(認真post)健身補劑簡單介紹

同大家分享幾隻市面上非常常見而又有大量研究支持既安全補充品

whey protein 乳清蛋白

應該係最常見既supplement, 係香港較常被稱為蛋白粉。係牛奶做成芝士既過程產生既副產品，曾經以為係垃圾黎，但後尾發現原來有豐富蛋白質同胺肌酸，所以搖身一變成為搶手既健身補劑！

大家都知要增肌，修復肌肉就要蛋白質做原料。大部分既學者/健身愛好者都同意一日起碼要食自身體重以公斤計1.5-2倍克既蛋白質(eg 70kg既人要食105-140g既蛋白質)

老實講，唔係少既數目，由其都市人返工忙無時間食好食夠，出街食又carb多過protein。所以蛋白粉就變得非常方便，一個serving 沖水飲，5分鐘就吸收到20-30g protein!

市面見到既蛋白粉主要有兩種，普通whey同whey isolate
其實兩個分別唔太，isolate就進一步隔咗乳糖，蛋白質含量更高，比較快吸收同埋適合乳糖敏感嘅人，價錢亦都比較貴。

Gainer 增重粉

一樣嘢形容晒依樣產品！龍虎鳳大雜燴！
基本上佢係所有營養品嘅濃縮產物，一serving有晒碳水蛋白質同脂肪，而且非常高卡路里！講緊可能一serving 800-1000卡！

比較適合瘦底同埋冇乜時間食嘢上磅嘅人。但要留意嘅係，太過倚賴，或者食得過量，好容易會有過敏反應同埋好大機會會變咗肥仔先。所以重點都係要監察住個熱量攝取。

想飲你d 鋪田

樓主理我

Creatine 肌酸

佢係一隻可以直接加強你運動表現既產品。大概嘅原理就係針對ATP-cp供能系統，簡單啲講係人體提供0-10秒爆發力同力量嘅系統，atp本身睇人睇嘅數量好有限，當你進行高強度嘅力量訓練，atp就會被消耗，代謝成廢物。而呢個時候肌酸就會幫你將代謝物轉化返為atp
所以你身體入面肌酸嘅數量係會直接影響你爆發力同力量嘅表現

咁肌酸喺市面上都有好多種，而我就建議最基本嘅水解肌酸，因為大部份嘅研究都係base on依隻，可以話係業界認識最多，同埋最安全嘅類別！

咁使用方法就會有loading同唔load兩種。
Loading就要一星期，每日食20g, 之後就每日5g維持身體肌酸濃度。
唔load就每日食5g, 但就要預計20-30日先睇到loading既效果
所以就睇你心唔心急啦！

pre workout

顧名思義係操前飲既野，唔同牌子可能會有唔同成份，但其實都離唔開依幾樣，通常會有肌酸，支鏈氨基酸BCAA，β-丙氨酸，精氨酸同咖啡因

主要嘅作用會係等你個人hyper啲，上力啲，注意力集中，甚至會加快你心跳，血行得好啲，之後會更有pump感。

但老實講，其實依隻真係唔係必須，用得多倚賴左都唔係一件好事。
但如果平時可能真係返工返學太攰，要用一用先操到都唔係唔得既！

互飲

做咩唔理人🥺

要post埋其他先

卡路里

Apex隻protein點睇

因為蛋白粉剩係得蛋白質，卡路里其實好低
要增肌上磅除咗蛋白質仲要夠熱量
但當然你可以食多啲嘢都可以

推

無飲過
但老實講，牌子真係冇乜所謂，味道重要啲

好肚餓
落街食咩好

通常得朱古力唔會伏

除左會飲奶粉 加埋冷藏雞胸掂唔掂？

最重要食夠姐

M記bulking