！警世！Gel甲IG黑店整到流曬血！事後一句道歉都冇！

青蔥炸雞（多蔥） · 2022-08-13T18:30:54+08:00

是咁的由於消費卷出左，咁啱我又想幫指甲換靚衫，於是就求其係IG搵左間收消費卷嘅，點知呢個係惡夢嘅開始... 間IG名叫： nail.ki_ 於是我係8月3號個陣Wts搵佢，並且問佢呢個款要幾多錢，當時佢開價話HKD350，咁我又覺得幾合理。同埋佢又要俾HKD100做訂金。就叫我7號派消費券嗰陣時俾佢，喺派消費券嗰日嘅凌晨，我已經主動叫佢俾pay code我。於是就Book左8月12號嘅下晝一點。去到8月12號下晝一點，咁一坐低就開始卸甲。卸甲都正正常常，但係到剪死皮嗰陣因為佢部電話係咁響，佢就一邊剪一邊裝下部電話。點知就賴嘢我左手中指，俾佢剪到流血。當下其實我feel到但係唔係話特別痛，於是就冇出聲開口。而佢自己都見到流血，一句道歉都冇講，就繼續剪。果下我已經唔係咁開心，諗住下次唔嚟就算。上甲油嗰陣時，佢叫我自己揀啲色。咁我又好聽話咁揀，點知揀完之後佢拎出嚟嗰啲甲油全部都寫住簡體字，我預HKD350蚊唔應該用淘寶嘢..咁就想嗱嗱臨做完就走。而佢用咗一個鐘左右就gel好左我用個款，其實佢係好快手，但係問題就出嚟，啲甲好粗疏佢唔單止剪到我流血，而且仲修到我其中一隻指甲歪埋...而且我啲手指就開始流血，我大概下晝兩點左右就gel完，但係四點幾嗰陣開始流血，好唔容易止咗血之後，七點幾又開始流。我當下已經即刻wts同佢反映咗流血呢件事，當時只係想要一個道歉。但係最後都係冇得到任何回應。而我返到屋企之後發現咗更多嘅問題... 於是同佢交涉，希望可以得到全額退款。因為我覺得一個粗疏用淘寶gel 剪到流血嘅價真係唔值得HKD350蚊。點知佢惡人先告狀，將剪到我隻手指流血呢樣嘢避而不談，不停咁轉移視線，態度又好惡劣。原本都只係諗住和解，但係發現佢真係溝通唔到，於是就話會去消委會投訴同埋po連登等大家評下理佢話完我整霸王甲之後，講完一堆嘢之後就block咗我手指傷勢指甲粗疏圖可能有啲真係自己太吹毛求疵但係做完果下真係會唔開心對話圖佢block完我時候喺IG講嘅嘢我依家已經唔期望佢會退款俾我，但係只係唔明依家做美甲師嘅門檻係咁低？係咪求其租間舖，去淘寶買啲甲油同燈就可以幫人gel甲自己一日廿四小時對住咁嘅時間真係會唔開心。所以想問吓大家究竟真係我大題小作定係佢做錯又唔認第一次開po，sor for1999