我就帶佢睇診所，照完X-ray醫生話係肺炎，個時係夜診，醫生話因為佢細個需要而家轉去有氧氣箱既醫院，個時乜醫院都無位同未必有氧氣箱，得大圍珍禽異獸醫院有，就去左留院三晚
醫生都係話佢係肺炎，但因為我貓貓都好精神同有胃口驗血指數都算正常，所以可以出院就比藥同買左霧化機係屋企霧化
但藥食左一星期都無用，醫生話有機會抗藥性，所以驗左普通既抗生素test，點知佢對全部抗生素都有抗藥性，醫生叫我再驗MIC test再驗另外一堆抗生素，得兩款係無抗藥性，醫生開左一款比貓貓食兩星期同繼續每日兩次係屋企霧化
但食到而家一星期藥，都好似無乜好轉
依然係咳同有痰..我知道佢好辛苦呀日日食藥，雖然佢都係好精神同有胃口，見到佢無心機想玩又唔敢玩因為咳，好心痛
請問各位，我可以點做？
我應該轉醫生定點？有無心得同我分享下？
thank you
