又減肥失敗！點解佢可以咁L懶！！

觀察完我貌似食極唔肥嘅男朋友之後，我發現有啲人容易肥其實同本身基因好大關係。

1. 容易被誘惑

我好鍾意食煎炸嘢，甜嘢。雖然日日都努力忍口，但每日誘惑太多。舉個例：就當我今日受到各種零食/甜食誘惑總共20次。我每一次都要同自己經歷一次心理鬥爭，說服自己啲食物係魔鬼，食完會變豬，係咁鬧自己唔好比啲魔鬼誘惑到。當我最後好勁，苦戰一番打贏咗19場仗，其實最後結論係我今日又唔小心食多咗1份零食。如果有包朱古力條係我面前，我聞到都開始性興奮但擺係我男朋友前面，佢望都唔望。對於佢嚟講，減肥食少啲零食好鬼易，因為根本完全冇想食嘅慾望。

2. 飽足感
男朋友食包薯片，食幾塊就摺埋包裝放低。一包可以分3次食。明明包薯片空氣多過薯片，食一包其實已經唔夠喉，但頂佢佢食兩塊就夠？？比我感覺係做愛做一半，根本未完就冇得插啦，邊會有飽足感？

見到好多連登仔話唔明點解啲女成日話減肥減肥但得把口，次次都失敗，一定又懶又唔做運動。但對於好多人嚟講，無論係男定係女，食少啲嘢一啲都唔容易。基因好大影響。每個人嘅set point都唔同，Greg Doucette教練成日都講，佢試過想bulk，但佢身體頂唔住。逼自己食太多嘢每晚都瞓唔着半夜起身嘔返哂出嚟。佢話嚴重癡肥嘅人基因其實好差。如果有人話要佢去到400磅，就算俾1億美金佢同無限期佢都呢世唔會做到。因為佢本身嘅條件根本唔允許。相反，嚴重癡肥嘅人食好大份量仲食唔飽。要去到咁肥其實普通人真係好難，咁差嘅基因，個身體叫你食屎食到心臟病都仲肚餓

當然減肥困難仲有好多因素，Jeff Nippard 有條片解釋得幾好，包括NEAT, 荷爾蒙分泌，抑鬱症，營養唔吸收等。https://youtu.be/keBZfGAmq2Q

篇嘢想帶出嘅結論係，好多人減肥失敗其實唔係淨係因為懶咁簡單。唔好成日bully人，見人肥就話人肥西，覺得人懶。因為你唔知佢每日經歷緊啲咩。每個人都有經歷過：肚餓冇飯食；打飛機打到一半阿媽走入嚟嚇到淋咗之後冇得射嘅痛苦 嗰仲唔舒服唔滿足真係極難受。你以後見到個肥仔/肥妹，諗下其實佢哋每日都係度同自己鬥爭緊，因為有邊個會唔想瘦？ 至於基因差肥底嘅巴打絲打：唔好放棄希望。減肥雖然比其他人困難，但絕對唔係冇可能。要努力堅持，基因比你更差嘅人大把。始終都係Calories in calories out. 其實有好多方法可以幫助到控制誘惑同食慾，例如係減少誘惑屋企唔好比任何零食存在，試volume eating都好有效。我個人嘅減肥歷程都好辛苦，但係辛苦唔代表冇可能，我雖然基因唔好但依家都可以維持到自己滿意嘅身型，證明你都可以。加油

我都好易被誘惑 已經唔知點攪好

出街嘅誘惑控制唔到，起碼屋企嘅可以。我屋企冇買零食，真係口痕食生果。生果就係零食 誘惑少咗一日打少幾場仗

講咁撚多其實咪即係決心唔夠
等於有人戒到煙有人戒唔到一樣
零食癮起唔通會辛苦過煙癮起咩
咪一樣有人戒得甩

你一日係食得1500卡嘅
我唔柒信你身體會自己製造兩三千卡出嚟囉

我前日下午忍唔住食左個吉豬漢堡
所以罰返當晚唔準食晚飯，尋日唔準食早餐同中午

破戒一餐要罰三餐

利申：做地盤，今個月皮帶由扣尾二果格變第一格，過多幾日收工去打皮帶窿

咁講啦，決心係唔夠，但嗰個人要付出嘅決心多你好多倍，辛苦好撚多。

grehlin飢餓素係身體提醒你要食嘢，分泌嘅激素。平時個肚餓到打鼓就係因為佢。但每個人排放份量唔同，睇你好唔好彩。你可能食完飯3個鐘之後先再分泌，但有啲人2個鐘個肚又打鼓，咁佢要食少你一餐係咪需要更多決心？

好多人好似你咁，高估咗要食多幾多嘢先會變肥。呢個人計咗出嚟，每日食多200卡，TDE低1年就已經增20磅。https://www.reddit.com/r/loseit/comments/826wyo/an_extra_200_calories_a_day_is_20_pounds_gained/?utm_medium=android_app&utm_source=share
你諗下如果一個人飢餓素分泌比你多好多，講緊係要食多300卡嘅嘢先同你有一樣嘅飽足感，而佢每日只係比你食多200卡，係咪每日已經比你花得更多努力去節食？唔知你明唔明。

所以其實未必係決心唔夠，挨餓有幾辛苦你都知，始終個機能係你個身體想你生存落去先會令你肚餓。有啲人基因唔好，就算決心比你高都好難減，所以我先話需要用其他方法例如係volume eating去控制飢餓感。

犀利！！不過唔好成日連skip幾餐，做地盤咁辛苦小心暈呀。繼續加油支持你

我鍾意講呀
邊有你啲基因好？
不過慘慘唔會有人肯將你啲優越基因傳到下一代