再加埋大二線既迷走、各種奇怪劇情展開(isolate大二、全員失憶唔記得朱美etc)
結果想探討既議題唔掂，劇情表現又唔掂

太多可有可無支線搞到冇位寫好主線
巨櫻又5分鐘 大二又5分鐘 唯又5分鐘 牛屎光又5分鐘 赤目又幾分鐘 豪出嚟搞個笑 老豆老母又嗲2句又幾分鐘
邊有時間寫一輝 vice 狩崎 門田大哥 基夫
重心擺返喺一輝同vice度已經正常返好多

就係應該要暗示佢研究呢d唔靠惡魔可以變身嘅driver係為左擺脫老豆隻惡魔嘅陰影
大二去到有幾集其實已經係固執到人地勸佢都唔聽
問題係佢變到咁固執嘅理由唔充足
個劇情話佢覺得人類面對住基夫嘅力量係冇贏嘅機會
但去到佢諗歪變到咁固執嘅過程當中每集嘅內容都拍唔到基夫散發嘅絕望感
我都唔期望佢可以拍到555劇場版嗰種感覺
但劇情都表現唔到大二要咁主動去跪低嘅迫切性
甚至final form出左黎有咁強戰鬥力但大二都仲係覺得人類贏嘅可能性係零

大二既固執官方答案係因為無左自省既能力無得分析自己條路有無錯(by望月P)
當去到對錯層面基本上就打臉左套野自己提出既議題

屈服最關鍵果集就係風雷revice被秒&空中基地被擊沉
對大二黎講係象徵意義好重既，之後果集又有平民話見到班拉打都唔夠打不如去吸印仔啦
但太多痴撚線橋段搞到呢啲重要段落比唔到個感染力出黎
再之後朱美死、牛島媽&weekend成員死呢啲都係令佢確立「唔反抗唔洗死人」既立場

中間明明想寫到大二同一輝各自既立場都有道理咁
但最後一個屈尾十大二醒覺「丫，我之前做錯左」咁就返返黎

可能對大二象徵意義係好重 但個敘述比唔到觀眾有共鳴
大二去到中後已經係跪到奶咁滯 主動帶兵去搞weekend d防空洞
其實加少少末日嘅絕望感落去都唔係好難姐
話赤石比個時間人類答覆 去到期限基夫就會出手滅世
類似手法其實特攝都好興 eg迪加帝拿OV/高斯劇場版3咁
橋唔怕舊 但最緊要個橋段可能令到成個劇情發展合理就已經好足夠

仲記得赤石演講果集望月喺官網度話同監督傾過最後決定唔用平民鏡頭，想觀眾代入去睇演講既平民視角
但佢地好明顯唔記得左觀眾有既係上帝視角結果就係你講既比唔到絕望感出黎

根本塞多啲平民恐慌受影響既場面已經可以好好多

寧願將啲時間攝啲玩膠情節同多餘野都唔擺落啲重要野到真係本pea等完咁款
豪仔醫院嗰個位真係老尷過敏鬼啲gag
冇咩野出返去睇風都偵探等下套了 啲畫真係尾機到

有集表現到d市民好似決定打唔打武肺疫苗咁 鳩撚到震
完全比唔到末日感

一次屌

屌你老母咩 木下半太
咁樣玩鳩濱尾
唔係話佢變Boss 唔得
但係咁樣收皮法會唔會過分咗啲
我係佢身為一個 riden fan 一定嬲死

唔係喎
龍騎中黐撚線啦
啲鏡世界嘅嘢係 ff 出嚟
博士啲怪仲話可以自己做

會唔會係本身已經定好哂劇本 因為事務所 東映過份干預
改到劇情都唔知點兜落去
最後鳩寫啲野捱到完場

本身門田就安排冇得變身

咁又點？

今集風都偵探追車戰播WBX改詞既WGX好正

問題唔係在於基夫有冇殺人
一來我地都係上個月先知基夫冇殺人
討論命題嗰陣就係得基夫眼神殺人嘅片段

咁強調嗰前提垃圾係因為赤石三十幾集嗰陣講到人類唔接受基夫令基夫冇得保護人類
起碼你覺得基夫可能都係人類嘅背叛先用呢種手段嚇人類
但係後面同你講「哈！我只係想有個穩定嘅食物來源，而家你班人類唔服從我
我要你地全部都死!五十嵐家除外」

咁嘅外星生物有咩談判嘅必要
仲顯得大二兩個月嘅掙扎極度冇意義

一播bgm嗰下
勁正 重解決咗東映啲爛cg問題 揸車拍攝問題