兩年幾前，因為發生咗一啲事 再加上生活壓力 令我嘅病加劇惡化。我開始覺得身邊冇一個人係真心對我 個腦比以前諗更加多野 所以就晚晚失眠 要靠酒精先瞓到覺。身體越嚟越差 情緒亦都比以前更加大起大落 無緣無故咁喊 又突然可以冇事，本來好開心咁玩 又突然可以唔開心。而每一日嘅情況就差過一日。
到上年 我開始諗點樣自殺，我開始覺得自己無任何價值 呢個世界多我一個唔多 少我一個唔少，係呢段時間我覺得自己真係太辛苦 唔明白點解要繼續受落去，當刻對我嚟講 死亡 係真正嘅解脫。所以我準備去買氦氣自殺。
但估唔到嘅係 我嘅生存本能令我覺得 我係有病 我係要睇醫生 我係要食藥。自殺前我打左電話去一間叫MindPro嘅心理診所到求醫，佢哋安排左我見醫生 而我都同佢講哂我嘅情況同我嘅生活事 感情事 家事等等。最後診斷出我患有中高程度嘅抑鬱症同焦慮症。幫我睇症嘅醫生就係呢個 張力智。
一直以嚟 張力智醫生嘅言語都係有啲串串地，有時佢講完一啲野就會質問翻我 我答唔到就會諷刺我一兩句。雖然同我想像中嘅心理醫生嘅形象有啲出入，因為我會以為佢哋會當你係朋友咁樣傾偈去幫你同開解你，但佢唔同。而點解我繼續覆診，係因為我食咗佢啲藥之後 情況好轉左好多，開始自然咁瞓到覺 情緒唔再大起大落 個人仲正能量左。所以我足足跟佢食咗一年藥。
到今日覆診嘅時候，我同佢講話我試過有三日特登唔食藥去試吓自己可唔可以好返 但我就出現作嘔 呼吸加速同情緒大幅波動嘅反應。佢知道咗我特登唔食藥之後就開始鬧我，佢話我咁叻自己唔食藥 不過比我做埋個醫生，之後仲話佢依家話唔到事 叫我自己做決定 停藥定繼續食，咁我就話你覺得我應該點 佢就話佢唔知 反正我依家先係醫生之類嘅說話。然後佢仲同我講左句說話叫我記住 愚蠢嘅人會好快絕種。
覆診呢段時間得5分鐘 我就足足俾佢話左5分鐘，我明白我自己唔應該自把自為唔食藥去嘗試個效果 但作為醫生唔係應該要了解病人點解唔食藥 去開解佢關懷佢，而唔係咁樣對待一個有情緒病嘅病人 因為你永遠都唔會知道個病人會唔會因為你咁樣而令個病惡化 甚至會因為你咁樣講而自殺。
離開之後，我覺得好唔開心 但佢竟然仲WhatsApp我話要收返$700診金。我見到呢個message真係覺得佢好嘔心 問診先得嗰5分鐘 仲要俾佢鬧，而之前每個月覆診都要比幾千蚊藥費 屋企又唔係有錢 自己都仲係學生 又要翻兼職去維持生活 個個月都俾晒啲錢佢 真係冇諗過佢會咁對我。
最後奉勸各位，如果自己或者身邊嘅人有情緒病 請你地唔好睇呢個醫生 因為佢唔會當你係朋友咁樣關懷 甚至可能係當你係一部賺錢機器。而我雖然已經康復左七八成 但都會另謀高就 搵過第二個信得過嘅醫生睇 希望可以將我嘅情緒病在減輕 所以大家唔洗擔心。
睇到呢度嘅你地 多謝你 祝你生活順利 過一個精彩嘅人生。
）
