有冇人幫襯過寶翠貓舍 Belcher Cattery?

黎緊想養英短 我成家心態、金錢、環境都準備好，就係差貓舍

有考慮木星貓舍，但想尋找下其他信得過既貓舍
見到寶翠貓舍有網頁有ig客人回片又冇係黑店見到
但都想詢問各位有冇人係寶翠貓舍買過

留名

啲貓幾靚，不過間野好鬼。唔會去佢個貓舍見貓，約你喺將軍澳慧安園商場，呢個場係劏鋪場，佢租咗一個其中一個鋪。約你個時間佢帶隻貓去鋪畀你睇，所以你睇唔到貓父母又睇唔到佢個場，要cfa證書加兩千，本來諗住買但係太鬼，唔敢買……但佢啲貓真係唔錯，而且攞好多獎

只貓包兩針，$25k，要證書加多兩千

你有冇養過英短？我覺得比較大隻，如果血統唔靚，面唔圓就好醜怪，而最大問題就係啲毛太厚，雙層絨毛，一年365日都甩毛，全屋都係毛……我覺得美短比較好養。

係囉，我book咗黎緊去睇貓。佢講明係showroom，加上聽你咁講，應該我真係去睇下就算，貓舍環境如何又唔知。

其實佢啲證書我有search過，好似唔係真，因為CFA news每年都有講邊隻貓攞獎，而我搵唔到佢既貓

Btw多謝提醒！ 我應該唔會幫親

冇養過貓呀。主要係屋企人鍾意英短，所以我先尋找下英短貓舍。其實所有野準備好晒，如果有美短貓舍好介紹，我地都會考慮下架～都係睇眼緣最重要係擔心幫襯到不道德既貓舍（雖然我知好多都不道德，但都相信有正當既/有好feedback既）

所以希望大家有好介紹🙏🏻

Btw點解唔領養係因為想純種同埋新手驚照顧唔到大問題既貓貓（講真我屋企人覺得領養既貓唔代表一定被道德對待）

木星都唔係好好多，睇相揀貓，啱就落訂，唔會俾你現場揀，懶巴閉，要三萬up

養寵物最緊要自己鍾意，啱眼緣，啱自己心水。

好多領養貓，養幾年都喺個梳化底入邊住，同你冇交流冇溝通，更甚者甚至乎掂下佢就咬你爪你，嗰啲唔叫寵物。

若領養嗰啲自己唔鍾意，倒貼十萬畀我都唔要。

呢間個名都臭咗一排

So sorry你養緊嘅係“玩物”，仲要係觀賞用嗰隻

乜物都冇所謂，三幾萬負擔得起，最緊要自己喜歡便是好。自己唔鍾意那些，倒貼十萬畀我都唔要。

你要講到咁天生天養咁就唔係擺入屋養添啦

寵物唔係玩物係咩？

美短唔甩毛咩？

少很多，英短的三分一

銀火石打手又想叫人買你D美短呀？

咁你身邊所有親人朋友都只係playmate唔需要投放感情啦

寵物嘅意義係親人及同伴，而唔係純粹氹你開心嘅玩具

喺家裏邊嗰啲先叫寵物，未入屋嗰啲叫動物。入唔入到我間屋，係由我自己決定，請問錯在哪裏？

冇問題，只係覺得你唔係真心愛貓啫
完。

條友好似之前比人踢爆左係某貓舍既打手黎

係？😂美短貓舍？

我愛我阿媽，唔等於愛所有老女人。

我愛我的貓，唔等於愛所有的貓。