差唔多150萬羊！照今日匯率計算等於港紙 $85,473.4，照香港工資中位數2萬蚊計算，即係好多人成四個嘅月嘅人工！呢度講緊足足1,362 張券！當佢一張7秒，假設全投一個 mb 就可以 meet 接近 160 分鐘。聽講話佢都有分一小部分去見美空，但我估大部分都係去晒佢嘅主推松尾度。（記住而家只係 online meet，如果疫情完咗可以真係揸手仔的話，可能佢到時會更重本咁落飛！）
對於呢啲大金主我真係冇嘢好講，唯有多謝佢支持乃團繼續發展。不過話時話，到時真係會畀佢 meet 咁耐咩？如果唔計足畀佢，又好似商業騙案咁講唔過去；但如果計足畀佢，其實已經夠時間同松尾坐低食返餐飯。傳說當年有金主一次過握咗白麻25分鐘，好想知今次點收科，等佢出 repo。
