如果Jupas結果唔夠理想 可以聽下我個故事

首先恭喜你地先，相比起連jupas 都無得玩既學生，你地最少叫有個offer係手。可能有好多人會因為入到唔想讀既科，甚至無offer而好失望。但記住，你係有能力去改變個事實。如果真係唔鍾意個科，好清楚將來一定唔做相關行業，就唔好強迫自己讀，錢事小啊，你四年時間事大。

我個陣放榜就跌咗隻腳，連jupas 都玩唔到，又唔知自己鍾意咩科/想做邊行，見自己science 成績都唔錯，就是但報個science asso 讀住先，諗住可以升返上大學。但讀讀下先發覺，其實自己興趣真係唔係science 度，升到大學咪又係on99咁讀，讀完都唔知為咩，就quit咗

唔知想做咩又quit咗asso，咁當然去返工啦，文員、地產街霸(未同人開過拖)、保險、飲食、sales、跟車都做過下，其實返依類工都好悶。日日返工都會問自己其實鍾意做咩呢，想做啲咩呢。

經過兩年幾既時間，有時間就會買下書睇，去下旅行，就開始對自己認識會多咗。加上日日返工都係做緊啲自己唔想做既野，開始令到自己想脫離現況。有時同朋友傾下計，出去做過下野，體驗過社會既現實，去下旅行，人生經歷豐富咗就會易啲搵到自己想做既野。

最後我去咗讀HD, 升埋HKU，總算做緊自己想做既野。好感恩我有兩 三年時間比我去發掘更多既可能性。

真係唔想讀個科，或者唔知自己想讀咩，又或者入唔到大學都唔緊要。就當gap year 一年囉，唔洗好似我咁gap 三年，最緊要依一年入面要過得充實，去做下野，安排多啲活動比自己去見識多啲，識多啲新朋友，你就自然會知自己想點，記住唔好日日打機hea 過一年，唔係既話個一年就會變得無意義。同埋唔洗怕出面啲人點睇你gap year，出去做野根本唔會有人理你幾歲，更何況你只係gap一年。

小長，祝各位都搵到自己既理想。

講埋幾歲, 月入幾多

俾人做參考

我用意係鼓勵佢地搵到自己想做既野，再勇敢去試去做。
唔係叫佢地報我讀既hd 同我一樣入HKU，再做同一份工。

一樣都係gap year再讀返書 留名

都重要既
但更鼓勵去試下gap year

講下點搵到你人生理想既工作

變咗Gap decade

我樓主差唔多，都係讀左一年asso ，之後quit 左，gap 左3年，不過我只係剛剛報左hd ，目標希望可以升返上本地大學

我hd最尾個sem quit左，gap左7年，5萬幾6萬，我都重新報左ft hd

最緊要心態要夠好，齊加油

突然諗起鏗哥

個個可以咁奢侈 gap 1 年 ？
你靠屋企 ja

你孤兒院出嚟冇屋企？

屋企真係咁等你養
差你個幾千蚊開飯你一早中三就被迫quit
直接出黎做野養家啦
如果你話讀完中學出黎搵萬幾蚊全部比哂當家用就無得講啦

不斷咁試多啲野囉
因為個一兩年應該係人生中最最最得閒既一兩年
但個一兩年過得好既話，係會幫你既人生建立另一啲價值觀同埋新睇法。依啲價值觀又會可能影響到將來你做既某一啲決定
啲老人家講，後生仔試多啲唔同既野的確係好事
但唔鼓勵做犯法野講明先

八卦一問
工程無hd 都上到5萬幾蚊？
師兄都幾勁

點解呢？

真係？
可以講多啲點解會quit
同點解會揀讀個科？

唔知佢依家點
過得好唔好

1年又1年，慢慢就唔想讀

準備讀咩啊？

助理環境保護主任 (Assistant Environmental Protection Officer) (AEPO)
總薪級表 第16至21點
($34,185 - $43,610)