Face to face成員吳少芳30年前遇車禍四肢癱瘓 隊友「齊上齊落」退出樂壇

1992年，由吳少芳(Jodi)及蔡慧玲(Connie)女子組合Face to Face出道2年，已經得過新人獎，亦有代表作《情迷Milano》、《一些》、《Face to Face》等，比同期嘅女團Echo及夢劇院人氣稍勝一籌，仲試過跟黎明去美加登台，但係一場車禍令到呢對女團，未能再創高峰。

當時Jodi由褓姆揸車送返屋企，點知私家車喺屋企附近同泥頭車相撞，褓姆死亡，Jodi重傷昏迷。Jodi入住深切治療部5個月，總算大步檻過，但係四肢癱瘓，而且傷及肺部影響發聲，只能告別樂壇。

Jodi拍檔Connie亦決定「齊上齊落」退出，Connie多年後受訪時坦言當時有唱片公司向佢招手作獨立發展，但係自己想像唔到如果咁做Jodi會點，於是轉做唱片公司文職。雖然係咁，Jodi 同Connie從未宣佈拆夥，而且多年來Connie都有照顧探望Jodi，仲試過參加TVB慈善show。


近年Jodi患上癌症，即使後來身體情況轉差，佢都同探病嘅DJ老友李志剛講「我唔會咁快死，我好有生命力」。可惜Jodi病情未有好轉而於2021年病逝，終年54歲。

😅好彩佢d隊友唔係死咗

Viutv 個乞衣嚟
咪同佢打工

拎足夠賠償先再算啦

又唔地獄，又冇人睇得明，你對得住個名？

😅個名無咩對唔對得住 是但改的 好似你媽幫你改名咁

「齊上齊落」有無好笑D
主唱癱瘓咗，叫個唔識唱既花瓶上台，
就算my咀都要揾到人代唱先得架

咩主唱？兩個都識唱架喎